| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৩. ততিযসিক্খাপদং
3. Tatiyasikkhāpadaṃ
৯৪১. ততিযে উল়ারকুলাতি জাতিসেট্ঠকুলা, ইস্সরিযভোগাদীহি ৰা ৰিপুলকুলা। গুণেহীতি সীলাদিগুণেহি। ‘‘উল়ারাতি সম্ভাৰিতা’’তি ইমিনা ইতিলোপতুল্যাধিকরণসমাসং দস্সেতি।
941. Tatiye uḷārakulāti jātiseṭṭhakulā, issariyabhogādīhi vā vipulakulā. Guṇehīti sīlādiguṇehi. ‘‘Uḷārāti sambhāvitā’’ti iminā itilopatulyādhikaraṇasamāsaṃ dasseti.
‘‘অভিভূতা’’তি ইমিনা ‘‘অপকতা’’তি এত্থ করধাতু সব্বধাত্ৰত্থৰাচীপি ইধ অপপুব্বত্তা ৰিসেসতো অভিভৰনত্থে ৰত্ততীতি দস্সেতি। এতাসন্তি ভিক্খুনীনং। ‘‘সঞ্ঞাপযমানা’’তি ইমিনা সঞ্ঞাপনং সঞ্ঞত্তীতি ৰচনত্থং দস্সেতি। হেতূদাহরণাদীহীতি এত্থ আদিসদ্দেন উপমাদযো সঙ্গণ্হাতি। ‘‘ৰিৰিধেহি নযেহি ঞাপনা’’তি ইমিনা ৰিৰিধেহি ঞাপনং ৰিঞ্ঞত্তীতি ৰচনত্থং দস্সেতি।
‘‘Abhibhūtā’’ti iminā ‘‘apakatā’’ti ettha karadhātu sabbadhātvatthavācīpi idha apapubbattā visesato abhibhavanatthe vattatīti dasseti. Etāsanti bhikkhunīnaṃ. ‘‘Saññāpayamānā’’ti iminā saññāpanaṃ saññattīti vacanatthaṃ dasseti. Hetūdāharaṇādīhīti ettha ādisaddena upamādayo saṅgaṇhāti. ‘‘Vividhehi nayehi ñāpanā’’ti iminā vividhehi ñāpanaṃ viññattīti vacanatthaṃ dasseti.
৯৪৩. চঙ্কমনে পদৰারগণনায আপত্তিযা ন কারেতব্বোতি আহ ‘‘নিৰত্তনগণনাযা’’তি। পদাদিগণনাযাতি পদঅনুপদাদিগণনাযাতি। ততিযং।
943. Caṅkamane padavāragaṇanāya āpattiyā na kāretabboti āha ‘‘nivattanagaṇanāyā’’ti. Padādigaṇanāyāti padaanupadādigaṇanāyāti. Tatiyaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ৩. ততিযসিক্খাপদং • 3. Tatiyasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā / ৩. ততিযসিক্খাপদৰণ্ণনা • 3. Tatiyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৩. ততিযসিক্খাপদৰণ্ণনা • 3. Tatiyasikkhāpadavaṇṇanā
