| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
१०. भत्तुद्देसकसुत्तं
10. Bhattuddesakasuttaṃ
२०. ‘‘चतूहि, भिक्खवे, धम्मेहि समन्नागतो भत्तुद्देसको यथाभतं निक्खित्तो एवं निरये। कतमेहि चतूहि? छन्दागतिं गच्छति, दोसागतिं गच्छति, मोहागतिं गच्छति, भयागतिं गच्छति – इमेहि खो, भिक्खवे, चतूहि धम्मेहि समन्नागतो भत्तुद्देसको यथाभतं निक्खित्तो एवं निरये।
20. ‘‘Catūhi, bhikkhave, dhammehi samannāgato bhattuddesako yathābhataṃ nikkhitto evaṃ niraye. Katamehi catūhi? Chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati – imehi kho, bhikkhave, catūhi dhammehi samannāgato bhattuddesako yathābhataṃ nikkhitto evaṃ niraye.
‘‘चतूहि, भिक्खवे, धम्मेहि समन्नागतो भत्तुद्देसको यथाभतं निक्खित्तो एवं सग्गे। कतमेहि चतूहि? न छन्दागतिं गच्छति, न दोसागतिं गच्छति, न मोहागतिं गच्छति, न भयागतिं गच्छति – इमेहि खो, भिक्खवे, चतूहि धम्मेहि समन्नागतो भत्तुद्देसको यथाभतं निक्खित्तो एवं सग्गे’’ति।
‘‘Catūhi, bhikkhave, dhammehi samannāgato bhattuddesako yathābhataṃ nikkhitto evaṃ sagge. Katamehi catūhi? Na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati – imehi kho, bhikkhave, catūhi dhammehi samannāgato bhattuddesako yathābhataṃ nikkhitto evaṃ sagge’’ti.
‘‘ये केचि कामेसु असञ्ञता जना,
‘‘Ye keci kāmesu asaññatā janā,
अधम्मिका होन्ति अधम्मगारवा।
Adhammikā honti adhammagāravā;
‘‘एवञ्हि वुत्तं समणेन जानता,
‘‘Evañhi vuttaṃ samaṇena jānatā,
तस्मा हि ते सप्पुरिसा पसंसिया।
Tasmā hi te sappurisā pasaṃsiyā;
धम्मे ठिता ये न करोन्ति पापकं,
Dhamme ṭhitā ye na karonti pāpakaṃ,
‘‘परिसाय मण्डो च पनेस वुच्चति,
‘‘Parisāya maṇḍo ca panesa vuccati,
एवञ्हि वुत्तं समणेन जानता’’ति॥ दसमं।
Evañhi vuttaṃ samaṇena jānatā’’ti. dasamaṃ;
चरवग्गो दुतियो।
Caravaggo dutiyo.
तस्सुद्दानं –
Tassuddānaṃ –
चरं सीलं पधानानि, संवरं पञ्ञत्ति पञ्चमं।
Caraṃ sīlaṃ padhānāni, saṃvaraṃ paññatti pañcamaṃ;
सोखुम्मं तयो अगती, भत्तुद्देसेन ते दसाति॥
Sokhummaṃ tayo agatī, bhattuddesena te dasāti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / १०. भत्तुद्देसकसुत्तवण्णना • 10. Bhattuddesakasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ७-१०. पठमअगतिसुत्तादिवण्णना • 7-10. Paṭhamaagatisuttādivaṇṇanā
