| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៤. តិកិង្កណិបូជកត្ថេរអបទានំ
4. Tikiṅkaṇipūjakattheraapadānaṃ
២៧.
27.
‘‘ហិមវន្តស្សាវិទូរេ, ភូតគណោ នាម បព្ពតោ;
‘‘Himavantassāvidūre, bhūtagaṇo nāma pabbato;
តត្ថទ្ទសំ បំសុកូលំ, ទុមគ្គម្ហិ វិលគ្គិតំ។
Tatthaddasaṃ paṃsukūlaṃ, dumaggamhi vilaggitaṃ.
២៨.
28.
‘‘តីណិ កិង្កណិបុប្ផានិ, ឱចិនិត្វានហំ តទា;
‘‘Tīṇi kiṅkaṇipupphāni, ocinitvānahaṃ tadā;
ហដ្ឋោ ហដ្ឋេន ចិត្តេន, បំសុកូលំ អបូជយិំ។
Haṭṭho haṭṭhena cittena, paṃsukūlaṃ apūjayiṃ.
២៩.
29.
‘‘ឯកត្តិំសេ ឥតោ កប្បេ, យំ កម្មមករិំ តទា;
‘‘Ekattiṃse ito kappe, yaṃ kammamakariṃ tadā;
ទុគ្គតិំ នាភិជានាមិ, តិណ្ណំ បុប្ផានិទំ ផលំ។
Duggatiṃ nābhijānāmi, tiṇṇaṃ pupphānidaṃ phalaṃ.
៣០.
30.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា តិកិង្កណិបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā tikiṅkaṇipūjako thero imā gāthāyo abhāsitthāti.
តិកិង្កណិបូជកត្ថេរស្សាបទានំ ចតុត្ថំ។
Tikiṅkaṇipūjakattherassāpadānaṃ catutthaṃ.
