| Library / Tipiṭaka / ತಿಪಿಟಕ • Tipiṭaka / ಖುದ್ದಕಪಾಠಪಾಳಿ • Khuddakapāṭhapāḷi |
೯. ಮೇತ್ತಸುತ್ತಂ
9. Mettasuttaṃ
೧.
1.
ಕರಣೀಯಮತ್ಥಕುಸಲೇನ , ಯನ್ತಸನ್ತಂ ಪದಂ ಅಭಿಸಮೇಚ್ಚ।
Karaṇīyamatthakusalena , yantasantaṃ padaṃ abhisamecca;
ಸಕ್ಕೋ ಉಜೂ ಚ ಸುಹುಜೂ 1 ಚ, ಸುವಚೋ ಚಸ್ಸ ಮುದು ಅನತಿಮಾನೀ॥
Sakko ujū ca suhujū 2 ca, suvaco cassa mudu anatimānī.
೨.
2.
ಸನ್ತುಸ್ಸಕೋ ಚ ಸುಭರೋ ಚ, ಅಪ್ಪಕಿಚ್ಚೋ ಚ ಸಲ್ಲಹುಕವುತ್ತಿ।
Santussako ca subharo ca, appakicco ca sallahukavutti;
ಸನ್ತಿನ್ದ್ರಿಯೋ ಚ ನಿಪಕೋ ಚ, ಅಪ್ಪಗಬ್ಭೋ ಕುಲೇಸ್ವನನುಗಿದ್ಧೋ॥
Santindriyo ca nipako ca, appagabbho kulesvananugiddho.
೩.
3.
ನ ಚ ಖುದ್ದಮಾಚರೇ ಕಿಞ್ಚಿ, ಯೇನ ವಿಞ್ಞೂ ಪರೇ ಉಪವದೇಯ್ಯುಂ।
Na ca khuddamācare kiñci, yena viññū pare upavadeyyuṃ;
ಸುಖಿನೋವ ಖೇಮಿನೋ ಹೋನ್ತು, ಸಬ್ಬಸತ್ತಾ 3 ಭವನ್ತು ಸುಖಿತತ್ತಾ॥
Sukhinova khemino hontu, sabbasattā 4 bhavantu sukhitattā.
೪.
4.
ಯೇ ಕೇಚಿ ಪಾಣಭೂತತ್ಥಿ, ತಸಾ ವಾ ಥಾವರಾ ವನವಸೇಸಾ।
Ye keci pāṇabhūtatthi, tasā vā thāvarā vanavasesā;
ದೀಘಾ ವಾ ಯೇವ ಮಹನ್ತಾ 5, ಮಜ್ಝಿಮಾ ರಸ್ಸಕಾ ಅಣುಕಥೂಲಾ॥
Dīghā vā yeva mahantā 6, majjhimā rassakā aṇukathūlā.
೫.
5.
೬.
6.
ನ ಪರೋ ಪರಂ ನಿಕುಬ್ಬೇಥ, ನಾತಿಮಞ್ಞೇಥ ಕತ್ಥಚಿ ನ ಕಞ್ಚಿ 15।
Na paro paraṃ nikubbetha, nātimaññetha katthaci na kañci 16;
ಬ್ಯಾರೋಸನಾ ಪಟಿಘಸಞ್ಞಾ, ನಾಞ್ಞಮಞ್ಞಸ್ಸ ದುಕ್ಖಮಿಚ್ಛೇಯ್ಯ॥
Byārosanā paṭighasaññā, nāññamaññassa dukkhamiccheyya.
೭.
7.
ಮಾತಾ ಯಥಾ ನಿಯಂ ಪುತ್ತಮಾಯುಸಾ ಏಕಪುತ್ತಮನುರಕ್ಖೇ।
Mātā yathā niyaṃ puttamāyusā ekaputtamanurakkhe;
ಏವಮ್ಪಿ ಸಬ್ಬಭೂತೇಸು, ಮಾನಸಂ ಭಾವಯೇ ಅಪರಿಮಾಣಂ॥
Evampi sabbabhūtesu, mānasaṃ bhāvaye aparimāṇaṃ.
೮.
8.
ಮೇತ್ತಞ್ಚ ಸಬ್ಬಲೋಕಸ್ಮಿ, ಮಾನಸಂ ಭಾವಯೇ ಅಪರಿಮಾಣಂ।
Mettañca sabbalokasmi, mānasaṃ bhāvaye aparimāṇaṃ;
ಉದ್ಧಂ ಅಧೋ ಚ ತಿರಿಯಞ್ಚ, ಅಸಮ್ಬಾಧಂ ಅವೇರಮಸಪತ್ತಂ॥
Uddhaṃ adho ca tiriyañca, asambādhaṃ averamasapattaṃ.
೯.
9.
ಏತಂ ಸತಿಂ ಅಧಿಟ್ಠೇಯ್ಯ, ಬ್ರಹ್ಮಮೇತಂ ವಿಹಾರಮಿಧಮಾಹು॥
Etaṃ satiṃ adhiṭṭheyya, brahmametaṃ vihāramidhamāhu.
೧೦.
10.
ದಿಟ್ಠಿಞ್ಚ ಅನುಪಗ್ಗಮ್ಮ, ಸೀಲವಾ ದಸ್ಸನೇನ ಸಮ್ಪನ್ನೋ।
Diṭṭhiñca anupaggamma, sīlavā dassanena sampanno;
ಕಾಮೇಸು ವಿನಯ 21 ಗೇಧಂ, ನ ಹಿ ಜಾತುಗ್ಗಬ್ಭಸೇಯ್ಯ ಪುನ ರೇತೀತಿ॥
Kāmesu vinaya 22 gedhaṃ, na hi jātuggabbhaseyya puna retīti.
ಮೇತ್ತಸುತ್ತಂ ನಿಟ್ಠಿತಂ।
Mettasuttaṃ niṭṭhitaṃ.
ಖುದ್ದಕಪಾಠಪಾಳಿ ನಿಟ್ಠಿತಾ।
Khuddakapāṭhapāḷi niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಖುದ್ದಕಪಾಠ-ಅಟ್ಠಕಥಾ • Khuddakapāṭha-aṭṭhakathā / ೯. ಮೇತ್ತಸುತ್ತವಣ್ಣನಾ • 9. Mettasuttavaṇṇanā
