| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
447. மஹாத⁴ம்மபாலஜாதகங் (9)
447. Mahādhammapālajātakaṃ (9)
92.
92.
கிங் தே வதங் கிங் பன ப்³ரஹ்மசரியங், கிஸ்ஸ ஸுசிண்ணஸ்ஸ அயங் விபாகோ;
Kiṃ te vataṃ kiṃ pana brahmacariyaṃ, kissa suciṇṇassa ayaṃ vipāko;
அக்கா²ஹி மே ப்³ராஹ்மண ஏதமத்த²ங், கஸ்மா நு தும்ஹங் த³ஹரா ந மிய்யரே 1.
Akkhāhi me brāhmaṇa etamatthaṃ, kasmā nu tumhaṃ daharā na miyyare 2.
93.
93.
த⁴ம்மங் சராம ந முஸா ப⁴ணாம, பாபானி கம்மானி பரிவஜ்ஜயாம 3;
Dhammaṃ carāma na musā bhaṇāma, pāpāni kammāni parivajjayāma 4;
அனரியங் பரிவஜ்ஜேமு ஸப்³ப³ங், தஸ்மா ஹி அம்ஹங் த³ஹரா ந மிய்யரே.
Anariyaṃ parivajjemu sabbaṃ, tasmā hi amhaṃ daharā na miyyare.
94.
94.
ஸுணோம த⁴ம்மங் அஸதங் ஸதஞ்ச, ந சாபி த⁴ம்மங் அஸதங் ரோசயாம;
Suṇoma dhammaṃ asataṃ satañca, na cāpi dhammaṃ asataṃ rocayāma;
ஹித்வா அஸந்தே ந ஜஹாம ஸந்தே, தஸ்மா ஹி அம்ஹங் த³ஹரா ந மிய்யரே.
Hitvā asante na jahāma sante, tasmā hi amhaṃ daharā na miyyare.
95.
95.
புப்³பே³வ தா³னா ஸுமனா ப⁴வாம, த³த³ம்பி வே அத்தமனா ப⁴வாம;
Pubbeva dānā sumanā bhavāma, dadampi ve attamanā bhavāma;
த³த்வாபி வே நானுதப்பாம பச்சா², தஸ்மா ஹி அம்ஹங் த³ஹரா ந மிய்யரே.
Datvāpi ve nānutappāma pacchā, tasmā hi amhaṃ daharā na miyyare.
96.
96.
ஸமணே மயங் ப்³ராஹ்மணே அத்³தி⁴கே ச, வனிப்³ப³கே யாசனகே த³லித்³தே³;
Samaṇe mayaṃ brāhmaṇe addhike ca, vanibbake yācanake dalidde;
அன்னேன பானேன அபி⁴தப்பயாம, தஸ்மா ஹி அம்ஹங் த³ஹரா ந மிய்யரே.
Annena pānena abhitappayāma, tasmā hi amhaṃ daharā na miyyare.
97.
97.
மயஞ்ச ப⁴ரியங் நாதிக்கமாம, அம்ஹே ச ப⁴ரியா நாதிக்கமந்தி;
Mayañca bhariyaṃ nātikkamāma, amhe ca bhariyā nātikkamanti;
அஞ்ஞத்ர தாஹி ப்³ரஹ்மசரியங் சராம, தஸ்மா ஹி அம்ஹங் த³ஹரா ந மிய்யரே.
Aññatra tāhi brahmacariyaṃ carāma, tasmā hi amhaṃ daharā na miyyare.
98.
98.
பாணாதிபாதா விரமாம ஸப்³பே³, லோகே அதி³ன்னங் பரிவஜ்ஜயாம;
Pāṇātipātā viramāma sabbe, loke adinnaṃ parivajjayāma;
அமஜ்ஜபா நோபி முஸா ப⁴ணாம, தஸ்மா ஹி அம்ஹங் த³ஹரா ந மிய்யரே.
Amajjapā nopi musā bhaṇāma, tasmā hi amhaṃ daharā na miyyare.
99.
99.
ஏதாஸு வே ஜாயரே ஸுத்தமாஸு, மேதா⁴வினோ ஹொந்தி பஹூதபஞ்ஞா;
Etāsu ve jāyare suttamāsu, medhāvino honti pahūtapaññā;
ப³ஹுஸ்ஸுதா வேத³கு³னோ 5 ச ஹொந்தி, தஸ்மா ஹி அம்ஹங் த³ஹரா ந மிய்யரே.
Bahussutā vedaguno 6 ca honti, tasmā hi amhaṃ daharā na miyyare.
100.
100.
மாதா பிதா ச 7 ப⁴கி³னீ பா⁴தரோ ச, புத்தா ச தா³ரா ச மயஞ்ச ஸப்³பே³;
Mātā pitā ca 8 bhaginī bhātaro ca, puttā ca dārā ca mayañca sabbe;
த⁴ம்மங் சராம பரலோகஹேது, தஸ்மா ஹி அம்ஹங் த³ஹரா ந மிய்யரே.
Dhammaṃ carāma paralokahetu, tasmā hi amhaṃ daharā na miyyare.
101.
101.
தா³ஸா ச தா³ஸ்யோ 9 அனுஜீவினோ ச, பரிசாரகா கம்மகரா ச ஸப்³பே³;
Dāsā ca dāsyo 10 anujīvino ca, paricārakā kammakarā ca sabbe;
த⁴ம்மங் சரந்தி பரலோகஹேது, தஸ்மா ஹி அம்ஹங் த³ஹரா ந மிய்யரே.
Dhammaṃ caranti paralokahetu, tasmā hi amhaṃ daharā na miyyare.
102.
102.
த⁴ம்மோ ஹவே ரக்க²தி த⁴ம்மசாரிங், த⁴ம்மோ ஸுசிண்ணோ ஸுக²மாவஹாதி;
Dhammo have rakkhati dhammacāriṃ, dhammo suciṇṇo sukhamāvahāti;
ஏஸானிஸங்ஸோ த⁴ம்மே ஸுசிண்ணே, ந து³க்³க³திங் க³ச்ச²தி த⁴ம்மசாரீ.
Esānisaṃso dhamme suciṇṇe, na duggatiṃ gacchati dhammacārī.
103.
103.
த⁴ம்மோ ஹவே ரக்க²தி த⁴ம்மசாரிங், ச²த்தங் மஹந்தங் விய வஸ்ஸகாலே;
Dhammo have rakkhati dhammacāriṃ, chattaṃ mahantaṃ viya vassakāle;
த⁴ம்மேன கு³த்தோ மம த⁴ம்மபாலோ, அஞ்ஞஸ்ஸ அட்டீ²னி ஸுகீ² குமாரோதி.
Dhammena gutto mama dhammapālo, aññassa aṭṭhīni sukhī kumāroti.
மஹாத⁴ம்மபாலஜாதகங் நவமங்.
Mahādhammapālajātakaṃ navamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [447] 9. மஹாத⁴ம்மபாலஜாதகவண்ணனா • [447] 9. Mahādhammapālajātakavaṇṇanā
