| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៦. តិណសន្ថរទាយកត្ថេរអបទានំ
6. Tiṇasantharadāyakattheraapadānaṃ
២២.
22.
‘‘ហិមវន្តស្សាវិទូរេ, មហាជាតស្សរោ អហុ;
‘‘Himavantassāvidūre, mahājātassaro ahu;
សតបត្តេហិ សញ្ឆន្នោ, នានាសកុណមាលយោ។
Satapattehi sañchanno, nānāsakuṇamālayo.
២៣.
23.
អទ្ទសំ សមណានគ្គំ, គច្ឆន្តំ អនិលញ្ជសេ។
Addasaṃ samaṇānaggaṃ, gacchantaṃ anilañjase.
២៤.
24.
‘‘មម សង្កប្បមញ្ញាយ, សត្ថា លោកេ អនុត្តរោ;
‘‘Mama saṅkappamaññāya, satthā loke anuttaro;
អព្ភតោ ឱរុហិត្វាន, ភូមិយំឋាសិ តាវទេ។
Abbhato oruhitvāna, bhūmiyaṃṭhāsi tāvade.
២៥.
25.
និសីទិ ភគវា តត្ថ, តិស្សោ លោកគ្គនាយកោ។
Nisīdi bhagavā tattha, tisso lokagganāyako.
២៦.
26.
‘‘សកំ ចិត្តំ បសាទេត្វា, អវន្ទិ លោកនាយកំ;
‘‘Sakaṃ cittaṃ pasādetvā, avandi lokanāyakaṃ;
២៧.
27.
‘‘តេន ចិត្តប្បសាទេន, និម្មានំ ឧបបជ្ជហំ;
‘‘Tena cittappasādena, nimmānaṃ upapajjahaṃ;
ទុគ្គតិំ នាភិជានាមិ, សន្ថរស្ស ឥទំ ផលំ។
Duggatiṃ nābhijānāmi, santharassa idaṃ phalaṃ.
២៨.
28.
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
២៩.
29.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា តិណសន្ថរទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā tiṇasantharadāyako thero imā gāthāyo abhāsitthāti.
តិណសន្ថរទាយកត្ថេរស្សាបទានំ ឆដ្ឋំ។
Tiṇasantharadāyakattherassāpadānaṃ chaṭṭhaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៦. តិណសន្ថរទាយកត្ថេរអបទានវណ្ណនា • 6. Tiṇasantharadāyakattheraapadānavaṇṇanā
