| Library / Tipiṭaka / ತಿಪಿಟಕ • Tipiṭaka / ಖುದ್ದಕಪಾಠಪಾಳಿ • Khuddakapāṭhapāḷi |
೮. ನಿಧಿಕಣ್ಡಸುತ್ತಂ
8. Nidhikaṇḍasuttaṃ
೧.
1.
ನಿಧಿಂ ನಿಧೇತಿ ಪುರಿಸೋ, ಗಮ್ಭೀರೇ ಓದಕನ್ತಿಕೇ।
Nidhiṃ nidheti puriso, gambhīre odakantike;
ಅತ್ಥೇ ಕಿಚ್ಚೇ ಸಮುಪ್ಪನ್ನೇ, ಅತ್ಥಾಯ ಮೇ ಭವಿಸ್ಸತಿ॥
Atthe kicce samuppanne, atthāya me bhavissati.
೨.
2.
ರಾಜತೋ ವಾ ದುರುತ್ತಸ್ಸ, ಚೋರತೋ ಪೀಳಿತಸ್ಸ ವಾ।
Rājato vā duruttassa, corato pīḷitassa vā;
ಇಣಸ್ಸ ವಾ ಪಮೋಕ್ಖಾಯ, ದುಬ್ಭಿಕ್ಖೇ ಆಪದಾಸು ವಾ।
Iṇassa vā pamokkhāya, dubbhikkhe āpadāsu vā;
ಏತದತ್ಥಾಯ ಲೋಕಸ್ಮಿಂ, ನಿಧಿ ನಾಮ ನಿಧೀಯತಿ॥
Etadatthāya lokasmiṃ, nidhi nāma nidhīyati.
೩.
3.
ನ ಸಬ್ಬೋ ಸಬ್ಬದಾ ಏವ, ತಸ್ಸ ತಂ ಉಪಕಪ್ಪತಿ॥
Na sabbo sabbadā eva, tassa taṃ upakappati.
೪.
4.
ನಿಧಿ ವಾ ಠಾನಾ ಚವತಿ, ಸಞ್ಞಾ ವಾಸ್ಸ ವಿಮುಯ್ಹತಿ।
Nidhi vā ṭhānā cavati, saññā vāssa vimuyhati;
ನಾಗಾ ವಾ ಅಪನಾಮೇನ್ತಿ, ಯಕ್ಖಾ ವಾಪಿ ಹರನ್ತಿ ನಂ॥
Nāgā vā apanāmenti, yakkhā vāpi haranti naṃ.
೫.
5.
ಅಪ್ಪಿಯಾ ವಾಪಿ ದಾಯಾದಾ, ಉದ್ಧರನ್ತಿ ಅಪಸ್ಸತೋ।
Appiyā vāpi dāyādā, uddharanti apassato;
ಯದಾ ಪುಞ್ಞಕ್ಖಯೋ ಹೋತಿ, ಸಬ್ಬಮೇತಂ ವಿನಸ್ಸತಿ॥
Yadā puññakkhayo hoti, sabbametaṃ vinassati.
೬.
6.
ಯಸ್ಸ ದಾನೇನ ಸೀಲೇನ, ಸಂಯಮೇನ ದಮೇನ ಚ।
Yassa dānena sīlena, saṃyamena damena ca;
ನಿಧೀ ಸುನಿಹಿತೋ ಹೋತಿ, ಇತ್ಥಿಯಾ ಪುರಿಸಸ್ಸ ವಾ॥
Nidhī sunihito hoti, itthiyā purisassa vā.
೭.
7.
ಚೇತಿಯಮ್ಹಿ ಚ ಸಙ್ಘೇ ವಾ, ಪುಗ್ಗಲೇ ಅತಿಥೀಸು ವಾ।
Cetiyamhi ca saṅghe vā, puggale atithīsu vā;
೮.
8.
ಏಸೋ ನಿಧಿ ಸುನಿಹಿತೋ, ಅಜೇಯ್ಯೋ ಅನುಗಾಮಿಕೋ।
Eso nidhi sunihito, ajeyyo anugāmiko;
ಪಹಾಯ ಗಮನೀಯೇಸು, ಏತಂ ಆದಾಯ ಗಚ್ಛತಿ॥
Pahāya gamanīyesu, etaṃ ādāya gacchati.
