| Library / Tipiṭaka / ತಿಪಿಟಕ • Tipiṭaka / ಮಿಲಿನ್ದಪಞ್ಹಪಾಳಿ • Milindapañhapāḷi |
೨. ಥನಸ್ಸಿತದಾರಕಙ್ಗಪಞ್ಹೋ
2. Thanassitadārakaṅgapañho
೨. ‘‘ಭನ್ತೇ ನಾಗಸೇನ, ‘ಥನಸ್ಸಿತದಾರಕಸ್ಸ ಏಕಂ ಅಙ್ಗಂ ಗಹೇತಬ್ಬ’ನ್ತಿ ಯಂ ವದೇಸಿ, ಕತಮಂ ತಂ ಏಕಂ ಅಙ್ಗಂ ಗಹೇತಬ್ಬ’’ನ್ತಿ ? ‘‘ಯಥಾ, ಮಹಾರಾಜ, ಥನಸ್ಸಿತದಾರಕೋ ಸದತ್ಥೇ ಲಗ್ಗತಿ, ಖೀರತ್ಥಿಕೋ ರೋದತಿ, ಏವಮೇವ ಖೋ, ಮಹಾರಾಜ, ಯೋಗಿನಾ ಯೋಗಾವಚರೇನ ಸದತ್ಥೇ ಲಗ್ಗಿತಬ್ಬಂ, ಸಬ್ಬತ್ಥ ಧಮ್ಮಞಾಣೇನ ಭವಿತಬ್ಬಂ, ಉದ್ದೇಸೇ ಪರಿಪುಚ್ಛಾಯ ಸಮ್ಮಪ್ಪಯೋಗೇ ಪವಿವೇಕೇ ಗರುಸಂವಾಸೇ ಕಲ್ಯಾಣಮಿತ್ತಸೇವನೇ। ಇದಂ, ಮಹಾರಾಜ, ಥನಸ್ಸಿತದಾರಕಸ್ಸ ಏಕಂ ಅಙ್ಗಂ ಗಹೇತಬ್ಬಂ। ಭಾಸಿತಮ್ಪೇತಂ, ಮಹಾರಾಜ, ಭಗವತಾ ದೇವಾತಿದೇವೇನ ದೀಘನಿಕಾಯವರೇ ಪರಿನಿಬ್ಬಾನಸುತ್ತನ್ತೇ –
2. ‘‘Bhante nāgasena, ‘thanassitadārakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti ? ‘‘Yathā, mahārāja, thanassitadārako sadatthe laggati, khīratthiko rodati, evameva kho, mahārāja, yoginā yogāvacarena sadatthe laggitabbaṃ, sabbattha dhammañāṇena bhavitabbaṃ, uddese paripucchāya sammappayoge paviveke garusaṃvāse kalyāṇamittasevane. Idaṃ, mahārāja, thanassitadārakassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dīghanikāyavare parinibbānasuttante –
‘‘‘ಇಙ್ಘಂ ತುಮ್ಹೇ, ಆನನ್ದ, ಸಾರತ್ಥೇ 1 ಘಟಥ, ಸಾರತ್ಥೇ ಅನುಯುಞ್ಜಥ।
‘‘‘Iṅghaṃ tumhe, ānanda, sāratthe 2 ghaṭatha, sāratthe anuyuñjatha;
ಸಾರತ್ಥೇ ಅಪ್ಪಮತ್ತಾ ಆತಾಪಿನೋ ಪಹಿತತ್ತಾ ವಿಹರಥಾ’’’ತಿ॥
Sāratthe appamattā ātāpino pahitattā viharathā’’’ti.
ಥನಸ್ಸಿತದಾರಕಙ್ಗಪಞ್ಹೋ ದುತಿಯೋ।
Thanassitadārakaṅgapañho dutiyo.
Footnotes:
