| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
९. तण्हासुत्तं
9. Taṇhāsuttaṃ
५८. वुत्तञ्हेतं भगवता, वुत्तमरहताति मे सुतं –
58. Vuttañhetaṃ bhagavatā, vuttamarahatāti me sutaṃ –
‘‘तिस्सो इमा, भिक्खवे, तण्हा। कतमा तिस्सो? कामतण्हा, भवतण्हा, विभवतण्हा – इमा खो, भिक्खवे, तिस्सो तण्हा’’ति। एतमत्थं भगवा अवोच। तत्थेतं इति वुच्चति –
‘‘Tisso imā, bhikkhave, taṇhā. Katamā tisso? Kāmataṇhā, bhavataṇhā, vibhavataṇhā – imā kho, bhikkhave, tisso taṇhā’’ti. Etamatthaṃ bhagavā avoca. Tatthetaṃ iti vuccati –
‘‘तण्हायोगेन संयुत्ता, रत्तचित्ता भवाभवे।
‘‘Taṇhāyogena saṃyuttā, rattacittā bhavābhave;
ते योगयुत्ता मारस्स, अयोगक्खेमिनो जना।
Te yogayuttā mārassa, ayogakkhemino janā;
सत्ता गच्छन्ति संसारं, जातीमरणगामिनो॥
Sattā gacchanti saṃsāraṃ, jātīmaraṇagāmino.
अयम्पि अत्थो वुत्तो भगवता, इति मे सुतन्ति। नवमं।
Ayampi attho vutto bhagavatā, iti me sutanti. Navamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ९. तण्हासुत्तवण्णना • 9. Taṇhāsuttavaṇṇanā
