| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. තරණීයත්ථෙරඅපදානං
10. Taraṇīyattheraapadānaṃ
38.
38.
‘‘මහාපථම්හි විසමෙ, සෙතු කාරාපිතො මයා;
‘‘Mahāpathamhi visame, setu kārāpito mayā;
තරණත්ථාය ලොකස්ස, පසන්නො සෙහි පාණිභි.
Taraṇatthāya lokassa, pasanno sehi pāṇibhi.
39.
39.
‘‘එකනවුතිතො කප්පෙ, යො සෙතු කාරිතො මයා;
‘‘Ekanavutito kappe, yo setu kārito mayā;
දුග්ගතිං නාභිජානාමි, සෙතුදානස්සිදං ඵලං.
Duggatiṃ nābhijānāmi, setudānassidaṃ phalaṃ.
40.
40.
‘‘පඤ්චපඤ්ඤාසිතො කප්පෙ, එකො ආසිං සමොගධො;
‘‘Pañcapaññāsito kappe, eko āsiṃ samogadho;
සත්තරතනසම්පන්නො, චක්කවත්තී මහබ්බලො.
Sattaratanasampanno, cakkavattī mahabbalo.
41.
41.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා තරණීයො ථෙරො ඉමා ගාථායො අභාසිත්ථාති.
Itthaṃ sudaṃ āyasmā taraṇīyo thero imā gāthāyo abhāsitthāti.
තරණීයත්ථෙරස්සාපදානං දසමං.
Taraṇīyattherassāpadānaṃ dasamaṃ.
සුවණ්ණබිබ්බොහනවග්ගො අට්ඨවීසතිමො.
Suvaṇṇabibbohanavaggo aṭṭhavīsatimo.
තස්සුද්දානං –
Tassuddānaṃ –
සුවණ්ණං තිලමුට්ඨි ච, චඞ්කොටබ්භඤ්ජනඤ්ජලී;
Suvaṇṇaṃ tilamuṭṭhi ca, caṅkoṭabbhañjanañjalī;
පොත්ථකො චිතමාලුවා, එකපුණ්ඩරී සෙතුනා;
Potthako citamāluvā, ekapuṇḍarī setunā;
ද්වෙචත්තාලීස ගාථායො, ගණිතායො විභාවිභීති.
Dvecattālīsa gāthāyo, gaṇitāyo vibhāvibhīti.
එකාදසමං භාණවාරං.
Ekādasamaṃ bhāṇavāraṃ.
