| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
446. தக்கலஜாதகங் (8)
446. Takkalajātakaṃ (8)
82.
82.
ந தக்கலா ஸந்தி ந ஆலுவானி 1, ந பி³ளாலியோ ந களம்பா³னி தாத;
Na takkalā santi na āluvāni 2, na biḷāliyo na kaḷambāni tāta;
ஏகோ அரஞ்ஞம்ஹி ஸுஸானமஜ்ஜே², கிமத்தி²கோ தாத க²ணாஸி காஸுங்.
Eko araññamhi susānamajjhe, kimatthiko tāta khaṇāsi kāsuṃ.
83.
83.
பிதாமஹோ தாத ஸுது³ப்³ப³லோ தே, அனேகப்³யாதீ⁴ஹி து³கே²ன பு²ட்டோ²;
Pitāmaho tāta sudubbalo te, anekabyādhīhi dukhena phuṭṭho;
தமஜ்ஜஹங் நிக²ணிஸ்ஸாமி ஸொப்³பே⁴, ந ஹிஸ்ஸ தங் ஜீவிதங் ரோசயாமி.
Tamajjahaṃ nikhaṇissāmi sobbhe, na hissa taṃ jīvitaṃ rocayāmi.
84.
84.
ஸங்கப்பமேதங் படிலத்³த⁴ பாபகங், அச்சாஹிதங் கம்ம கரோஸி லுத்³த³ங்;
Saṅkappametaṃ paṭiladdha pāpakaṃ, accāhitaṃ kamma karosi luddaṃ;
மயாபி தாத படிலச்ச²ஸே துவங், ஏதாதி³ஸங் கம்ம ஜரூபனீதோ;
Mayāpi tāta paṭilacchase tuvaṃ, etādisaṃ kamma jarūpanīto;
தங் குல்லவத்தங் அனுவத்தமானோ, அஹம்பி தங் நிக²ணிஸ்ஸாமி ஸொப்³பே⁴.
Taṃ kullavattaṃ anuvattamāno, ahampi taṃ nikhaṇissāmi sobbhe.
85.
85.
ப²ருஸாஹி வாசாஹி பகுப்³ப³மானோ, ஆஸஜ்ஜ மங் த்வங் வத³ஸே குமார;
Pharusāhi vācāhi pakubbamāno, āsajja maṃ tvaṃ vadase kumāra;
புத்தோ மமங் ஓரஸகோ ஸமானோ, அஹிதானுகம்பீ மம த்வங்ஸி புத்த.
Putto mamaṃ orasako samāno, ahitānukampī mama tvaṃsi putta.
86.
86.
பாபஞ்ச தங் கம்ம பகுப்³ப³மானங், அரஹாமி நோ வாரயிதுங் ததோ.
Pāpañca taṃ kamma pakubbamānaṃ, arahāmi no vārayituṃ tato.
87.
87.
யோ மாதரங் வா பிதரங் ஸவிட்ட² 7, அதூ³ஸகே ஹிங்ஸதி பாபத⁴ம்மோ;
Yo mātaraṃ vā pitaraṃ saviṭṭha 8, adūsake hiṃsati pāpadhammo;
காயஸ்ஸ பே⁴தா³ அபி⁴ஸம்பராயங், அஸங்ஸயங் ஸோ நிரயங் உபேதி 9.
Kāyassa bhedā abhisamparāyaṃ, asaṃsayaṃ so nirayaṃ upeti 10.
88.
88.
யோ மாதரங் வா பிதரங் ஸவிட்ட², அன்னேன பானேன உபட்ட²ஹாதி;
Yo mātaraṃ vā pitaraṃ saviṭṭha, annena pānena upaṭṭhahāti;
காயஸ்ஸ பே⁴தா³ அபி⁴ஸம்பராயங், அஸங்ஸயங் ஸோ ஸுக³திங் உபேதி.
Kāyassa bhedā abhisamparāyaṃ, asaṃsayaṃ so sugatiṃ upeti.
89.
89.
ந மே த்வங் புத்த அஹிதானுகம்பீ, ஹிதானுகம்பீ மே 11 த்வங்ஸி புத்த;
Na me tvaṃ putta ahitānukampī, hitānukampī me 12 tvaṃsi putta;
அஹஞ்ச தங் மாதரா வுச்சமானோ, ஏதாதி³ஸங் கம்ம கரோமி லுத்³த³ங்.
Ahañca taṃ mātarā vuccamāno, etādisaṃ kamma karomi luddaṃ.
90.
90.
யா தே ஸா ப⁴ரியா அனரியரூபா, மாதா மமேஸா ஸகியா ஜனெத்தி;
Yā te sā bhariyā anariyarūpā, mātā mamesā sakiyā janetti;
நித்³தா⁴பயே 13 தஞ்ச ஸகா அகா³ரா, அஞ்ஞம்பி தே ஸா து³க²மாவஹெய்ய.
Niddhāpaye 14 tañca sakā agārā, aññampi te sā dukhamāvaheyya.
91.
91.
யா தே ஸா ப⁴ரியா அனரியரூபா, மாதா மமேஸா ஸகியா ஜனெத்தி;
Yā te sā bhariyā anariyarūpā, mātā mamesā sakiyā janetti;
த³ந்தா கரேணூவ வஸூபனீதா, ஸா பாபத⁴ம்மா புனராவஜாதூதி.
Dantā kareṇūva vasūpanītā, sā pāpadhammā punarāvajātūti.
தக்கலஜாதகங் அட்ட²மங்.
Takkalajātakaṃ aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [446] 8. தக்கலஜாதகவண்ணனா • [446] 8. Takkalajātakavaṇṇanā
