| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. តិកណ្ណិបុប្ផិយត្ថេរអបទានំ
8. Tikaṇṇipupphiyattheraapadānaṃ
៤៦.
46.
‘‘ទេវភូតោ អហំ សន្តោ, អច្ឆរាហិ បុរក្ខតោ;
‘‘Devabhūto ahaṃ santo, accharāhi purakkhato;
បុព្ពកម្មំ សរិត្វាន, ពុទ្ធសេដ្ឋំ អនុស្សរិំ។
Pubbakammaṃ saritvāna, buddhaseṭṭhaṃ anussariṃ.
៤៧.
47.
ពុទ្ធម្ហិ អភិរោបេសិំ, វិបស្សិម្ហិ នរាសភេ។
Buddhamhi abhiropesiṃ, vipassimhi narāsabhe.
៤៨.
48.
‘‘ឯកនវុតិតោ កប្បេ, យំ បុប្ផមភិបូជយិំ;
‘‘Ekanavutito kappe, yaṃ pupphamabhipūjayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៤៩.
49.
‘‘តេសត្តតិម្ហិតោ កប្បេ, ចតុរាសុំ រមុត្តមា;
‘‘Tesattatimhito kappe, caturāsuṃ ramuttamā;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
៥០.
50.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា តិកណ្ណិបុប្ផិយោ 3 ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā tikaṇṇipupphiyo 4 thero imā gāthāyo abhāsitthāti.
តិកណ្ណិបុប្ផិយត្ថេរស្សាបទានំ អដ្ឋមំ។
Tikaṇṇipupphiyattherassāpadānaṃ aṭṭhamaṃ.
Footnotes:
