| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
д̇ад̇ияабаарааж̇игагат̇аа
Tatiyapārājikakathā
241.
241.
мануссаж̇аад̇им̣ ж̇аананд̇о, ж̇ийвид̇аа яо вияож̇аяз;
Manussajātiṃ jānanto, jīvitā yo viyojaye;
нигкибзяяасса сад̇т̇ам̣ ваа, вад̣̇зяяа маран̣з г̇ун̣ам̣.
Nikkhipeyyassa satthaṃ vā, vadeyya maraṇe guṇaṃ.
242.
242.
д̣̇зсзяяа маран̣уубааяам̣, ход̇ааяамби барааж̇ид̇о;
Deseyya maraṇūpāyaṃ, hotāyampi parājito;
асанд̇хзяяова со н̃зяяо, д̣̇взд̇хаа бхиннасилаа вияа.
Asandheyyova so ñeyyo, dvedhā bhinnasilā viya.
243.
243.
вуд̇д̇аа баан̣аад̇ибаад̇асса, баяог̇аа ча махзсинаа;
Vuttā pāṇātipātassa, payogā cha mahesinā;
саахад̇т̇иго д̇ат̇аан̣ад̇д̇и-ниссаг̇г̇ит̇аавараад̣̇аяо.
Sāhatthiko tathāṇatti-nissaggithāvarādayo.
244.
244.
д̇ад̇т̇а гааязна ваа гааяа-бадиб̣ад̣̇д̇хзна ваа саяам̣;
Tattha kāyena vā kāya-paṭibaddhena vā sayaṃ;
маарзнд̇асса барам̣ гхаад̇о, аяам̣ саахад̇т̇иго мад̇о.
Mārentassa paraṃ ghāto, ayaṃ sāhatthiko mato.
245.
245.
‘‘звам̣ д̇вам̣ бахарид̇ваа д̇ам̣, маарзхий’’д̇и жа бхигкуно;
‘‘Evaṃ tvaṃ paharitvā taṃ, mārehī’’ti ca bhikkhuno;
барассаан̣аабанам̣ наама, аяамаан̣ад̇д̇иго наяо.
Parassāṇāpanaṃ nāma, ayamāṇattiko nayo.
246.
246.
д̣̇уурам̣ маарзд̇угаамасса, усуаад̣̇инибаад̇анам̣;
Dūraṃ māretukāmassa, usuādinipātanaṃ;
гааязна бадиб̣ад̣̇д̇хзна, аяам̣ ниссаг̇г̇ияо вид̇хи.
Kāyena paṭibaddhena, ayaṃ nissaggiyo vidhi.
247.
247.
асан̃жааримубааязна, мааран̣ад̇т̇ам̣ барасса жа;
Asañcārimupāyena, māraṇatthaṃ parassa ca;
обаад̇аад̣̇ивид̇хаанам̣ д̇у, баяог̇о т̇ааваро аяам̣.
Opātādividhānaṃ tu, payogo thāvaro ayaṃ.
248.
248.
барам̣ маарзд̇угаамасса, виж̇ж̇ааяа ж̇аббанам̣ бана;
Paraṃ māretukāmassa, vijjāya jappanaṃ pana;
аяам̣ виж̇ж̇аамаяо наама, баяог̇о бан̃жамо мад̇о.
Ayaṃ vijjāmayo nāma, payogo pañcamo mato.
249.
249.
самад̇т̇аа мааран̣з яаа жа, ид̣̇д̇хи гаммавибаагаж̇аа;
Samatthā māraṇe yā ca, iddhi kammavipākajā;
аяамид̣̇д̇химаяо наама, баяог̇о самуд̣̇ийрид̇о.
Ayamiddhimayo nāma, payogo samudīrito.
250.
250.
згзго д̣̇увид̇хо д̇ад̇т̇а, ход̇ийд̇и барид̣̇ийбид̇о;
Ekeko duvidho tattha, hotīti paridīpito;
уд̣̇д̣̇зсоби ануд̣̇д̣̇зсо, бхзд̣̇о д̇зсамаяам̣ бана.
Uddesopi anuddeso, bhedo tesamayaṃ pana.
251.
251.
б̣ахусваби яамуд̣̇д̣̇исса, бахаарам̣ д̣̇зд̇и жз бана;
Bahusvapi yamuddissa, pahāraṃ deti ce pana;
маран̣зна жа д̇ассзва, гаммунаа д̇зна б̣аж̇жхад̇и.
Maraṇena ca tasseva, kammunā tena bajjhati.
