| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৫. তণ্হাসংযোজনসুত্তং
5. Taṇhāsaṃyojanasuttaṃ
১৫. ৰুত্তঞ্হেতং ভগৰতা, ৰুত্তমরহতাতি মে সুতং –
15. Vuttañhetaṃ bhagavatā, vuttamarahatāti me sutaṃ –
‘‘নাহং, ভিক্খৰে, অঞ্ঞং একসংযোজনম্পি সমনুপস্সামি যেন 1 সংযোজনেন সংযুত্তা সত্তা দীঘরত্তং সন্ধাৰন্তি সংসরন্তি যথযিদং, ভিক্খৰে, তণ্হাসংযোজনং 2। তণ্হাসংযোজনেন হি, ভিক্খৰে, সংযুত্তা সত্তা দীঘরত্তং সন্ধাৰন্তি সংসরন্তী’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Nāhaṃ, bhikkhave, aññaṃ ekasaṃyojanampi samanupassāmi yena 3 saṃyojanena saṃyuttā sattā dīgharattaṃ sandhāvanti saṃsaranti yathayidaṃ, bhikkhave, taṇhāsaṃyojanaṃ 4. Taṇhāsaṃyojanena hi, bhikkhave, saṃyuttā sattā dīgharattaṃ sandhāvanti saṃsarantī’’ti. Etamatthaṃ bhagavā avoca. Tatthetaṃ iti vuccati –
‘‘তণ্হাদুতিযো পুরিসো, দীঘমদ্ধান সংসরং।
‘‘Taṇhādutiyo puriso, dīghamaddhāna saṃsaraṃ;
ৰীততণ্হো অনাদানো, সতো ভিক্খু পরিব্বজে’’তি॥
Vītataṇho anādāno, sato bhikkhu paribbaje’’ti.
অযম্পি অত্থো ৰুত্তো ভগৰতা, ইতি মে সুতন্তি। পঞ্চমং।
Ayampi attho vutto bhagavatā, iti me sutanti. Pañcamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৫. ড্তণ্হাসংযোজনসুত্তৰণ্ণনা • 5. Ḍtaṇhāsaṃyojanasuttavaṇṇanā
