| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫೧. ಕಣಿಕಾರವಗ್ಗೋ
51. Kaṇikāravaggo
೧. ತಿಕಣಿಕಾರಪುಪ್ಫಿಯತ್ಥೇರಅಪದಾನಂ
1. Tikaṇikārapupphiyattheraapadānaṃ
೧.
1.
‘‘ಸುಮೇಧೋ ನಾಮ ಸಮ್ಬುದ್ಧೋ, ಬಾತ್ತಿಂಸವರಲಕ್ಖಣೋ।
‘‘Sumedho nāma sambuddho, bāttiṃsavaralakkhaṇo;
ವಿವೇಕಕಾಮೋ ಸಮ್ಬುದ್ಧೋ, ಹಿಮವನ್ತಮುಪಾಗಮಿಂ॥
Vivekakāmo sambuddho, himavantamupāgamiṃ.
೨.
2.
‘‘ಅಜ್ಝೋಗಯ್ಹ ಹಿಮವನ್ತಂ, ಅಗ್ಗೋ ಕಾರುಣಿಕೋ ಮುನಿ।
‘‘Ajjhogayha himavantaṃ, aggo kāruṇiko muni;
ಪಲ್ಲಙ್ಕಮಾಭುಜಿತ್ವಾನ, ನಿಸೀದಿ ಪುರಿಸುತ್ತಮೋ॥
Pallaṅkamābhujitvāna, nisīdi purisuttamo.
೩.
3.
‘‘ವಿಜ್ಜಾಧರೋ ತದಾ ಆಸಿಂ, ಅನ್ತಲಿಕ್ಖಚರೋ ಅಹಂ।
‘‘Vijjādharo tadā āsiṃ, antalikkhacaro ahaṃ;
ತಿಸೂಲಂ ಸುಕತಂ ಗಯ್ಹ, ಗಚ್ಛಾಮಿ ಅಮ್ಬರೇ ತದಾ॥
Tisūlaṃ sukataṃ gayha, gacchāmi ambare tadā.
೪.
4.
‘‘ಪಬ್ಬತಗ್ಗೇ ಯಥಾ ಅಗ್ಗಿ, ಪುಣ್ಣಮಾಯೇವ ಚನ್ದಿಮಾ।
‘‘Pabbatagge yathā aggi, puṇṇamāyeva candimā;
ವನೇ ಓಭಾಸತೇ ಬುದ್ಧೋ, ಸಾಲರಾಜಾವ ಫುಲ್ಲಿತೋ॥
Vane obhāsate buddho, sālarājāva phullito.
೫.
5.
‘‘ವನಗ್ಗಾ ನಿಕ್ಖಮಿತ್ವಾನ, ಬುದ್ಧರಂಸೀಭಿಧಾವರೇ।
‘‘Vanaggā nikkhamitvāna, buddharaṃsībhidhāvare;
ನಳಗ್ಗಿವಣ್ಣಸಙ್ಕಾಸಾ, ದಿಸ್ವಾ ಚಿತ್ತಂ ಪಸಾದಯಿಂ॥
Naḷaggivaṇṇasaṅkāsā, disvā cittaṃ pasādayiṃ.
೬.
6.
‘‘ವಿಚಿನಂ ಅದ್ದಸಂ ಪುಪ್ಫಂ, ಕಣಿಕಾರಂ ದೇವಗನ್ಧಿಕಂ।
‘‘Vicinaṃ addasaṃ pupphaṃ, kaṇikāraṃ devagandhikaṃ;
ತೀಣಿ ಪುಪ್ಫಾನಿ ಆದಾಯ, ಬುದ್ಧಸೇಟ್ಠಮಪೂಜಯಿಂ॥
Tīṇi pupphāni ādāya, buddhaseṭṭhamapūjayiṃ.
೭.
7.
‘‘ಬುದ್ಧಸ್ಸ ಆನುಭಾವೇನ, ತೀಣಿ ಪುಪ್ಫಾನಿ ಮೇ ತದಾ।
‘‘Buddhassa ānubhāvena, tīṇi pupphāni me tadā;
ಉದ್ಧಂವಣ್ಟಾ ಅಧೋಪತ್ತಾ, ಛಾಯಂ ಕುಬ್ಬನ್ತಿ ಸತ್ಥುನೋ॥
Uddhaṃvaṇṭā adhopattā, chāyaṃ kubbanti satthuno.