252.
252.
ануд̣̇д̣̇исса бахаарзби, яасса гассажи д̣̇зхино;
Anuddissa pahārepi, yassa kassaci dehino;
бахаараббажжаяаа д̇асса, маран̣ам̣ жз барааж̇аяо.
Pahārappaccayā tassa, maraṇaṃ ce parājayo.
253.
253.
мад̇з бахадамад̇д̇з ваа, бажчаа мубхаяат̇ааби жа;
Mate pahaṭamatte vā, pacchā mubhayathāpi ca;
ханд̇аа бахадамад̇д̇асмим̣, гаммунаа д̇зна б̣аж̇жхад̇и.
Hantā pahaṭamattasmiṃ, kammunā tena bajjhati.
254.
254.
звам̣ саахад̇т̇иго н̃зяяо, д̇ат̇аа аан̣ад̇д̇игоби жа;
Evaṃ sāhatthiko ñeyyo, tathā āṇattikopi ca;
зд̇д̇аавад̇аа самаасзна, д̣̇вз баяог̇аа хи д̣̇ассид̇аа.
Ettāvatā samāsena, dve payogā hi dassitā.
255.
255.
вад̇т̇у гаало жа д̣̇зсо жа, сад̇т̇ан̃жа ирияаабат̇о;
Vatthu kālo ca deso ca, satthañca iriyāpatho;
гаран̣асса висзсод̇и, ча аан̣ад̇д̇инияаамагаа.
Karaṇassa visesoti, cha āṇattiniyāmakā.
256.
256.
маарзд̇аб̣б̣о хи яо д̇ад̇т̇а, со ‘‘вад̇т̇уу’’д̇и бавужжад̇и;
Māretabbo hi yo tattha, so ‘‘vatthū’’ti pavuccati;
буб̣б̣ан̣хаад̣̇и сияаа гаало, сад̇д̇аанам̣ яоб̣б̣анаад̣̇и жа.
Pubbaṇhādi siyā kālo, sattānaṃ yobbanādi ca.
257.
257.
д̣̇зсо г̇аамаад̣̇и вин̃н̃зяяо, сад̇т̇ам̣ д̇ам̣ сад̇д̇амааран̣ам̣;
Deso gāmādi viññeyyo, satthaṃ taṃ sattamāraṇaṃ;
маарзд̇аб̣б̣асса сад̇д̇асса, нисаж̇ж̇аад̣̇ирияаабат̇о.
Māretabbassa sattassa, nisajjādiriyāpatho.
258.
258.
виж̇жханам̣ бхзд̣̇анан̃жааби, чзд̣̇анам̣ д̇аал̣анамби ваа;
Vijjhanaṃ bhedanañcāpi, chedanaṃ tāḷanampi vā;
звамаад̣̇ивид̇хонзго, висзсо гаран̣асса д̇у.
Evamādividhoneko, viseso karaṇassa tu.
259.
259.
‘‘яам̣ маарзхий’’д̇и аан̣ад̇д̇о, ан̃н̃ам̣ маарзд̇и жз д̇ад̇о;
‘‘Yaṃ mārehī’’ti āṇatto, aññaṃ māreti ce tato;
‘‘бурад̇о бахарид̇ваана, маарзхий’’д̇и жа бхаасид̇о.
‘‘Purato paharitvāna, mārehī’’ti ca bhāsito.
260.
260.
бажчад̇о бассад̇о вааби, бахарид̇ваана маарид̇з;
Pacchato passato vāpi, paharitvāna mārite;
вад̇т̇аан̣ад̇д̇и висан̇гзд̇аа, мууладто бана мужжад̇и.
Vatthāṇatti visaṅketā, mūlaṭṭho pana muccati.
261.
261.
вад̇т̇ум̣ д̇ам̣ авираж̇жхид̇ваа, яат̇аан̣ад̇д̇ин̃жа маарид̇з;
Vatthuṃ taṃ avirajjhitvā, yathāṇattiñca mārite;
убхаязсам̣ яат̇аагаалам̣, гаммаб̣ад̣̇д̇хо уд̣̇ийрид̇о.
Ubhayesaṃ yathākālaṃ, kammabaddho udīrito.
262.
262.
аан̣ад̇д̇о ‘‘аж̇ж̇а буб̣б̣ан̣хз, маарзхий’’д̇и жа яо бана;
Āṇatto ‘‘ajja pubbaṇhe, mārehī’’ti ca yo pana;
со жз маарзд̇и сааяанхз, мууладто баримужжад̇и.
