| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৬-৭. তণ্হক্খযসুত্তাদিৰণ্ণনা
6-7. Taṇhakkhayasuttādivaṇṇanā
২০৭-২০৮. ‘‘সো মং পুচ্ছিস্সতী’’তি অধিপ্পাযেন ভগৰতা ওসাপিতদেসনং। পত্থটত্তা ভাৰনাপারিপূরিযা ৰিত্থারিতং গতত্তা। মহন্তভাৰন্তি ভাৰনাৰসেনেৰ মহত্তং গতত্তা। ততো এৰ ৰড্ঢিপ্পমাণা। নীৰরণৰিগমে সম্ভৰতো পচ্চযতো ব্যাপাদো ৰিগতো হোতীতি আহ – ‘‘নীৰরণানং দূরীভাৰেন ব্যাপাদৰিরহিতত্তা’’তি। তণ্হামূলকন্তি তণ্হাপচ্চযং। যঞ্হি তণ্হাসহগতং অসহগতম্পি তণ্হং উপনিস্সায নিপ্ফন্নং, সব্বং তং তণ্হামূলকং। পহীযতি অনুপ্পাদপ্পহানেন। তণ্হাদীনংযেৰ খযা, ন তেসং সঙ্খারানং খযা। এতেহি তণ্হক্খযাদিপদেহি।
207-208.‘‘So maṃ pucchissatī’’ti adhippāyena bhagavatā osāpitadesanaṃ. Patthaṭattā bhāvanāpāripūriyā vitthāritaṃ gatattā. Mahantabhāvanti bhāvanāvaseneva mahattaṃ gatattā. Tato eva vaḍḍhippamāṇā. Nīvaraṇavigame sambhavato paccayato byāpādo vigato hotīti āha – ‘‘nīvaraṇānaṃ dūrībhāvena byāpādavirahitattā’’ti. Taṇhāmūlakanti taṇhāpaccayaṃ. Yañhi taṇhāsahagataṃ asahagatampi taṇhaṃ upanissāya nipphannaṃ, sabbaṃ taṃ taṇhāmūlakaṃ. Pahīyati anuppādappahānena. Taṇhādīnaṃyeva khayā, na tesaṃ saṅkhārānaṃ khayā. Etehi taṇhakkhayādipadehi.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
৬. তণ্হক্খযসুত্তং • 6. Taṇhakkhayasuttaṃ
৭. তণ্হানিরোধসুত্তং • 7. Taṇhānirodhasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬-৭. তণ্হক্খযসুত্তাদিৰণ্ণনা • 6-7. Taṇhakkhayasuttādivaṇṇanā
