| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
жад̇уд̇т̇абаарааж̇игагат̇аа
Catutthapārājikakathā
306.
306.
асанд̇амад̇д̇ассид̇амзва гад̇ваа;
Asantamattassitameva katvā;
бхавам̣ ад̇хидтааяа жа вад̇д̇амаанам̣;
Bhavaṃ adhiṭṭhāya ca vattamānaṃ;
ан̃н̃аабад̣̇зсан̃жа винаад̇химаанам̣;
Aññāpadesañca vinādhimānaṃ;
жхаанаад̣̇ибхзд̣̇ам̣ самуд̣̇аажарзяяа.
Jhānādibhedaṃ samudācareyya.
307.
307.
гааязна ваажааяаби ваа д̇ад̣̇ад̇т̇з;
Kāyena vācāyapi vā tadatthe;
н̃аад̇зва вин̃н̃ад̇д̇ибат̇з абхаб̣б̣о;
Ñāteva viññattipathe abhabbo;
яат̇зва д̇аало бана мад̇т̇агасмим̣;
Yatheva tālo pana matthakasmiṃ;
чинно абхаб̣б̣о буна рул̣хибхаавз.
Chinno abhabbo puna ruḷhibhāve.
308.
308.
асанд̇амзвад̇д̇ани яо барасса;
Asantamevattani yo parassa;
д̣̇ийбзд̇и жхаанаад̣̇имананд̇арам̣ со;
Dīpeti jhānādimanantaraṃ so;
ж̇аанаад̇и жз ход̇и жуд̇о хи но жз;
Jānāti ce hoti cuto hi no ce;
ж̇аанаад̇и т̇уллажжаяамасса ход̇и.
Jānāti thullaccayamassa hoti.
309.
309.
‘‘яо д̇з вихаарз васад̇ийд̇ха бхигку;
‘‘Yo te vihāre vasatīdha bhikkhu;
со жхааналаабхий’’д̇и жа д̣̇ийбид̇з жз;
So jhānalābhī’’ti ca dīpite ce;
ж̇аанаад̇и т̇уллажжаяамасса но жз;
Jānāti thullaccayamassa no ce;
ж̇аанаад̇и д̇ам̣ д̣̇уггадамзва ход̇и.
Jānāti taṃ dukkaṭameva hoti.
310.
310.
асанд̇амзвад̇д̇ани д̇хаммамзд̇ам̣;
Asantamevattani dhammametaṃ;
ад̇т̇ийд̇и гад̇ваа вад̣̇ад̇од̇химаанаа;
Atthīti katvā vadatodhimānā;
вуд̇д̇о анаабад̇д̇инаяо банзвам̣;
Vutto anāpattinayo panevaṃ;
авад̇д̇угаамасса д̇ат̇аад̣̇игасса.
Avattukāmassa tathādikassa.
311.
311.
баабижчад̇аа д̇асса асанд̇абхааво;
Pāpicchatā tassa asantabhāvo;
аарожанан̃жзва мануссагасса;
Ārocanañceva manussakassa;
нан̃н̃аабад̣̇зсзна д̇ад̣̇зва н̃аан̣ам̣;
Naññāpadesena tadeva ñāṇaṃ;
бан̃жзд̇т̇а ан̇г̇аани вад̣̇анд̇и д̇хийраа.
Pañcettha aṅgāni vadanti dhīrā.
312.
312.
батамз д̣̇уд̇ияз жанд̇з, барияааяо на виж̇ж̇ад̇и;
Paṭhame dutiye cante, pariyāyo na vijjati;
д̣̇уд̇ияз д̇ад̇иязязва, аан̣ад̇д̇и на банзд̇арз.
Dutiye tatiyeyeva, āṇatti na panetare.
313.
313.
аад̣̇и мзгасамудтаанам̣, д̣̇уван̇г̇ам̣ гааяажид̇д̇ад̇о;
Ādi mekasamuṭṭhānaṃ, duvaṅgaṃ kāyacittato;
сзсаа жа д̇исамудтаанаа, д̇зсаман̇г̇аани сад̇д̇а д̇у.
Sesā ca tisamuṭṭhānā, tesamaṅgāni satta tu.
314.
314.
сукобзгкааяуд̇ам̣ аад̣̇и, д̇ад̇ияам̣ д̣̇угкавзд̣̇анам̣;
Sukhopekkhāyutaṃ ādi, tatiyaṃ dukkhavedanaṃ;
д̣̇уд̇ияан̃жа жад̇уд̇т̇ан̃жа, д̇ивзд̣̇анамуд̣̇ийрид̇ам̣.