So ce māreti sāyanhe, mūlaṭṭho parimuccati.
263.
263.
аан̣ад̇д̇ассзва со вуд̇д̇о;
Āṇattasseva so vutto;
гаммаб̣ад̣̇д̇хо махзсинаа;
Kammabaddho mahesinā;
гааласса хи висан̇гзд̇аа;
Kālassa hi visaṅketā;
д̣̇осо наан̣аабагасса со.
Doso nāṇāpakassa so.
264.
264.
‘‘аж̇ж̇а маарзхи буб̣б̣ан̣хз, свзваа’’д̇и анияаамид̇з;
‘‘Ajja mārehi pubbaṇhe, svevā’’ti aniyāmite;
яад̣̇аа гад̣̇аажи буб̣б̣ан̣хз, висан̇гзд̇о на маарид̇з.
Yadā kadāci pubbaṇhe, visaṅketo na mārite.
265.
265.
зд̇знзва убааязна, гаалабхзд̣̇зсу саб̣б̣асо;
Eteneva upāyena, kālabhedesu sabbaso;
сан̇гзд̇о жа висан̇гзд̇о, взд̣̇ид̇аб̣б̣о вибхаавинаа.
Saṅketo ca visaṅketo, veditabbo vibhāvinā.
266.
266.
‘‘имам̣ г̇аамз тид̇ам̣ взрим̣, маарзхий’’д̇и жа бхаасид̇о;
‘‘Imaṃ gāme ṭhitaṃ veriṃ, mārehī’’ti ca bhāsito;
сажз со бана маарзд̇и, тид̇ам̣ д̇ам̣ яад̇т̇а гад̇т̇ажи.
Sace so pana māreti, ṭhitaṃ taṃ yattha katthaci.
267.
267.
над̇т̇и д̇асса висан̇гзд̇о, убхо б̣аж̇жханд̇и гаммунаа;
Natthi tassa visaṅketo, ubho bajjhanti kammunā;
‘‘г̇аамзязваа’’д̇и аан̣ад̇д̇о, ванз ваа саавад̇хааран̣ам̣.
‘‘Gāmeyevā’’ti āṇatto, vane vā sāvadhāraṇaṃ.
268.
268.
‘‘ванзязваа’’д̇и ваа вуд̇д̇о, г̇аамз маарзд̇и жзби ваа;
‘‘Vaneyevā’’ti vā vutto, gāme māreti cepi vā;
висан̇гзд̇о вин̃н̃аад̇аб̣б̣о, мууладто баримужжад̇и.
Visaṅketo viññātabbo, mūlaṭṭho parimuccati.
269.
269.
зд̇знзва убааязна, саб̣б̣ад̣̇зсзсу бхзд̣̇ад̇о;
Eteneva upāyena, sabbadesesu bhedato;
сан̇гзд̇о жа висан̇гзд̇о, взд̣̇ид̇аб̣б̣ова вин̃н̃унаа.
Saṅketo ca visaṅketo, veditabbova viññunā.
270.
270.
‘‘сад̇т̇зна бана маарзхи, аан̣ад̇д̇о’’д̇и жа гзнажи;
‘‘Satthena pana mārehi, āṇatto’’ti ca kenaci;
язна гзнажи сад̇т̇зна, висан̇гзд̇о на маарид̇з.
Yena kenaci satthena, visaṅketo na mārite.
271.
271.
‘‘иминаа ваасинаа хий’’д̇и, вуд̇д̇о ан̃н̃зна ваасинаа;
‘‘Iminā vāsinā hī’’ti, vutto aññena vāsinā;
‘‘имассаасисса вааби д̇вам̣, д̇хаарааязд̇ааяа маараяа’’.
‘‘Imassāsissa vāpi tvaṃ, dhārāyetāya māraya’’.
272.
272.
ид̇и вуд̇д̇о сажз взрим̣, д̇хаарааяа ид̇арааяа ваа;
Iti vutto sace veriṃ, dhārāya itarāya vā;
т̇арунаа вааби д̇ун̣д̣зна, висан̇гзд̇ова маарид̇з.
Tharunā vāpi tuṇḍena, visaṅketova mārite.
273.
273.
зд̇знзва убааязна, саб̣б̣аавуд̇хагаж̇аад̇ису;
Eteneva upāyena, sabbāvudhakajātisu;
сан̇гзд̇о жа висан̇гзд̇о, взд̣̇ид̇аб̣б̣о висзсад̇о.
Saṅketo ca visaṅketo, veditabbo visesato.
