| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
448. குக்குடஜாதகங் (10)
448. Kukkuṭajātakaṃ (10)
104.
104.
நாஸ்மஸே கதபாபம்ஹி, நாஸ்மஸே அலிகவாதி³னே;
Nāsmase katapāpamhi, nāsmase alikavādine;
நாஸ்மஸே அத்தத்த²பஞ்ஞம்ஹி, அதிஸந்தேபி நாஸ்மஸே.
Nāsmase attatthapaññamhi, atisantepi nāsmase.
105.
105.
க⁴ஸந்தி மஞ்ஞே மித்தானி, வாசாய ந ச கம்முனா.
Ghasanti maññe mittāni, vācāya na ca kammunā.
106.
106.
ஸுக்க²ஞ்ஜலிபக்³க³ஹிதா, வாசாய பலிகு³ண்டி²தா;
Sukkhañjalipaggahitā, vācāya paliguṇṭhitā;
மனுஸ்ஸபெ²க்³கூ³ நாஸீதே³, யஸ்மிங் நத்தி² கதஞ்ஞுதா.
Manussapheggū nāsīde, yasmiṃ natthi kataññutā.
107.
107.
ந ஹி அஞ்ஞஞ்ஞசித்தானங், இத்தீ²னங் புரிஸான வா;
Na hi aññaññacittānaṃ, itthīnaṃ purisāna vā;
108.
108.
நிஸிதங்வ படிச்ச²ன்னங், தாதி³ஸம்பி ச நாஸ்மஸே.
Nisitaṃva paṭicchannaṃ, tādisampi ca nāsmase.
109.
109.
மித்தரூபேனிதே⁴கச்சே, ஸாக²ல்யேன அசேதஸா;
Mittarūpenidhekacce, sākhalyena acetasā;
விவிதே⁴ஹி உபாயந்தி, தாதி³ஸம்பி ச நாஸ்மஸே.
Vividhehi upāyanti, tādisampi ca nāsmase.
110.
110.
ஆமிஸங் வா த⁴னங் வாபி, யத்த² பஸ்ஸதி தாதி³ஸோ;
Āmisaṃ vā dhanaṃ vāpi, yattha passati tādiso;
து³ப்³பி⁴ங் கரோதி து³ம்மேதோ⁴, தஞ்ச ஹந்த்வான 9 க³ச்ச²தி.
Dubbhiṃ karoti dummedho, tañca hantvāna 10 gacchati.
111.
111.
மித்தரூபேன ப³ஹவோ, ச²ன்னா ஸேவந்தி ஸத்தவோ;
Mittarūpena bahavo, channā sevanti sattavo;
ஜஹே காபுரிஸே ஹேதே, குக்குடோ விய ஸேனகங்.
Jahe kāpurise hete, kukkuṭo viya senakaṃ.
112.
112.
அமித்தவஸமன்வேதி, பச்சா² ச அனுதப்பதி.
Amittavasamanveti, pacchā ca anutappati.
113.
113.
யோ ச உப்பதிதங் அத்த²ங், கி²ப்பமேவ நிபோ³த⁴தி;
Yo ca uppatitaṃ atthaṃ, khippameva nibodhati;
முச்சதே ஸத்துஸம்பா³தா⁴, குக்குடோ விய ஸேனகா;
Muccate sattusambādhā, kukkuṭo viya senakā;
114.
114.
தங் தாதி³ஸங் கூடமிவொட்³டி³தங் வனே, அத⁴ம்மிகங் நிச்சவித⁴ங்ஸகாரினங்;
Taṃ tādisaṃ kūṭamivoḍḍitaṃ vane, adhammikaṃ niccavidhaṃsakārinaṃ;
ஆரா விவஜ்ஜெய்ய நரோ விசக்க²ணோ, ஸேனங் யதா² குக்குடோ வங்ஸகானநேதி.
Ārā vivajjeyya naro vicakkhaṇo, senaṃ yathā kukkuṭo vaṃsakānaneti.
குக்குடஜாதகங் த³ஸமங்.
Kukkuṭajātakaṃ dasamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [448] 10. குக்குடஜாதகவண்ணனா • [448] 10. Kukkuṭajātakavaṇṇanā