೮.
8.
‘‘ತೇನ ಕಮ್ಮೇನ ಸುಕತೇನ, ಚೇತನಾಪಣಿಧೀಹಿ ಚ।
‘‘Tena kammena sukatena, cetanāpaṇidhīhi ca;
ಜಹಿತ್ವಾ ಮಾನುಸಂ ದೇಹಂ, ತಾವತಿಂಸಮಗಚ್ಛಹಂ॥
Jahitvā mānusaṃ dehaṃ, tāvatiṃsamagacchahaṃ.
೯.
9.
‘‘ತತ್ಥ ಮೇ ಸುಕತಂ ಬ್ಯಮ್ಹಂ, ಕಣಿಕಾರೀತಿ ಞಾಯತಿ।
‘‘Tattha me sukataṃ byamhaṃ, kaṇikārīti ñāyati;
ಸಟ್ಠಿಯೋಜನಮುಬ್ಬೇಧಂ, ತಿಂಸಯೋಜನವಿತ್ಥತಂ॥
Saṭṭhiyojanamubbedhaṃ, tiṃsayojanavitthataṃ.
೧೦.
10.
ಸತಸಹಸ್ಸನಿಯ್ಯೂಹಾ, ಬ್ಯಮ್ಹೇ ಪಾತುಭವಿಂಸು ಮೇ॥
Satasahassaniyyūhā, byamhe pātubhaviṃsu me.
೧೧.
11.
‘‘ಸೋಣ್ಣಮಯಾ ಮಣಿಮಯಾ, ಲೋಹಿತಙ್ಗಮಯಾಪಿ ಚ।
‘‘Soṇṇamayā maṇimayā, lohitaṅgamayāpi ca;
೧೨.
12.
‘‘ಮಹಾರಹಞ್ಚ ಸಯನಂ, ತೂಲಿಕಾವಿಕತೀಯುತಂ।
‘‘Mahārahañca sayanaṃ, tūlikāvikatīyutaṃ;
೧೩.
13.
‘‘ಭವನಾ ನಿಕ್ಖಮಿತ್ವಾನ, ಚರನ್ತೋ ದೇವಚಾರಿಕಂ।
‘‘Bhavanā nikkhamitvāna, caranto devacārikaṃ;
ಯದಾ ಇಚ್ಛಾಮಿ ಗಮನಂ, ದೇವಸಙ್ಘಪುರಕ್ಖತೋ॥
Yadā icchāmi gamanaṃ, devasaṅghapurakkhato.
೧೪.
14.
‘‘ಪುಪ್ಫಸ್ಸ ಹೇಟ್ಠಾ ತಿಟ್ಠಾಮಿ, ಉಪರಿಚ್ಛದನಂ ಮಮ।
‘‘Pupphassa heṭṭhā tiṭṭhāmi, uparicchadanaṃ mama;
ಸಮನ್ತಾ ಯೋಜನಸತಂ, ಕಣಿಕಾರೇಹಿ ಛಾದಿತಂ॥
Samantā yojanasataṃ, kaṇikārehi chāditaṃ.
೧೫.
15.
‘‘ಸಟ್ಠಿತುರಿಯಸಹಸ್ಸಾನಿ, ಸಾಯಪಾತಮುಪಟ್ಠಹುಂ।
‘‘Saṭṭhituriyasahassāni, sāyapātamupaṭṭhahuṃ;
ಪರಿವಾರೇನ್ತಿ ಮಂ ನಿಚ್ಚಂ, ರತ್ತಿನ್ದಿವಮತನ್ದಿತಾ॥
Parivārenti maṃ niccaṃ, rattindivamatanditā.
೧೬.
16.
‘‘ತತ್ಥ ನಚ್ಚೇಹಿ ಗೀತೇಹಿ, ತಾಳೇಹಿ ವಾದಿತೇಹಿ ಚ।
‘‘Tattha naccehi gītehi, tāḷehi vāditehi ca;
ರಮಾಮಿ ಖಿಡ್ಡಾರತಿಯಾ, ಮೋದಾಮಿ ಕಾಮಕಾಮಿಹಂ॥
Ramāmi khiḍḍāratiyā, modāmi kāmakāmihaṃ.
೧೭.
17.
