| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. तिकिङ्कणिपूजकत्थेरअपदानं
4. Tikiṅkaṇipūjakattheraapadānaṃ
२७.
27.
‘‘हिमवन्तस्साविदूरे, भूतगणो नाम पब्बतो।
‘‘Himavantassāvidūre, bhūtagaṇo nāma pabbato;
तत्थद्दसं पंसुकूलं, दुमग्गम्हि विलग्गितं॥
Tatthaddasaṃ paṃsukūlaṃ, dumaggamhi vilaggitaṃ.
२८.
28.
‘‘तीणि किङ्कणिपुप्फानि, ओचिनित्वानहं तदा।
‘‘Tīṇi kiṅkaṇipupphāni, ocinitvānahaṃ tadā;
हट्ठो हट्ठेन चित्तेन, पंसुकूलं अपूजयिं॥
Haṭṭho haṭṭhena cittena, paṃsukūlaṃ apūjayiṃ.
२९.
29.
‘‘एकत्तिंसे इतो कप्पे, यं कम्ममकरिं तदा।
‘‘Ekattiṃse ito kappe, yaṃ kammamakariṃ tadā;
दुग्गतिं नाभिजानामि, तिण्णं पुप्फानिदं फलं॥
Duggatiṃ nābhijānāmi, tiṇṇaṃ pupphānidaṃ phalaṃ.
३०.
30.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा तिकिङ्कणिपूजको थेरो इमा गाथायो अभासित्थाति।
Itthaṃ sudaṃ āyasmā tikiṅkaṇipūjako thero imā gāthāyo abhāsitthāti.
तिकिङ्कणिपूजकत्थेरस्सापदानं चतुत्थं।
Tikiṅkaṇipūjakattherassāpadānaṃ catutthaṃ.
