| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. ថម្ភារោបកត្ថេរអបទានំ
2. Thambhāropakattheraapadānaṃ
៥.
5.
‘‘និព្ពុតេ លោកនាថម្ហិ, ធម្មទស្សីនរាសភេ;
‘‘Nibbute lokanāthamhi, dhammadassīnarāsabhe;
អារោបេសិំ ធជត្ថម្ភំ, ពុទ្ធសេដ្ឋស្ស ចេតិយេ។
Āropesiṃ dhajatthambhaṃ, buddhaseṭṭhassa cetiye.
៦.
6.
‘‘និស្សេណិំ មាបយិត្វាន, ថូបសេដ្ឋំ សមារុហិំ;
‘‘Nisseṇiṃ māpayitvāna, thūpaseṭṭhaṃ samāruhiṃ;
ជាតិបុប្ផំ គហេត្វាន, ថូបម្ហិ អភិរោបយិំ។
Jātipupphaṃ gahetvāna, thūpamhi abhiropayiṃ.
៧.
7.
‘‘អហោ ពុទ្ធោ អហោ ធម្មោ, អហោ នោ សត្ថុ សម្បទា;
‘‘Aho buddho aho dhammo, aho no satthu sampadā;
ទុគ្គតិំ នាភិជានាមិ, ថូបបូជាយិទំ ផលំ។
Duggatiṃ nābhijānāmi, thūpapūjāyidaṃ phalaṃ.
៨.
8.
‘‘ចតុន្នវុតិតោ កប្បេ, ថូបសីខសនាមកា;
‘‘Catunnavutito kappe, thūpasīkhasanāmakā;
សោឡសាសិំសុ រាជានោ, ចក្កវត្តី មហព្ពលា។
Soḷasāsiṃsu rājāno, cakkavattī mahabbalā.
៩.
9.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ថម្ភារោបកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā thambhāropako thero imā gāthāyo abhāsitthāti.
ថម្ភារោបកត្ថេរស្សាបទានំ ទុតិយំ។
Thambhāropakattherassāpadānaṃ dutiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ២. ថម្ភារោបកត្ថេរអបទានវណ្ណនា • 2. Thambhāropakattheraapadānavaṇṇanā
