| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. नळागारिकत्थेरअपदानं
5. Naḷāgārikattheraapadānaṃ
३१.
31.
‘‘हिमवन्तस्साविदूरे , हारितो नाम पब्बतो।
‘‘Himavantassāvidūre , hārito nāma pabbato;
सयम्भू नारदो नाम, रुक्खमूले वसी तदा॥
Sayambhū nārado nāma, rukkhamūle vasī tadā.
३२.
32.
‘‘नळागारं करित्वान, तिणेन छादयिं अहं।
‘‘Naḷāgāraṃ karitvāna, tiṇena chādayiṃ ahaṃ;
चङ्कमं सोधयित्वान, सयम्भुस्स अदासहं॥
Caṅkamaṃ sodhayitvāna, sayambhussa adāsahaṃ.
३३.
33.
‘‘चतुद्दससु कप्पेसु, देवलोके रमिं अहं।
‘‘Catuddasasu kappesu, devaloke ramiṃ ahaṃ;
चतुसत्ततिक्खत्तुञ्च, देवरज्जं अकारयिं॥
Catusattatikkhattuñca, devarajjaṃ akārayiṃ.
३४.
34.
पदेसरज्जं विपुलं, गणनातो असङ्खियं॥
Padesarajjaṃ vipulaṃ, gaṇanāto asaṅkhiyaṃ.
३५.
35.
‘‘उब्बिद्धं भवनं मय्हं, इन्दलट्ठीव उग्गतं।
‘‘Ubbiddhaṃ bhavanaṃ mayhaṃ, indalaṭṭhīva uggataṃ;
सहस्सथम्भं अतुलं, विमानं सपभस्सरं॥
Sahassathambhaṃ atulaṃ, vimānaṃ sapabhassaraṃ.
३६.
36.
‘‘द्वे सम्पत्ती अनुभोत्वा, सुक्कमूलेन चोदितो।
‘‘Dve sampattī anubhotvā, sukkamūlena codito;
गोतमस्स भगवतो, सासने पब्बजिं अहं॥
Gotamassa bhagavato, sāsane pabbajiṃ ahaṃ.
३७.
37.
‘‘पधानपहितत्तोम्हि , उपसन्तो निरूपधि।
‘‘Padhānapahitattomhi , upasanto nirūpadhi;
नागोव बन्धनं छेत्वा, विहरामि अनासवो॥
Nāgova bandhanaṃ chetvā, viharāmi anāsavo.
३८.
38.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा नळागारिको थेरो इमा गाथायो अभासित्थाति।
Itthaṃ sudaṃ āyasmā naḷāgāriko thero imā gāthāyo abhāsitthāti.
नळागारिकत्थेरस्सापदानं पञ्चमं।
Naḷāgārikattherassāpadānaṃ pañcamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / २. कङ्खारेवतत्थेरअपदानवण्णना • 2. Kaṅkhārevatattheraapadānavaṇṇanā