‘‘ತತ್ಥ ಭುತ್ವಾ ಪಿವಿತ್ವಾ ಚ, ಮೋದಾಮಿ ತಿದಸೇ ತದಾ।
‘‘Tattha bhutvā pivitvā ca, modāmi tidase tadā;
ನಾರೀಗಣೇಹಿ ಸಹಿತೋ, ಮೋದಾಮಿ ಬ್ಯಮ್ಹಮುತ್ತಮೇ॥
Nārīgaṇehi sahito, modāmi byamhamuttame.
೧೮.
18.
‘‘ಸತಾನಂ ಪಞ್ಚಕ್ಖತ್ತುಞ್ಚ, ದೇವರಜ್ಜಮಕಾರಯಿಂ।
‘‘Satānaṃ pañcakkhattuñca, devarajjamakārayiṃ;
ಸತಾನಂ ತೀಣಿಕ್ಖತ್ತುಞ್ಚ, ಚಕ್ಕವತ್ತೀ ಅಹೋಸಹಂ।
Satānaṃ tīṇikkhattuñca, cakkavattī ahosahaṃ;
ಪದೇಸರಜ್ಜಂ ವಿಪುಲಂ, ಗಣನಾತೋ ಅಸಙ್ಖಿಯಂ॥
Padesarajjaṃ vipulaṃ, gaṇanāto asaṅkhiyaṃ.
೧೯.
19.
‘‘ಭವಾಭವೇ ಸಂಸರನ್ತೋ, ಮಹಾಭೋಗಂ ಲಭಾಮಹಂ।
‘‘Bhavābhave saṃsaranto, mahābhogaṃ labhāmahaṃ;
ಭೋಗೇ ಮೇ ಊನತಾ ನತ್ಥಿ, ಬುದ್ಧಪೂಜಾಯಿದಂ ಫಲಂ॥
Bhoge me ūnatā natthi, buddhapūjāyidaṃ phalaṃ.
೨೦.
20.
‘‘ದುವೇ ಭವೇ ಸಂಸರಾಮಿ, ದೇವತ್ತೇ ಅಥ ಮಾನುಸೇ।
‘‘Duve bhave saṃsarāmi, devatte atha mānuse;
ಅಞ್ಞಂ ಗತಿಂ ನ ಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Aññaṃ gatiṃ na jānāmi, buddhapūjāyidaṃ phalaṃ.
೨೧.
21.
‘‘ದುವೇ ಕುಲೇ ಪಜಾಯಾಮಿ, ಖತ್ತಿಯೇ ಚಾಪಿ ಬ್ರಾಹ್ಮಣೇ।
‘‘Duve kule pajāyāmi, khattiye cāpi brāhmaṇe;
ನೀಚೇ ಕುಲೇ ನ ಜಾಯಾಮಿ, ಬುದ್ಧಪೂಜಾಯಿದಂ ಫಲಂ॥
Nīce kule na jāyāmi, buddhapūjāyidaṃ phalaṃ.
೨೨.
22.
‘‘ಹತ್ಥಿಯಾನಂ ಅಸ್ಸಯಾನಂ, ಸಿವಿಕಂ ಸನ್ದಮಾನಿಕಂ।
‘‘Hatthiyānaṃ assayānaṃ, sivikaṃ sandamānikaṃ;
ಲಭಾಮಿ ಸಬ್ಬಮೇವೇತಂ, ಬುದ್ಧಪೂಜಾಯಿದಂ ಫಲಂ॥
Labhāmi sabbamevetaṃ, buddhapūjāyidaṃ phalaṃ.
೨೩.
23.
‘‘ದಾಸೀಗಣಂ ದಾಸಗಣಂ, ನಾರಿಯೋ ಸಮಲಙ್ಕತಾ।
‘‘Dāsīgaṇaṃ dāsagaṇaṃ, nāriyo samalaṅkatā;
ಲಭಾಮಿ ಸಬ್ಬಮೇವೇತಂ, ಬುದ್ಧಪೂಜಾಯಿದಂ ಫಲಂ॥
Labhāmi sabbamevetaṃ, buddhapūjāyidaṃ phalaṃ.
೨೪.
24.
