| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၇. တဏ္ဟာနိရောဓသုတ္တံ
7. Taṇhānirodhasuttaṃ
၂၀၈. ‘‘ယော , ဘိက္ခဝေ, မဂ္ဂော ယာ ပဋိပဒာ တဏ္ဟာနိရောဓာယ သံဝတ္တတိ, တံ မဂ္ဂံ တံ ပဋိပဒံ ဘာဝေထ။ ကတမော စ, ဘိက္ခဝေ, မဂ္ဂော ကတမာ စ ပဋိပဒာ တဏ္ဟာနိရောဓာယ သံဝတ္တတိ? ယဒိဒံ – သတ္တ ဗောဇ္ဈင္ဂာ။ ကတမေ သတ္တ? သတိသမ္ဗောဇ္ဈင္ဂော။ပေ.။ ဥပေက္ခာသမ္ဗောဇ္ဈင္ဂော။ ကထံ ဘာဝိတာ, စ ဘိက္ခဝေ, သတ္တ ဗောဇ္ဈင္ဂာ ကထံ ဗဟုလီကတာ တဏ္ဟာနိရောဓာယ သံဝတ္တန္တိ?
208. ‘‘Yo , bhikkhave, maggo yā paṭipadā taṇhānirodhāya saṃvattati, taṃ maggaṃ taṃ paṭipadaṃ bhāvetha. Katamo ca, bhikkhave, maggo katamā ca paṭipadā taṇhānirodhāya saṃvattati? Yadidaṃ – satta bojjhaṅgā. Katame satta? Satisambojjhaṅgo…pe… upekkhāsambojjhaṅgo. Kathaṃ bhāvitā, ca bhikkhave, satta bojjhaṅgā kathaṃ bahulīkatā taṇhānirodhāya saṃvattanti?
‘‘ဣဓ, ဘိက္ခဝေ, ဘိက္ခု သတိသမ္ဗောဇ္ဈင္ဂံ ဘာဝေတိ ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ။ပေ.။ ဥပေက္ခာသမ္ဗောဇ္ဈင္ဂံ ဘာဝေတိ ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ။ ဧဝံ ဘာဝိတာ ခော, ဘိက္ခဝေ, သတ္တ ဗောဇ္ဈင္ဂာ ဧဝံ ဗဟုလီကတာ တဏ္ဟာနိရောဓာယ သံဝတ္တန္တီ’’တိ။ သတ္တမံ။
‘‘Idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ bhāvitā kho, bhikkhave, satta bojjhaṅgā evaṃ bahulīkatā taṇhānirodhāya saṃvattantī’’ti. Sattamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆-၇. တဏ္ဟက္ခယသုတ္တာဒိဝဏ္ဏနာ • 6-7. Taṇhakkhayasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆-၇. တဏ္ဟက္ခယသုတ္တာဒိဝဏ္ဏနာ • 6-7. Taṇhakkhayasuttādivaṇṇanā