274.
274.
‘‘г̇ажчанд̇амзнам̣ маарзхи’’, ид̇и вуд̇д̇о барзна со;
‘‘Gacchantamenaṃ mārehi’’, iti vutto parena so;
маарзд̇и нам̣ нисиннам̣ жз, висан̇гзд̇о на виж̇ж̇ад̇и.
Māreti naṃ nisinnaṃ ce, visaṅketo na vijjati.
275.
275.
‘‘нисиннам̣язва маарзхи’’, ‘‘г̇ажчанд̇ам̣язва ваа’’д̇и жа;
‘‘Nisinnaṃyeva mārehi’’, ‘‘gacchantaṃyeva vā’’ti ca;
вуд̇д̇о маарзд̇и г̇ажчанд̇ам̣, нисиннам̣ ваа яат̇ааггамам̣.
Vutto māreti gacchantaṃ, nisinnaṃ vā yathākkamaṃ.
276.
276.
висан̇гзд̇анд̇и н̃аад̇аб̣б̣ам̣, бхигкунаа винаяан̃н̃унаа;
Visaṅketanti ñātabbaṃ, bhikkhunā vinayaññunā;
зсзва жа наяо н̃зяяо, саб̣б̣ирияаабат̇зсу жа.
Eseva ca nayo ñeyyo, sabbiriyāpathesu ca.
277.
277.
‘‘маарзхий’’д̇и жа виж̇жхид̇ваа, аан̣ад̇д̇о хи барзна со;
‘‘Mārehī’’ti ca vijjhitvā, āṇatto hi parena so;
виж̇жхид̇ваава д̇амаарзд̇и, висан̇гзд̇о на виж̇ж̇ад̇и.
Vijjhitvāva tamāreti, visaṅketo na vijjati.
278.
278.
‘‘маарзхий’’д̇и жа виж̇жхид̇ваа, аан̣ад̇д̇о хи барзна со;
‘‘Mārehī’’ti ca vijjhitvā, āṇatto hi parena so;
чинд̣̇ид̇ваа яад̣̇и маарзд̇и, висан̇гзд̇ова ход̇и со.
Chinditvā yadi māreti, visaṅketova hoti so.
279.
279.
зд̇знзва убааязна, саб̣б̣зсу гаран̣зсуби;
Eteneva upāyena, sabbesu karaṇesupi;
сан̇гзд̇з жа висан̇гзд̇з, взд̣̇ид̇аб̣б̣о винижчаяо.
Saṅkete ca visaṅkete, veditabbo vinicchayo.
280.
280.
д̣̇ийгхам̣ рассам̣ гисам̣ т̇уулам̣, гаал̣ам̣ од̣̇аад̇амзва ваа;
Dīghaṃ rassaṃ kisaṃ thūlaṃ, kāḷaṃ odātameva vā;
аан̣ад̇д̇о анияаамзд̇ваа, маарзхийд̇и жа гзнажи.
Āṇatto aniyāmetvā, mārehīti ca kenaci.
281.
281.
соби яам̣ гин̃жи аан̣ад̇д̇о, сажз маарзд̇и д̇аад̣̇исам̣;
Sopi yaṃ kiñci āṇatto, sace māreti tādisaṃ;
над̇т̇и д̇ад̇т̇а висан̇гзд̇о, убхиннамби барааж̇аяо.
Natthi tattha visaṅketo, ubhinnampi parājayo.
282.
282.
мануссам̣ гин̃жи уд̣̇д̣̇исса, сажз кан̣ад̇иваадагам̣;
Manussaṃ kiñci uddissa, sace khaṇativāṭakaṃ;
кан̣анд̇асса жа обаад̇ам̣, ход̇и аабад̇д̇и д̣̇уггадам̣.
Khaṇantassa ca opātaṃ, hoti āpatti dukkaṭaṃ.
283.
283.
д̣̇угкассуббад̇д̇ияаа д̇ад̇т̇а, д̇асса т̇уллажжаяам̣ сияаа;
Dukkhassuppattiyā tattha, tassa thullaccayaṃ siyā;
бад̇ид̇ваа жа мад̇з д̇асмим̣, д̇асса баарааж̇игам̣ бхавз.
Patitvā ca mate tasmiṃ, tassa pārājikaṃ bhave.
284.
284.
нибад̇ид̇ваа банан̃н̃асмим̣, мад̇з д̣̇осо на виж̇ж̇ад̇и;
Nipatitvā panaññasmiṃ, mate doso na vijjati;
ануд̣̇д̣̇иссагамобаад̇о, кад̇о ход̇и сажз бана.
