| Library / Tipiṭaka / ತಿಪಿಟಕ • Tipiṭaka / ಖುದ್ದಕಪಾಠಪಾಳಿ • Khuddakapāṭhapāḷi |
೭. ತಿರೋಕುಟ್ಟಸುತ್ತಂ
7. Tirokuṭṭasuttaṃ
೧.
1.
ತಿರೋಕುಟ್ಟೇಸು ತಿಟ್ಠನ್ತಿ, ಸನ್ಧಿಸಿಙ್ಘಾಟಕೇಸು ಚ।
Tirokuṭṭesu tiṭṭhanti, sandhisiṅghāṭakesu ca;
ದ್ವಾರಬಾಹಾಸು ತಿಟ್ಠನ್ತಿ, ಆಗನ್ತ್ವಾನ ಸಕಂ ಘರಂ॥
Dvārabāhāsu tiṭṭhanti, āgantvāna sakaṃ gharaṃ.
೨.
2.
ಪಹೂತೇ ಅನ್ನಪಾನಮ್ಹಿ, ಖಜ್ಜಭೋಜ್ಜೇ ಉಪಟ್ಠಿತೇ।
Pahūte annapānamhi, khajjabhojje upaṭṭhite;
ನ ತೇಸಂ ಕೋಚಿ ಸರತಿ, ಸತ್ತಾನಂ ಕಮ್ಮಪಚ್ಚಯಾ॥
Na tesaṃ koci sarati, sattānaṃ kammapaccayā.
೩.
3.
ಏವಂ ದದನ್ತಿ ಞಾತೀನಂ, ಯೇ ಹೋನ್ತಿ ಅನುಕಮ್ಪಕಾ।
Evaṃ dadanti ñātīnaṃ, ye honti anukampakā;
ಸುಚಿಂ ಪಣೀತಂ ಕಾಲೇನ, ಕಪ್ಪಿಯಂ ಪಾನಭೋಜನಂ।
Suciṃ paṇītaṃ kālena, kappiyaṃ pānabhojanaṃ;
ಇದಂ ವೋ ಞಾತೀನಂ ಹೋತು, ಸುಖಿತಾ ಹೋನ್ತು ಞಾತಯೋ॥
Idaṃ vo ñātīnaṃ hotu, sukhitā hontu ñātayo.
೪.
4.
ತೇ ಚ ತತ್ಥ ಸಮಾಗನ್ತ್ವಾ, ಞಾತಿಪೇತಾ ಸಮಾಗತಾ।
Te ca tattha samāgantvā, ñātipetā samāgatā;
ಪಹೂತೇ ಅನ್ನಪಾನಮ್ಹಿ, ಸಕ್ಕಚ್ಚಂ ಅನುಮೋದರೇ॥
Pahūte annapānamhi, sakkaccaṃ anumodare.
೫.
5.
ಚಿರಂ ಜೀವನ್ತು ನೋ ಞಾತೀ, ಯೇಸಂ ಹೇತು ಲಭಾಮಸೇ।
Ciraṃ jīvantu no ñātī, yesaṃ hetu labhāmase;
ಅಮ್ಹಾಕಞ್ಚ ಕತಾ ಪೂಜಾ, ದಾಯಕಾ ಚ ಅನಿಪ್ಫಲಾ॥
Amhākañca katā pūjā, dāyakā ca anipphalā.
೬.
6.
೭.
7.
ಉನ್ನಮೇ ಉದಕಂ ವುಟ್ಠಂ, ಯಥಾ ನಿನ್ನಂ ಪವತ್ತತಿ।
Unname udakaṃ vuṭṭhaṃ, yathā ninnaṃ pavattati;
ಏವಮೇವ ಇತೋ ದಿನ್ನಂ, ಪೇತಾನಂ ಉಪಕಪ್ಪತಿ॥
Evameva ito dinnaṃ, petānaṃ upakappati.
೮.
8.
ಯಥಾ ವಾರಿವಹಾ ಪೂರಾ, ಪರಿಪೂರೇನ್ತಿ ಸಾಗರಂ।
Yathā vārivahā pūrā, paripūrenti sāgaraṃ;
ಏವಮೇವ ಇತೋ ದಿನ್ನಂ, ಪೇತಾನಂ ಉಪಕಪ್ಪತಿ॥
Evameva ito dinnaṃ, petānaṃ upakappati.
೯.
9.
ಪೇತಾನಂ ದಕ್ಖಿಣಂ ದಜ್ಜಾ, ಪುಬ್ಬೇ ಕತಮನುಸ್ಸರಂ॥
Petānaṃ dakkhiṇaṃ dajjā, pubbe katamanussaraṃ.
೧೦.
10.
ನ ಹಿ ರುಣ್ಣಂ ವಾ ಸೋಕೋ ವಾ, ಯಾ ಚಞ್ಞಾ ಪರಿದೇವನಾ।
Na hi ruṇṇaṃ vā soko vā, yā caññā paridevanā;
ನ ತಂ ಪೇತಾನಮತ್ಥಾಯ, ಏವಂ ತಿಟ್ಠನ್ತಿ ಞಾತಯೋ॥
Na taṃ petānamatthāya, evaṃ tiṭṭhanti ñātayo.
೧೧.
11.
ಅಯಞ್ಚ ಖೋ ದಕ್ಖಿಣಾ ದಿನ್ನಾ, ಸಙ್ಘಮ್ಹಿ ಸುಪ್ಪತಿಟ್ಠಿತಾ।
Ayañca kho dakkhiṇā dinnā, saṅghamhi suppatiṭṭhitā;
ದೀಘರತ್ತಂ ಹಿತಾಯಸ್ಸ, ಠಾನಸೋ ಉಪಕಪ್ಪತಿ॥
Dīgharattaṃ hitāyassa, ṭhānaso upakappati.
೧೨.
12.
ಸೋ ಞಾತಿಧಮ್ಮೋ ಚ ಅಯಂ ನಿದಸ್ಸಿತೋ, ಪೇತಾನ ಪೂಜಾ ಚ ಕತಾ ಉಳಾರಾ।
So ñātidhammo ca ayaṃ nidassito, petāna pūjā ca katā uḷārā;
ಬಲಞ್ಚ ಭಿಕ್ಖೂನಮನುಪ್ಪದಿನ್ನಂ 9, ತುಮ್ಹೇಹಿ ಪುಞ್ಞಂ ಪಸುತಂ ಅನಪ್ಪಕನ್ತಿ॥
Balañca bhikkhūnamanuppadinnaṃ 10, tumhehi puññaṃ pasutaṃ anappakanti.
ತಿರೋಕುಟ್ಟಸುತ್ತಂ ನಿಟ್ಠಿತಂ।
Tirokuṭṭasuttaṃ niṭṭhitaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಖುದ್ದಕಪಾಠ-ಅಟ್ಠಕಥಾ • Khuddakapāṭha-aṭṭhakathā / ೭. ತಿರೋಕುಟ್ಟಸುತ್ತವಣ್ಣನಾ • 7. Tirokuṭṭasuttavaṇṇanā