Dutiyañca catutthañca, tivedanamudīritaṃ.
315.
315.
батамассадта жид̇д̇аани, д̇ад̇ияасса д̣̇увз бана;
Paṭhamassaṭṭha cittāni, tatiyassa duve pana;
д̣̇уд̇ияасса жад̇уд̇т̇асса, д̣̇аса жид̇д̇аани лаб̣бхарз.
Dutiyassa catutthassa, dasa cittāni labbhare.
316.
316.
д̇асмаа сажид̇д̇агам̣ вуд̇д̇ам̣, саб̣б̣амзд̇ам̣ жад̇уб̣б̣ид̇хам̣;
Tasmā sacittakaṃ vuttaṃ, sabbametaṃ catubbidhaṃ;
грияаа сан̃н̃аавимогкан̃жа, логаваж̇ж̇анд̇и д̣̇ийбид̇ам̣.
Kriyā saññāvimokkhañca, lokavajjanti dīpitaṃ.
317.
317.
ид̣̇амаабад̇д̇ияам̣язва, вид̇хаанам̣ бана яуж̇ж̇ад̇и;
Idamāpattiyaṃyeva, vidhānaṃ pana yujjati;
д̇асмаа аабад̇д̇ияам̣язва, г̇ахзд̇аб̣б̣ам̣ вибхаавинаа.
Tasmā āpattiyaṃyeva, gahetabbaṃ vibhāvinā.
318.
318.
муд̣̇убидти жа ламб̣ий жа, мукаг̇г̇аахий нисийд̣̇аго;
Mudupiṭṭhi ca lambī ca, mukhaggāhī nisīdako;
баарааж̇игаа имз д̇зсам̣, жад̇д̇ааро ануломигаа.
Pārājikā ime tesaṃ, cattāro anulomikā.
319.
319.
бхигкунийнан̃жа жад̇д̇аари, виб̣бханд̇аа бхигкуний саяам̣;
Bhikkhunīnañca cattāri, vibbhantā bhikkhunī sayaṃ;
д̇ат̇аа згаад̣̇асаабхаб̣б̣аа, саб̣б̣зд̇з жад̇увийсад̇и.
Tathā ekādasābhabbā, sabbete catuvīsati.
320.
320.
имз баарааж̇игаа вуд̇д̇аа, жад̇увийсад̇и буг̇г̇алаа;
Ime pārājikā vuttā, catuvīsati puggalā;
абхаб̣б̣аа бхигкубхаавааяа, сийсажчиннова ж̇ийвид̇ум̣.
Abhabbā bhikkhubhāvāya, sīsacchinnova jīvituṃ.
321.
321.
бан̣д̣аго жа д̇иражчаано, убхад̇об̣яан̃ж̇аноби жа;
Paṇḍako ca tiracchāno, ubhatobyañjanopi ca;
д̇аяо вад̇т̇увибаннаа хи, ахзд̇убадисанд̇хигаа.
Tayo vatthuvipannā hi, ahetupaṭisandhikā.
322.
322.
бан̃жаананд̇аригаа т̇зяяа-сам̣ваасоби жа д̣̇уусаго;
Pañcānantarikā theyya-saṃvāsopi ca dūsako;
д̇ид̇т̇ибагганд̇аго жзд̇и, грияаанадтаа банадта д̇з.
Titthipakkantako ceti, kriyānaṭṭhā panaṭṭha te.
323.
323.
винижчаяо яо бана саарабхууд̇о;
Vinicchayo yo pana sārabhūto;
баарааж̇игаанам̣ гат̇ид̇о маяааяам̣;
Pārājikānaṃ kathito mayāyaṃ;
д̇ассаанусаарзна б̣уд̇хзна н̃аад̇ум̣;
Tassānusārena budhena ñātuṃ;
саггаа хи сзсоби асзсад̇ова.
Sakkā hi sesopi asesatova.
324.
324.
бидагз бадубхаавагарз барамз;
Piṭake paṭubhāvakare parame;
винаяз вивид̇хзхи наязхи яуд̇з;
Vinaye vividhehi nayehi yute;
барамад̇т̇анаяам̣ абхибад̇т̇аяад̇аа;
Paramatthanayaṃ abhipatthayatā;
барияаабун̣ид̇аб̣б̣амаяам̣ сад̇ад̇ам̣.
Pariyāpuṇitabbamayaṃ satataṃ.
ид̇и винаяавинижчаяз жад̇уд̇т̇абаарааж̇игагат̇аа нидтид̇аа.
Iti vinayavinicchaye catutthapārājikakathā niṭṭhitā.
