| Library / Tipiṭaka / ತಿಪಿಟಕ • Tipiṭaka / ಮಿಲಿನ್ದಪಞ್ಹಪಾಳಿ • Milindapañhapāḷi |
೩. ಚಿತ್ತಕಧರಕುಮ್ಮಙ್ಗಪಞ್ಹೋ
3. Cittakadharakummaṅgapañho
೩. ‘‘ಭನ್ತೇ ನಾಗಸೇನ, ‘ಚಿತ್ತಕಧರಕುಮ್ಮಸ್ಸ 1 ಏಕಂ ಅಙ್ಗಂ ಗಹೇತಬ್ಬ’ನ್ತಿ ಯಂ ವದೇಸಿ, ಕತಮಂ ತಂ ಏಕಂ ಅಙ್ಗಂ ಗಹೇತಬ್ಬ’’ನ್ತಿ? ‘‘ಯಥಾ, ಮಹಾರಾಜ, ಚಿತ್ತಕಧರಕುಮ್ಮೋ ಉದಕಭಯಾ ಉದಕಂ ಪರಿವಜ್ಜೇತ್ವಾ ವಿಚರತಿ, ತಾಯ ಚ ಪನ ಉದಕಂ ಪರಿವಜ್ಜನಾಯ ಆಯುನಾ ನ ಪರಿಹಾಯತಿ, ಏವಮೇವ ಖೋ, ಮಹಾರಾಜ, ಯೋಗಿನಾ ಯೋಗಾವಚರೇನ ಪಮಾದೇ ಭಯದಸ್ಸಾವಿನಾ ಭವಿತಬ್ಬಂ, ಅಪ್ಪಮಾದೇ ಗುಣವಿಸೇಸದಸ್ಸಾವಿನಾ। ತಾಯ ಚ ಪನ ಭಯದಸ್ಸಾವಿತಾಯ ನ ಪರಿಹಾಯತಿ ಸಾಮಞ್ಞಾ, ನಿಬ್ಬಾನಸ್ಸ ಸನ್ತಿಕೇ ಉಪೇತಿ 2। ಇದಂ, ಮಹಾರಾಜ, ಚಿತ್ತಕಧರಕುಮ್ಮಸ್ಸ ಏಕಂ ಅಙ್ಗಂ ಗಹೇತಬ್ಬಂ। ಭಾಸಿತಮ್ಪೇತಂ, ಮಹಾರಾಜ, ಭಗವತಾ ದೇವಾತಿದೇವೇನ ಧಮ್ಮಪದೇ –
3. ‘‘Bhante nāgasena, ‘cittakadharakummassa 3 ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, cittakadharakummo udakabhayā udakaṃ parivajjetvā vicarati, tāya ca pana udakaṃ parivajjanāya āyunā na parihāyati, evameva kho, mahārāja, yoginā yogāvacarena pamāde bhayadassāvinā bhavitabbaṃ, appamāde guṇavisesadassāvinā. Tāya ca pana bhayadassāvitāya na parihāyati sāmaññā, nibbānassa santike upeti 4. Idaṃ, mahārāja, cittakadharakummassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dhammapade –
‘‘‘ಅಪ್ಪಮಾದರತೋ ಭಿಕ್ಖು, ಪಮಾದೇ ಭಯದಸ್ಸಿ ವಾ।
‘‘‘Appamādarato bhikkhu, pamāde bhayadassi vā;
ಅಭಬ್ಬೋ ಪರಿಹಾನಾಯ, ನಿಬ್ಬಾನಸ್ಸೇವ ಸನ್ತಿಕೇ’’’ತಿ॥
Abhabbo parihānāya, nibbānasseva santike’’’ti.
ಚಿತ್ತಕಧರಕುಮ್ಮಙ್ಗಪಞ್ಹೋ ಚತುತ್ಥೋ।
Cittakadharakummaṅgapañho catuttho.
Footnotes:
