| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
9. திகிச்ச²கத்தே²ரஅபதா³னங்
9. Tikicchakattheraapadānaṃ
39.
39.
‘‘நக³ரே ப³ந்து⁴மதியா, வேஜ்ஜோ ஆஸிங் ஸுஸிக்கி²தோ;
‘‘Nagare bandhumatiyā, vejjo āsiṃ susikkhito;
ஆதுரானங் ஸது³க்கா²னங், மஹாஜனஸுகா²வஹோ.
Āturānaṃ sadukkhānaṃ, mahājanasukhāvaho.
40.
40.
‘‘ப்³யாதி⁴தங் ஸமணங் தி³ஸ்வா, ஸீலவந்தங் மஹாஜுதிங்;
‘‘Byādhitaṃ samaṇaṃ disvā, sīlavantaṃ mahājutiṃ;
பஸன்னசித்தோ ஸுமனோ, பே⁴ஸஜ்ஜமத³தி³ங் ததா³.
Pasannacitto sumano, bhesajjamadadiṃ tadā.
41.
41.
‘‘அரோகோ³ ஆஸி தேனேவ, ஸமணோ ஸங்வுதிந்த்³ரியோ;
‘‘Arogo āsi teneva, samaṇo saṃvutindriyo;
அஸோகோ நாம நாமேன, உபட்டா²கோ விபஸ்ஸினோ.
Asoko nāma nāmena, upaṭṭhāko vipassino.
42.
42.
‘‘ஏகனவுதிதோ கப்பே, யங் ஓஸத⁴மதா³ஸஹங்;
‘‘Ekanavutito kappe, yaṃ osadhamadāsahaṃ;
து³க்³க³திங் நாபி⁴ஜானாமி, பே⁴ஸஜ்ஜஸ்ஸ இத³ங் ப²லங்.
Duggatiṃ nābhijānāmi, bhesajjassa idaṃ phalaṃ.
43.
43.
‘‘இதோ ச அட்ட²மே கப்பே, ஸப்³போ³ஸத⁴ஸனாமகோ;
‘‘Ito ca aṭṭhame kappe, sabbosadhasanāmako;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
44.
44.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா திகிச்ச²கோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā tikicchako thero imā gāthāyo abhāsitthāti.
திகிச்ச²கத்தே²ரஸ்ஸாபதா³னங் நவமங்.
Tikicchakattherassāpadānaṃ navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 9. திகிச்ச²கத்தே²ரஅபதா³னவண்ணனா • 9. Tikicchakattheraapadānavaṇṇanā
