| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. தம்ப³புப்பி²யத்தே²ரஅபதா³னங்
2. Tambapupphiyattheraapadānaṃ
7.
7.
‘‘பரகம்மாயனே யுத்தோ, அபராத⁴ங் அகாஸஹங்;
‘‘Parakammāyane yutto, aparādhaṃ akāsahaṃ;
வனந்தங் அபி⁴தா⁴விஸ்ஸங், ப⁴யவேரஸமப்பிதோ.
Vanantaṃ abhidhāvissaṃ, bhayaverasamappito.
8.
8.
‘‘புப்பி²தங் பாத³பங் தி³ஸ்வா, பிண்டி³ப³ந்த⁴ங் ஸுனிம்மிதங்;
‘‘Pupphitaṃ pādapaṃ disvā, piṇḍibandhaṃ sunimmitaṃ;
தம்ப³புப்ப²ங் க³ஹெத்வான, போ³தி⁴யங் ஓகிரிங் அஹங்.
Tambapupphaṃ gahetvāna, bodhiyaṃ okiriṃ ahaṃ.
9.
9.
‘‘ஸம்மஜ்ஜித்வான தங் போ³தி⁴ங், பாடலிங் பாத³புத்தமங்;
‘‘Sammajjitvāna taṃ bodhiṃ, pāṭaliṃ pādaputtamaṃ;
பல்லங்கங் ஆபு⁴ஜித்வான, போ³தி⁴மூலே உபாவிஸிங்.
Pallaṅkaṃ ābhujitvāna, bodhimūle upāvisiṃ.
10.
10.
‘‘க³தமக்³க³ங் க³வேஸந்தா, ஆக³ச்சு²ங் மம ஸந்திகங்;
‘‘Gatamaggaṃ gavesantā, āgacchuṃ mama santikaṃ;
தே ச தி³ஸ்வானஹங் தத்த², ஆவஜ்ஜிங் போ³தி⁴முத்தமங்.
Te ca disvānahaṃ tattha, āvajjiṃ bodhimuttamaṃ.
11.
11.
‘‘வந்தி³த்வான அஹங் போ³தி⁴ங், விப்பஸன்னேன சேதஸா;
‘‘Vanditvāna ahaṃ bodhiṃ, vippasannena cetasā;
அனேகதாலே பபதிங், கி³ரிது³க்³கே³ ப⁴யானகே.
Anekatāle papatiṃ, giridugge bhayānake.
12.
12.
‘‘ஏகனவுதிதோ கப்பே, யங் புப்ப²மபி⁴ரோபயிங்;
‘‘Ekanavutito kappe, yaṃ pupphamabhiropayiṃ;
து³க்³க³திங் நாபி⁴ஜானாமி, போ³தி⁴பூஜாயித³ங் ப²லங்.
Duggatiṃ nābhijānāmi, bodhipūjāyidaṃ phalaṃ.
13.
13.
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
14.
14.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா தம்ப³புப்பி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā tambapupphiyo thero imā gāthāyo abhāsitthāti.
தம்ப³புப்பி²யத்தே²ரஸ்ஸாபதா³னங் து³தியங்.
Tambapupphiyattherassāpadānaṃ dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 2. தம்ப³புப்பி²யத்தே²ரஅபதா³னவண்ணனா • 2. Tambapupphiyattheraapadānavaṇṇanā
