| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
९. ततियअगतिसुत्तं
9. Tatiyaagatisuttaṃ
१९. ‘‘चत्तारिमानि, भिक्खवे, अगतिगमनानि। कतमानि चत्तारि? छन्दागतिं गच्छति , दोसागतिं गच्छति, मोहागतिं गच्छति, भयागतिं गच्छति – इमानि खो, भिक्खवे, चत्तारि अगतिगमनानि।
19. ‘‘Cattārimāni, bhikkhave, agatigamanāni. Katamāni cattāri? Chandāgatiṃ gacchati , dosāgatiṃ gacchati, mohāgatiṃ gacchati, bhayāgatiṃ gacchati – imāni kho, bhikkhave, cattāri agatigamanāni.
‘‘चत्तारिमानि, भिक्खवे, नागतिगमनानि। कतमानि चत्तारि? न छन्दागतिं गच्छति, न दोसागतिं गच्छति, न मोहागतिं गच्छति, न भयागतिं गच्छति – इमानि खो, भिक्खवे, चत्तारि नागतिगमनानी’’ति।
‘‘Cattārimāni, bhikkhave, nāgatigamanāni. Katamāni cattāri? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati – imāni kho, bhikkhave, cattāri nāgatigamanānī’’ti.
‘‘छन्दा दोसा भया मोहा, यो धम्मं अतिवत्तति।
‘‘Chandā dosā bhayā mohā, yo dhammaṃ ativattati;
निहीयति तस्स यसो, काळपक्खेव चन्दिमा॥
Nihīyati tassa yaso, kāḷapakkheva candimā.
‘‘छन्दा दोसा भया मोहा, यो धम्मं नातिवत्तति।
‘‘Chandā dosā bhayā mohā, yo dhammaṃ nātivattati;
आपूरति तस्स यसो, सुक्कपक्खेव चन्दिमा’’ति॥ नवमं।
Āpūrati tassa yaso, sukkapakkheva candimā’’ti. navamaṃ;
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ७. पठमअगतिसुत्तवण्णना • 7. Paṭhamaagatisuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ७-१०. पठमअगतिसुत्तादिवण्णना • 7-10. Paṭhamaagatisuttādivaṇṇanā