‘‘ಕೋಸೇಯ್ಯಕಮ್ಬಲಿಯಾನಿ, ಖೋಮಕಪ್ಪಾಸಿಕಾನಿ ಚ।
‘‘Koseyyakambaliyāni, khomakappāsikāni ca;
ಲಭಾಮಿ ಸಬ್ಬಮೇವೇತಂ, ಬುದ್ಧಪೂಜಾಯಿದಂ ಫಲಂ॥
Labhāmi sabbamevetaṃ, buddhapūjāyidaṃ phalaṃ.
೨೫.
25.
‘‘ನವವತ್ಥಂ ನವಫಲಂ, ನವಗ್ಗರಸಭೋಜನಂ।
‘‘Navavatthaṃ navaphalaṃ, navaggarasabhojanaṃ;
ಲಭಾಮಿ ಸಬ್ಬಮೇವೇತಂ, ಬುದ್ಧಪೂಜಾಯಿದಂ ಫಲಂ॥
Labhāmi sabbamevetaṃ, buddhapūjāyidaṃ phalaṃ.
೨೬.
26.
‘‘ಇಮಂ ಖಾದ ಇಮಂ ಭುಞ್ಜ, ಇಮಮ್ಹಿ ಸಯನೇ ಸಯ।
‘‘Imaṃ khāda imaṃ bhuñja, imamhi sayane saya;
ಲಭಾಮಿ ಸಬ್ಬಮೇವೇತಂ, ಬುದ್ಧಪೂಜಾಯಿದಂ ಫಲಂ॥
Labhāmi sabbamevetaṃ, buddhapūjāyidaṃ phalaṃ.
೨೭.
27.
‘‘ಸಬ್ಬತ್ಥ ಪೂಜಿತೋ ಹೋಮಿ, ಯಸೋ ಅಬ್ಭುಗ್ಗತೋ ಮಮ।
‘‘Sabbattha pūjito homi, yaso abbhuggato mama;
ಮಹಾಪಕ್ಖೋ ಸದಾ ಹೋಮಿ, ಅಭೇಜ್ಜಪರಿಸೋ ಸದಾ।
Mahāpakkho sadā homi, abhejjapariso sadā;
ಞಾತೀನಂ ಉತ್ತಮೋ ಹೋಮಿ, ಬುದ್ಧಪೂಜಾಯಿದಂ ಫಲಂ॥
Ñātīnaṃ uttamo homi, buddhapūjāyidaṃ phalaṃ.
೨೮.
28.
‘‘ಸೀತಂ ಉಣ್ಹಂ ನ ಜಾನಾಮಿ, ಪರಿಳಾಹೋ ನ ವಿಜ್ಜತಿ।
‘‘Sītaṃ uṇhaṃ na jānāmi, pariḷāho na vijjati;
ಅಥೋ ಚೇತಸಿಕಂ ದುಕ್ಖಂ, ಹದಯೇ ಮೇ ನ ವಿಜ್ಜತಿ॥
Atho cetasikaṃ dukkhaṃ, hadaye me na vijjati.
೨೯.
29.
‘‘ಸುವಣ್ಣವಣ್ಣೋ ಹುತ್ವಾನ, ಸಂಸರಾಮಿ ಭವಾಭವೇ।
‘‘Suvaṇṇavaṇṇo hutvāna, saṃsarāmi bhavābhave;
ವೇವಣ್ಣಿಯಂ ನ ಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Vevaṇṇiyaṃ na jānāmi, buddhapūjāyidaṃ phalaṃ.
೩೦.
30.
‘‘ದೇವಲೋಕಾ ಚವಿತ್ವಾನ, ಸುಕ್ಕಮೂಲೇನ ಚೋದಿತೋ।
‘‘Devalokā cavitvāna, sukkamūlena codito;
ಸಾವತ್ಥಿಯಂ ಪುರೇ ಜಾತೋ, ಮಹಾಸಾಲೇ ಸುಅಡ್ಢಕೇ॥
Sāvatthiyaṃ pure jāto, mahāsāle suaḍḍhake.
೩೧.
31.
‘‘ಪಞ್ಚ ಕಾಮಗುಣೇ ಹಿತ್ವಾ, ಪಬ್ಬಜಿಂ ಅನಗಾರಿಯಂ।
‘‘Pañca kāmaguṇe hitvā, pabbajiṃ anagāriyaṃ;
ಜಾತಿಯಾ ಸತ್ತವಸ್ಸೋಹಂ, ಅರಹತ್ತಮಪಾಪುಣಿಂ॥
Jātiyā sattavassohaṃ, arahattamapāpuṇiṃ.
