| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೯. ತಿಮಿರಪುಪ್ಫಿಯತ್ಥೇರಅಪದಾನಂ
9. Timirapupphiyattheraapadānaṃ
೩೧.
31.
‘‘ಚನ್ದಭಾಗಾನದೀತೀರೇ, ಅನುಸೋತಂ ವಜಾಮಹಂ।
‘‘Candabhāgānadītīre, anusotaṃ vajāmahaṃ;
ಅದ್ದಸಂ ವಿರಜಂ ಬುದ್ಧಂ, ಸಾಲರಾಜಂವ ಫುಲ್ಲಿತಂ॥
Addasaṃ virajaṃ buddhaṃ, sālarājaṃva phullitaṃ.
೩೨.
32.
‘‘ಪಸನ್ನಚಿತ್ತೋ ಸುಮನೋ, ಪಚ್ಚೇಕಮುನಿಮುತ್ತಮಂ।
‘‘Pasannacitto sumano, paccekamunimuttamaṃ;
ಗಹೇತ್ವಾ ತಿಮಿರಂ ಪುಪ್ಫಂ, ಮತ್ಥಕೇ ಓಕಿರಿಂ ಅಹಂ॥
Gahetvā timiraṃ pupphaṃ, matthake okiriṃ ahaṃ.
೩೩.
33.
‘‘ಏಕನವುತಿತೋ ಕಪ್ಪೇ, ಯಂ ಪುಪ್ಫಮಭಿಪೂಜಯಿಂ।
‘‘Ekanavutito kappe, yaṃ pupphamabhipūjayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೩೪.
34.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ತಿಮಿರಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā timirapupphiyo thero imā gāthāyo abhāsitthāti.
ತಿಮಿರಪುಪ್ಫಿಯತ್ಥೇರಸ್ಸಾಪದಾನಂ ನವಮಂ।
Timirapupphiyattherassāpadānaṃ navamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ತಮಾಲಪುಪ್ಫಿಯತ್ಥೇರಅಪದಾನಾದಿವಣ್ಣನಾ • 1-10. Tamālapupphiyattheraapadānādivaṇṇanā