Anuddissakamopāto, khato hoti sace pana.
285.
285.
‘‘бад̇ид̇ваа зд̇т̇а яо гожи, марад̇уу’’д̇и хи яад̇д̇агаа;
‘‘Patitvā ettha yo koci, maratū’’ti hi yattakā;
маранд̇и нибад̇ид̇ваа жз, д̣̇осаа хонд̇исса д̇ад̇д̇агаа.
Maranti nipatitvā ce, dosā hontissa tattakā.
286.
286.
аананд̇арияавад̇т̇усмим̣, аананд̇арияагам̣ вад̣̇з;
Ānantariyavatthusmiṃ, ānantariyakaṃ vade;
д̇ат̇аа т̇уллажжаяаад̣̇ийнам̣, хонд̇и т̇уллажжаяаад̣̇аяо.
Tathā thullaccayādīnaṃ, honti thullaccayādayo.
287.
287.
бад̇ид̇ваа г̇аб̣бхиний д̇асмим̣, саг̇аб̣бхаа жз мариссад̇и;
Patitvā gabbhinī tasmiṃ, sagabbhā ce marissati;
хонд̇и баан̣аад̇ибаад̇аа д̣̇вз, зговзгзгад̇хам̣санз.
Honti pāṇātipātā dve, ekovekekadhaṃsane.
288.
288.
ануб̣анд̇хзд̇т̇а жорзхи, бад̇ид̇ваа жз мариссад̇и;
Anubandhettha corehi, patitvā ce marissati;
обаад̇акан̣агассзва, ход̇и баарааж̇игам̣ гира.
Opātakhaṇakasseva, hoti pārājikaṃ kira.
289.
289.
взрино д̇ад̇т̇а баад̇зд̇ваа, сажз маарзнд̇и взрино;
Verino tattha pātetvā, sace mārenti verino;
бад̇ид̇ам̣ д̇ад̇т̇а маарзнд̇и, нийхарид̇ваа сажз б̣ахи.
Patitaṃ tattha mārenti, nīharitvā sace bahi.
290.
290.
ниб̣б̣ад̇д̇ид̇ваа хи обаад̇з, мад̇аа жз обабаад̇игаа;
Nibbattitvā hi opāte, matā ce opapātikā;
асаггонд̇аа жа нигканд̇ум̣, саб̣б̣ад̇т̇а жа барааж̇аяо.
Asakkontā ca nikkhantuṃ, sabbattha ca parājayo.
291.
291.
яагкаад̣̇аяо бануд̣̇д̣̇исса, кан̣анз д̣̇угкасамбхавз;
Yakkhādayo panuddissa, khaṇane dukkhasambhave;
д̣̇уггадам̣ маран̣з вад̇т̇у-васаа т̇уллажжаяаад̣̇аяо.
Dukkaṭaṃ maraṇe vatthu-vasā thullaccayādayo.
292.
292.
мануссзязва уд̣̇д̣̇исса, кад̇з обаад̇агз бана;
Manusseyeva uddissa, khate opātake pana;
анаабад̇д̇и бад̇ид̇ваа хи, яагкаад̣̇ийсу мад̇зсуби.
Anāpatti patitvā hi, yakkhādīsu matesupi.
293.
293.
д̇ат̇аа яагкаад̣̇аяо баан̣з, кад̇з уд̣̇д̣̇исса бхигкунаа;
Tathā yakkhādayo pāṇe, khate uddissa bhikkhunā;
нибад̇ид̇ваа маранд̇зсу, мануссзсубяаяам̣ наяо.
Nipatitvā marantesu, manussesupyayaṃ nayo.
294.
294.
‘‘баан̣ино зд̇т̇а б̣аж̇жхид̇ваа, маранд̇уу’’д̇и ануд̣̇д̣̇исам̣;
‘‘Pāṇino ettha bajjhitvā, marantū’’ti anuddisaṃ;
баасам̣ од̣д̣зд̇и яо д̇ад̇т̇а, сажз б̣аж̇жханд̇и баан̣ино.
Pāsaṃ oḍḍeti yo tattha, sace bajjhanti pāṇino.
295.
295.
хад̇т̇ад̇о муд̇д̇амад̇д̇асмим̣, д̇асса баарааж̇игам̣ сияаа;
Hatthato muttamattasmiṃ, tassa pārājikaṃ siyā;
аананд̇арияавад̇т̇усмим̣, аананд̇арияамзва жа.
