| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
3. வீதி²ஸம்மஜ்ஜகத்தே²ரஅபதா³னங்
3. Vīthisammajjakattheraapadānaṃ
15.
15.
பன்னரஸே யதா² சந்த³ங், நிய்யந்தங் லோகனாயகங்.
Pannarase yathā candaṃ, niyyantaṃ lokanāyakaṃ.
16.
16.
‘‘அட்ட²ஸட்டி²ஸஹஸ்ஸானி, ஸப்³பே³ கீ²ணாஸவா அஹுங்;
‘‘Aṭṭhasaṭṭhisahassāni, sabbe khīṇāsavā ahuṃ;
பரிவாரிங்ஸு ஸம்பு³த்³த⁴ங், த்³விபதி³ந்த³ங் நராஸப⁴ங்.
Parivāriṃsu sambuddhaṃ, dvipadindaṃ narāsabhaṃ.
17.
17.
‘‘ஸம்மஜ்ஜித்வான தங் வீதி²ங், நிய்யந்தே லோகனாயகே;
‘‘Sammajjitvāna taṃ vīthiṃ, niyyante lokanāyake;
உஸ்ஸாபேஸிங் த⁴ஜங் தத்த², விப்பஸன்னேன சேதஸா.
Ussāpesiṃ dhajaṃ tattha, vippasannena cetasā.
18.
18.
‘‘ஏகனவுதிதோ கப்பே, யங் த⁴ஜங் அபி⁴ரோபயிங்;
‘‘Ekanavutito kappe, yaṃ dhajaṃ abhiropayiṃ;
து³க்³க³திங் நாபி⁴ஜானாமி, த⁴ஜதா³னஸ்ஸித³ங் ப²லங்.
Duggatiṃ nābhijānāmi, dhajadānassidaṃ phalaṃ.
19.
19.
‘‘இதோ சதுத்த²கே கப்பே, ராஜாஹோஸிங் மஹப்³ப³லோ;
‘‘Ito catutthake kappe, rājāhosiṃ mahabbalo;
ஸப்³பா³காரேன ஸம்பன்னோ, ஸுத⁴ஜோ இதி விஸ்ஸுதோ.
Sabbākārena sampanno, sudhajo iti vissuto.
20.
20.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா வீதி²ஸம்மஜ்ஜகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā vīthisammajjako thero imā gāthāyo abhāsitthāti.
வீதி²ஸம்மஜ்ஜகத்தே²ரஸ்ஸாபதா³னங் ததியங்.
Vīthisammajjakattherassāpadānaṃ tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 3. வீதி²ஸம்மஜ்ஜகத்தே²ரஅபதா³னவண்ணனா • 3. Vīthisammajjakattheraapadānavaṇṇanā