೯.
9.
ಅಸಾಧಾರಣಮಞ್ಞೇಸಂ, ಅಚೋರಾಹರಣೋ ನಿಧಿ।
Asādhāraṇamaññesaṃ, acorāharaṇo nidhi;
ಕಯಿರಾಥ ಧೀರೋ ಪುಞ್ಞಾನಿ, ಯೋ ನಿಧಿ ಅನುಗಾಮಿಕೋ॥
Kayirātha dhīro puññāni, yo nidhi anugāmiko.
೧೦.
10.
ಏಸ ದೇವಮನುಸ್ಸಾನಂ, ಸಬ್ಬಕಾಮದದೋ ನಿಧಿ।
Esa devamanussānaṃ, sabbakāmadado nidhi;
ಯಂ ಯದೇವಾಭಿಪತ್ಥೇನ್ತಿ, ಸಬ್ಬಮೇತೇನ ಲಬ್ಭತಿ॥
Yaṃ yadevābhipatthenti, sabbametena labbhati.
೧೧.
11.
ಆಧಿಪಚ್ಚಪರಿವಾರೋ, ಸಬ್ಬಮೇತೇನ ಲಬ್ಭತಿ॥
Ādhipaccaparivāro, sabbametena labbhati.
೧೨.
12.
ಪದೇಸರಜ್ಜಂ ಇಸ್ಸರಿಯಂ, ಚಕ್ಕವತ್ತಿಸುಖಂ ಪಿಯಂ।
Padesarajjaṃ issariyaṃ, cakkavattisukhaṃ piyaṃ;
ದೇವರಜ್ಜಮ್ಪಿ ದಿಬ್ಬೇಸು, ಸಬ್ಬಮೇತೇನ ಲಬ್ಭತಿ॥
Devarajjampi dibbesu, sabbametena labbhati.
೧೩.
13.
ಮಾನುಸ್ಸಿಕಾ ಚ ಸಮ್ಪತ್ತಿ, ದೇವಲೋಕೇ ಚ ಯಾ ರತಿ।
Mānussikā ca sampatti, devaloke ca yā rati;
ಯಾ ಚ ನಿಬ್ಬಾನಸಮ್ಪತ್ತಿ, ಸಬ್ಬಮೇತೇನ ಲಬ್ಭತಿ॥
Yā ca nibbānasampatti, sabbametena labbhati.
೧೪.
14.
ವಿಜ್ಜಾ ವಿಮುತ್ತಿ ವಸೀಭಾವೋ, ಸಬ್ಬಮೇತೇನ ಲಬ್ಭತಿ॥
Vijjā vimutti vasībhāvo, sabbametena labbhati.
೧೫.
15.
ಪಟಿಸಮ್ಭಿದಾ ವಿಮೋಕ್ಖಾ ಚ, ಯಾ ಚ ಸಾವಕಪಾರಮೀ।
Paṭisambhidā vimokkhā ca, yā ca sāvakapāramī;
ಪಚ್ಚೇಕಬೋಧಿ ಬುದ್ಧಭೂಮಿ, ಸಬ್ಬಮೇತೇನ ಲಬ್ಭತಿ॥
Paccekabodhi buddhabhūmi, sabbametena labbhati.
೧೬.
16.
ಏವಂ ಮಹತ್ಥಿಕಾ ಏಸಾ, ಯದಿದಂ ಪುಞ್ಞಸಮ್ಪದಾ।
Evaṃ mahatthikā esā, yadidaṃ puññasampadā;
ತಸ್ಮಾ ಧೀರಾ ಪಸಂಸನ್ತಿ, ಪಣ್ಡಿತಾ ಕತಪುಞ್ಞತನ್ತಿ॥
Tasmā dhīrā pasaṃsanti, paṇḍitā katapuññatanti.
ನಿಧಿಕಣ್ಡಸುತ್ತಂ ನಿಟ್ಠಿತಂ।
Nidhikaṇḍasuttaṃ niṭṭhitaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಖುದ್ದಕಪಾಠ-ಅಟ್ಠಕಥಾ • Khuddakapāṭha-aṭṭhakathā / ೮. ನಿಧಿಕಣ್ಡಸುತ್ತವಣ್ಣನಾ • 8. Nidhikaṇḍasuttavaṇṇanā