Ānantariyavatthusmiṃ, ānantariyameva ca.
296.
296.
уд̣̇д̣̇исса хи гад̇з баасз, яам̣ бануд̣̇д̣̇исса од̣д̣ид̇о;
Uddissa hi kate pāse, yaṃ panuddissa oḍḍito;
б̣анд̇ханзсу д̇ад̣̇ан̃н̃зсам̣, анаабад̇д̇и багаасид̇аа.
Bandhanesu tadaññesaṃ, anāpatti pakāsitā.
297.
297.
муулзна ваа муд̇хаа вааби, д̣̇иннз баасз барасса хи;
Mūlena vā mudhā vāpi, dinne pāse parassa hi;
мууладтассзва ход̇ийд̇и, гаммаб̣ад̣̇д̇хо нияаамид̇о.
Mūlaṭṭhasseva hotīti, kammabaddho niyāmito.
298.
298.
язна лад̣̇д̇хо сажз лоби, баасамуг̇г̇ал̣ид̇амби ваа;
Yena laddho sace lopi, pāsamuggaḷitampi vā;
т̇ирам̣ вааби гарод̇звам̣, убхиннам̣ гаммаб̣анд̇ханам̣.
Thiraṃ vāpi karotevaṃ, ubhinnaṃ kammabandhanaṃ.
299.
299.
яо баасам̣ уг̇г̇ал̣аабзд̇ваа, яаад̇и баабабхаяаа сажз;
Yo pāsaṃ uggaḷāpetvā, yāti pāpabhayā sace;
д̇ам̣ д̣̇исваа буна ан̃н̃оби, сан̣табзд̇и хи д̇ад̇т̇а жа.
Taṃ disvā puna aññopi, saṇṭhapeti hi tattha ca.
300.
300.
б̣ад̣̇д̇хаа б̣ад̣̇д̇хаа маранд̇и жз, мууладто на жа мужжад̇и;
Baddhā baddhā maranti ce, mūlaṭṭho na ca muccati;
табзд̇ваа г̇ахид̇адтаанз, баасаяадтим̣ вимужжад̇и.
Ṭhapetvā gahitaṭṭhāne, pāsayaṭṭhiṃ vimuccati.
301.
301.
г̇обзд̇вааби на могко хи, баасаяадтим̣ саяам̣гад̇ам̣;
Gopetvāpi na mokkho hi, pāsayaṭṭhiṃ sayaṃkataṃ;
д̇аман̃н̃о буна г̇ан̣хид̇ваа, сан̣табзд̇и сажз бана.
Tamañño puna gaṇhitvā, saṇṭhapeti sace pana.
302.
302.
д̇аббажжаяаа маранд̇зсу, мууладто на жа мужжад̇и;
Tappaccayā marantesu, mūlaṭṭho na ca muccati;
наасзд̇ваа саб̣б̣асо ваа д̇ам̣, жхаабзд̇ваа ваа вимужжад̇и.
Nāsetvā sabbaso vā taṃ, jhāpetvā vā vimuccati.
303.
303.
робзнд̇асса жа суулам̣ ваа, саж̇ж̇знд̇асса ад̣̇уухалам̣;
Ropentassa ca sūlaṃ vā, sajjentassa adūhalaṃ;
обаад̇зна жа баасзна, сад̣̇исова винижчаяо.
Opātena ca pāsena, sadisova vinicchayo.
304.
304.
анаабад̇д̇и асан̃жижжа, аж̇аананд̇асса бхигкуно;
Anāpatti asañcicca, ajānantassa bhikkhuno;
д̇ат̇аамаран̣ажид̇д̇асса, мад̇збяуммад̇д̇агаад̣̇ино.
Tathāmaraṇacittassa, matepyummattakādino.
305.
305.
мануссабаан̣имхи жа баан̣асан̃н̃ид̇аа;
Manussapāṇimhi ca pāṇasaññitā;
сажасса жид̇д̇ам̣ маран̣уубасам̣хид̇ам̣;
Sacassa cittaṃ maraṇūpasaṃhitaṃ;
убаггамо д̇зна жа д̇асса наасо;
Upakkamo tena ca tassa nāso;
бан̃жзд̇т̇а ан̇г̇аани мануссагхаад̇з.
Pañcettha aṅgāni manussaghāte.
ид̇и винаяавинижчаяз д̇ад̇ияабаарааж̇игагат̇аа нидтид̇аа.
Iti vinayavinicchaye tatiyapārājikakathā niṭṭhitā.
