| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៣. តតិយបាដិទេសនីយសិក្ខាបទំ
3. Tatiyapāṭidesanīyasikkhāpadaṃ
៥៦២. តតិយេ ‘‘ឧភតោ’’តិ ឯត្ថ ករណត្ថេ តោតិ អាហ ‘‘ទ្វីហី’’តិ។ ‘‘ឧភតោបសន្ន’’ន្តិ ព្យាសោបិ សមាសោបិ យុត្តោយេវ, សមាសេ តោបច្ចយស្ស អលោបោ ហោតិ។ ‘‘ឧភតោ’’តិបទស្ស សរូបំ ទស្សេតុំ វុត្តំ ‘‘ឧបាសកេនបិ ឧបាសិកាយបី’’តិ។ កស្មា ឧភតោ បសន្នំ ហោតីតិ អាហ ‘‘តស្មិំ កិរា’’តិអាទិ។ យស្មា តស្មិំ កុលេ…បេ.… សោតាបន្នាយេវ ហោន្តិ កិរ, តស្មា ‘‘ឧភតោបសន្ន’’ន្តិ វុត្តំ ហោតិ។ ‘‘សចេបី’’តិ ឯត្ថ បិសទ្ទេន អសីតិកោដិធនតោ អធិកម្បិ សម្បិណ្ឌេតិ។ ហាយនស្ស ការណំ ទស្សេតិ ‘‘យស្មា’’តិអាទិនា។
562. Tatiye ‘‘ubhato’’ti ettha karaṇatthe toti āha ‘‘dvīhī’’ti. ‘‘Ubhatopasanna’’nti byāsopi samāsopi yuttoyeva, samāse topaccayassa alopo hoti. ‘‘Ubhato’’tipadassa sarūpaṃ dassetuṃ vuttaṃ ‘‘upāsakenapi upāsikāyapī’’ti. Kasmā ubhato pasannaṃ hotīti āha ‘‘tasmiṃ kirā’’tiādi. Yasmā tasmiṃ kule…pe… sotāpannāyeva honti kira, tasmā ‘‘ubhatopasanna’’nti vuttaṃ hoti. ‘‘Sacepī’’ti ettha pisaddena asītikoṭidhanato adhikampi sampiṇḍeti. Hāyanassa kāraṇaṃ dasseti ‘‘yasmā’’tiādinā.
៥៦៩. ‘‘ឃរតោ នីហរិត្វា’’តិ ឯត្ថ ‘‘នីហរិត្វា’’តិ បទស្ស កម្មំ ទស្សេតុំ វុត្តំ ‘‘អាសនសាលំ វា វិហារំ វា’’តិ។ ‘‘អានេត្វា’’តិឥមិនា នីបុព្ពហរធាតុយា អត្ថំ ទស្សេតិ។ ទ្វារេតិ អត្តនោ គេហទ្វារេតិ។ តតិយំ។
569. ‘‘Gharato nīharitvā’’ti ettha ‘‘nīharitvā’’ti padassa kammaṃ dassetuṃ vuttaṃ ‘‘āsanasālaṃ vā vihāraṃ vā’’ti. ‘‘Ānetvā’’tiiminā nīpubbaharadhātuyā atthaṃ dasseti. Dvāreti attano gehadvāreti. Tatiyaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៣. តតិយបាដិទេសនីយសិក្ខាបទំ • 3. Tatiyapāṭidesanīyasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៣. តតិយបាដិទេសនីយសិក្ខាបទវណ្ណនា • 3. Tatiyapāṭidesanīyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / បាដិទេសនីយសិក្ខាបទវណ្ណនា • Pāṭidesanīyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ២. ទុតិយបាដិទេសនីយសិក្ខាបទវណ្ណនា • 2. Dutiyapāṭidesanīyasikkhāpadavaṇṇanā
