| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៧. តាលវណ្ដទាយកត្ថេរអបទានំ
7. Tālavaṇṭadāyakattheraapadānaṃ
៣១.
31.
‘‘តាលវណ្ដំ មយា ទិន្នំ, តិស្សស្សាទិច្ចពន្ធុនោ;
‘‘Tālavaṇṭaṃ mayā dinnaṃ, tissassādiccabandhuno;
គិម្ហនិព្ពាបនត្ថាយ, បរិឡាហោបសន្តិយា។
Gimhanibbāpanatthāya, pariḷāhopasantiyā.
៣២.
32.
‘‘សន្និព្ពាបេមិ រាគគ្គិំ, ទោសគ្គិញ្ច តទុត្តរិំ;
‘‘Sannibbāpemi rāgaggiṃ, dosaggiñca taduttariṃ;
និព្ពាបេមិ ច មោហគ្គិំ, តាលវណ្ដស្សិទំ ផលំ។
Nibbāpemi ca mohaggiṃ, tālavaṇṭassidaṃ phalaṃ.
៣៣.
33.
‘‘កិលេសា ឈាបិតា មយ្ហំ, ភវា សព្ពេ សមូហតា;
‘‘Kilesā jhāpitā mayhaṃ, bhavā sabbe samūhatā;
ធារេមិ អន្តិមំ ទេហំ, សម្មាសម្ពុទ្ធសាសនេ។
Dhāremi antimaṃ dehaṃ, sammāsambuddhasāsane.
៣៤.
34.
‘‘ទ្វេនវុតេ ឥតោ កប្បេ, យំ កម្មមករិំ តទា;
‘‘Dvenavute ito kappe, yaṃ kammamakariṃ tadā;
ទុគ្គតិំ នាភិជានាមិ, តាលវណ្ដស្សិទំ ផលំ។
Duggatiṃ nābhijānāmi, tālavaṇṭassidaṃ phalaṃ.
៣៥.
35.
‘‘តេសដ្ឋិម្ហិ ឥតោ កប្បេ, មហានាមសនាមកោ;
‘‘Tesaṭṭhimhi ito kappe, mahānāmasanāmako;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៣៦.
36.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា តាលវណ្ដទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā tālavaṇṭadāyako thero imā gāthāyo abhāsitthāti.
តាលវណ្ដទាយកត្ថេរស្សាបទានំ សត្តមំ។
Tālavaṇṭadāyakattherassāpadānaṃ sattamaṃ.
