| Library / Tipiṭaka / തിപിടക • Tipiṭaka / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā |
൩. തതിയപാടിദേസനീയസിക്ഖാപദവണ്ണനാ
3. Tatiyapāṭidesanīyasikkhāpadavaṇṇanā
൫൬൨. തതിയേ – ഉഭതോപസന്നന്തി ദ്വീഹി പസന്നം ഉപാസകേനപി ഉപാസികായപി. തസ്മിം കിര കുലേ ഉഭോപി തേ സോതാപന്നായേവ. ഭോഗേന ഹായതീതി ഏദിസഞ്ഹി കുലം സചേപി അസീതികോടിധനം ഹോതി, ഭോഗേഹി ഹായതിയേവ. കസ്മാ? യസ്മാ തത്ഥ നേവ ഉപാസികാ ന ഉപാസകോ ഭോഗേ രക്ഖതി.
562. Tatiye – ubhatopasannanti dvīhi pasannaṃ upāsakenapi upāsikāyapi. Tasmiṃ kira kule ubhopi te sotāpannāyeva. Bhogena hāyatīti edisañhi kulaṃ sacepi asītikoṭidhanaṃ hoti, bhogehi hāyatiyeva. Kasmā? Yasmā tattha neva upāsikā na upāsako bhoge rakkhati.
൫൬൯. ഘരതോ നീഹരിത്വാ ദേന്തീതി ആസനസാലം വാ വിഹാരം വാ ആനേത്വാ ദേന്തി. സചേപി അനാഗതേ ഭിക്ഖുമ്ഹി പഠമംയേവ നീഹരിത്വാ ദ്വാരേ ഠപേത്വാ പച്ഛാ സമ്പത്തസ്സ ദേന്തി, വട്ടതി. ഭിക്ഖും പന ദിസ്വാ അന്തോഗേഹതോ നീഹരിത്വാ ദിയ്യമാനം ന വട്ടതീതി മഹാപച്ചരിയം വുത്തം. സേസമേത്ഥ ഉത്താനമേവ . ഏളകലോമസമുട്ഠാനം – കിരിയം, നോസഞ്ഞാവിമോക്ഖം, അചിത്തകം, പണ്ണത്തിവജ്ജം, കായകമ്മം, വചീകമ്മം തിചിത്തം, തിവേദനന്തി.
569.Gharato nīharitvā dentīti āsanasālaṃ vā vihāraṃ vā ānetvā denti. Sacepi anāgate bhikkhumhi paṭhamaṃyeva nīharitvā dvāre ṭhapetvā pacchā sampattassa denti, vaṭṭati. Bhikkhuṃ pana disvā antogehato nīharitvā diyyamānaṃ na vaṭṭatīti mahāpaccariyaṃ vuttaṃ. Sesamettha uttānameva . Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ ticittaṃ, tivedananti.
തതിയപാടിദേസനീയം.
Tatiyapāṭidesanīyaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൩. തതിയപാടിദേസനീയസിക്ഖാപദം • 3. Tatiyapāṭidesanīyasikkhāpadaṃ
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / പാടിദേസനീയസിക്ഖാപദവണ്ണനാ • Pāṭidesanīyasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൨. ദുതിയപാടിദേസനീയസിക്ഖാപദവണ്ണനാ • 2. Dutiyapāṭidesanīyasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൩. തതിയപാടിദേസനീയസിക്ഖാപദം • 3. Tatiyapāṭidesanīyasikkhāpadaṃ
