| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၀. ထေရနာမကသုတ္တဝဏ္ဏနာ
10. Theranāmakasuttavaṇṇanā
၂၄၄. ဒသမေ ဝဏ္ဏဝာဒီတိ အာနိသံသဝာဒီ။ ယံ အတီတံ တံ ပဟီနန္တိ အတီတေ ခန္ဓပဉ္စကေ ဆန္ဒရာဂပ္ပဟာနေန တံ ပဟီနံ နာမ ဟောတိ။ အနာဂတန္တိ အနာဂတမ္ပိ ခန္ဓပဉ္စကံ တတ္ထ ဆန္ဒရာဂပဋိနိသ္သဂ္ဂေန ပဋိနိသ္သဋ္ဌံ နာမ ဟောတိ ။ သဗ္ဗာဘိဘုန္တိ သဗ္ဗာ ခန္ဓာယတနဓာတုယော စ တယော ဘဝေ စ အဘိဘဝိတ္ဝာ ဌိတံ။ သဗ္ဗဝိဒုန္တိ တံ ဝုတ္တပ္ပကာရံ သဗ္ဗံ ဝိဒိတံ ပာကဋံ ကတ္ဝာ ဌိတံ။ သဗ္ဗေသု ဓမ္မေသူတိ တေသ္ဝေဝ ဓမ္မေသု တဏ္ဟာဒိဋ္ဌိလေပေဟိ အနုပလိတ္တံ။ သဗ္ဗဉ္ဇဟန္တိ တဒေဝ သဗ္ဗံ တတ္ထ ဆန္ဒရာဂပ္ပဟာနေန ဇဟိတ္ဝာ ဌိတံ။ တဏ္ဟက္ခယေ ဝိမုတ္တန္တိ တဏ္ဟက္ခယသင္ခာတေ နိဗ္ဗာနေ တဒာရမ္မဏာယ ဝိမုတ္တိယာ ဝိမုတ္တံ။ ဒသမံ။
244. Dasame vaṇṇavādīti ānisaṃsavādī. Yaṃ atītaṃ taṃ pahīnanti atīte khandhapañcake chandarāgappahānena taṃ pahīnaṃ nāma hoti. Anāgatanti anāgatampi khandhapañcakaṃ tattha chandarāgapaṭinissaggena paṭinissaṭṭhaṃ nāma hoti . Sabbābhibhunti sabbā khandhāyatanadhātuyo ca tayo bhave ca abhibhavitvā ṭhitaṃ. Sabbavidunti taṃ vuttappakāraṃ sabbaṃ viditaṃ pākaṭaṃ katvā ṭhitaṃ. Sabbesu dhammesūti tesveva dhammesu taṇhādiṭṭhilepehi anupalittaṃ. Sabbañjahanti tadeva sabbaṃ tattha chandarāgappahānena jahitvā ṭhitaṃ. Taṇhakkhaye vimuttanti taṇhakkhayasaṅkhāte nibbāne tadārammaṇāya vimuttiyā vimuttaṃ. Dasamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. ထေရနာမကသုတ္တံ • 10. Theranāmakasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၀. ထေရနာမကသုတ္တဝဏ္ဏနာ • 10. Theranāmakasuttavaṇṇanā
