| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೭. ತಾಲವಣ್ಟದಾಯಕತ್ಥೇರಅಪದಾನಂ
7. Tālavaṇṭadāyakattheraapadānaṃ
೩೧.
31.
‘‘ತಾಲವಣ್ಟಂ ಮಯಾ ದಿನ್ನಂ, ತಿಸ್ಸಸ್ಸಾದಿಚ್ಚಬನ್ಧುನೋ।
‘‘Tālavaṇṭaṃ mayā dinnaṃ, tissassādiccabandhuno;
ಗಿಮ್ಹನಿಬ್ಬಾಪನತ್ಥಾಯ, ಪರಿಳಾಹೋಪಸನ್ತಿಯಾ॥
Gimhanibbāpanatthāya, pariḷāhopasantiyā.
೩೨.
32.
‘‘ಸನ್ನಿಬ್ಬಾಪೇಮಿ ರಾಗಗ್ಗಿಂ, ದೋಸಗ್ಗಿಞ್ಚ ತದುತ್ತರಿಂ।
‘‘Sannibbāpemi rāgaggiṃ, dosaggiñca taduttariṃ;
ನಿಬ್ಬಾಪೇಮಿ ಚ ಮೋಹಗ್ಗಿಂ, ತಾಲವಣ್ಟಸ್ಸಿದಂ ಫಲಂ॥
Nibbāpemi ca mohaggiṃ, tālavaṇṭassidaṃ phalaṃ.
೩೩.
33.
‘‘ಕಿಲೇಸಾ ಝಾಪಿತಾ ಮಯ್ಹಂ, ಭವಾ ಸಬ್ಬೇ ಸಮೂಹತಾ।
‘‘Kilesā jhāpitā mayhaṃ, bhavā sabbe samūhatā;
ಧಾರೇಮಿ ಅನ್ತಿಮಂ ದೇಹಂ, ಸಮ್ಮಾಸಮ್ಬುದ್ಧಸಾಸನೇ॥
Dhāremi antimaṃ dehaṃ, sammāsambuddhasāsane.
೩೪.
34.
‘‘ದ್ವೇನವುತೇ ಇತೋ ಕಪ್ಪೇ, ಯಂ ಕಮ್ಮಮಕರಿಂ ತದಾ।
‘‘Dvenavute ito kappe, yaṃ kammamakariṃ tadā;
ದುಗ್ಗತಿಂ ನಾಭಿಜಾನಾಮಿ, ತಾಲವಣ್ಟಸ್ಸಿದಂ ಫಲಂ॥
Duggatiṃ nābhijānāmi, tālavaṇṭassidaṃ phalaṃ.
೩೫.
35.
‘‘ತೇಸಟ್ಠಿಮ್ಹಿ ಇತೋ ಕಪ್ಪೇ, ಮಹಾನಾಮಸನಾಮಕೋ।
‘‘Tesaṭṭhimhi ito kappe, mahānāmasanāmako;
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattaratanasampanno, cakkavattī mahabbalo.
೩೬.
36.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ತಾಲವಣ್ಟದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā tālavaṇṭadāyako thero imā gāthāyo abhāsitthāti.
ತಾಲವಣ್ಟದಾಯಕತ್ಥೇರಸ್ಸಾಪದಾನಂ ಸತ್ತಮಂ।
Tālavaṇṭadāyakattherassāpadānaṃ sattamaṃ.