೩೨.
32.
‘‘ಉಪಸಮ್ಪಾದಯೀ ಬುದ್ಧೋ, ಗುಣಮಞ್ಞಾಯ ಚಕ್ಖುಮಾ।
‘‘Upasampādayī buddho, guṇamaññāya cakkhumā;
ತರುಣೋ ಪೂಜನೀಯೋಹಂ, ಬುದ್ಧಪೂಜಾಯಿದಂ ಫಲಂ॥
Taruṇo pūjanīyohaṃ, buddhapūjāyidaṃ phalaṃ.
೩೩.
33.
‘‘ದಿಬ್ಬಚಕ್ಖು ವಿಸುದ್ಧಂ ಮೇ, ಸಮಾಧಿಕುಸಲೋ ಅಹಂ।
‘‘Dibbacakkhu visuddhaṃ me, samādhikusalo ahaṃ;
ಅಭಿಞ್ಞಾಪಾರಮಿಪ್ಪತ್ತೋ, ಬುದ್ಧಪೂಜಾಯಿದಂ ಫಲಂ॥
Abhiññāpāramippatto, buddhapūjāyidaṃ phalaṃ.
೩೪.
34.
‘‘ಪಟಿಸಮ್ಭಿದಾ ಅನುಪ್ಪತ್ತೋ, ಇದ್ಧಿಪಾದೇಸು ಕೋವಿದೋ।
‘‘Paṭisambhidā anuppatto, iddhipādesu kovido;
ಧಮ್ಮೇಸು ಪಾರಮಿಪ್ಪತ್ತೋ, ಬುದ್ಧಪೂಜಾಯಿದಂ ಫಲಂ॥
Dhammesu pāramippatto, buddhapūjāyidaṃ phalaṃ.
೩೫.
35.
‘‘ತಿಂಸಕಪ್ಪಸಹಸ್ಸಮ್ಹಿ , ಯಂ ಬುದ್ಧಮಭಿಪೂಜಯಿಂ।
‘‘Tiṃsakappasahassamhi , yaṃ buddhamabhipūjayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೩೬.
36.
‘‘ಕಿಲೇಸಾ ಝಾಪಿತಾ ಮಯ್ಹಂ, ಭವಾ ಸಬ್ಬೇ ಸಮೂಹತಾ।
‘‘Kilesā jhāpitā mayhaṃ, bhavā sabbe samūhatā;
ನಾಗೋವ ಬನ್ಧನಂ ಛೇತ್ವಾ, ವಿಹರಾಮಿ ಅನಾಸವೋ॥
Nāgova bandhanaṃ chetvā, viharāmi anāsavo.
೩೭.
37.
‘‘ಸ್ವಾಗತಂ ವತ ಮೇ ಆಸಿ, ಮಮ ಬುದ್ಧಸ್ಸ ಸನ್ತಿಕೇ।
‘‘Svāgataṃ vata me āsi, mama buddhassa santike;
ತಿಸ್ಸೋ ವಿಜ್ಜಾ ಅನುಪ್ಪತ್ತಾ, ಕತಂ ಬುದ್ಧಸ್ಸ ಸಾಸನಂ॥
Tisso vijjā anuppattā, kataṃ buddhassa sāsanaṃ.
೩೮.
38.
‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ।
‘‘Paṭisambhidā catasso, vimokkhāpi ca aṭṭhime;
ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ॥
Chaḷabhiññā sacchikatā, kataṃ buddhassa sāsanaṃ.
ಇತ್ಥಂ ಸುದಂ ಆಯಸ್ಮಾ ತಿಕಣಿಕಾರಪುಪ್ಫಿಯೋ ಥೇರೋ ಇಮಾ
Itthaṃ sudaṃ āyasmā tikaṇikārapupphiyo thero imā
ಗಾಥಾಯೋ ಅಭಾಸಿತ್ಥಾತಿ।
Gāthāyo abhāsitthāti.
ತಿಕಣಿಕಾರಪುಪ್ಫಿಯತ್ಥೇರಸ್ಸಾಪದಾನಂ ಪಠಮಂ।
Tikaṇikārapupphiyattherassāpadānaṃ paṭhamaṃ.
Footnotes:
