| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೯೨. ತಚ್ಛಸೂಕರಜಾತಕಂ (೯)
492. Tacchasūkarajātakaṃ (9)
೧೬೦.
160.
ಯದೇಸಮಾನಾ ವಿಚರಿಮ್ಹ, ಪಬ್ಬತಾನಿ ವನಾನಿ ಚ।
Yadesamānā vicarimha, pabbatāni vanāni ca;
೧೬೧.
161.
ಬಹುಞ್ಚಿದಂ ಮೂಲಫಲಂ, ಭಕ್ಖೋ ಚಾಯಂ ಅನಪ್ಪಕೋ।
Bahuñcidaṃ mūlaphalaṃ, bhakkho cāyaṃ anappako;
೧೬೨.
162.
ಇಧೇವಾಹಂ ವಸಿಸ್ಸಾಮಿ, ಸಹ ಸಬ್ಬೇಹಿ ಞಾತಿಭಿ।
Idhevāhaṃ vasissāmi, saha sabbehi ñātibhi;
ಅಪ್ಪೋಸ್ಸುಕ್ಕೋ ನಿರಾಸಙ್ಕೀ, ಅಸೋಕೋ ಅಕುತೋಭಯೋ॥
Appossukko nirāsaṅkī, asoko akutobhayo.
೧೬೩.
163.
ಸೋ ತಚ್ಛ ಸೂಕರೇ ಹನ್ತಿ, ಇಧಾಗನ್ತ್ವಾ ವರಂ ವರಂ॥
So taccha sūkare hanti, idhāgantvā varaṃ varaṃ.
೧೬೪.
164.
೧೬೫.
165.
ಉದ್ಧಗ್ಗರಾಜೀ ಮಿಗರಾಜಾ, ಬಲೀ ದಾಠಾವುಧೋ ಮಿಗೋ।
Uddhaggarājī migarājā, balī dāṭhāvudho migo;
ಸೋ ತಚ್ಛ ಸೂಕರೇ ಹನ್ತಿ, ಇಧಾಗನ್ತ್ವಾ ವರಂ ವರಂ॥
So taccha sūkare hanti, idhāgantvā varaṃ varaṃ.
೧೬೬.
166.
ಸಬ್ಬೇ ಸಮಗ್ಗಾ ಹುತ್ವಾನ, ವಸಂ ಕಾಹಾಮ ಏಕಕಂ॥
Sabbe samaggā hutvāna, vasaṃ kāhāma ekakaṃ.
೧೬೭.
167.
ಹದಯಙ್ಗಮಂ ಕಣ್ಣಸುಖಂ, ವಾಚಂ ಭಾಸಸಿ ತಚ್ಛಕ।
Hadayaṅgamaṃ kaṇṇasukhaṃ, vācaṃ bhāsasi tacchaka;
ಯೋಪಿ ಯುದ್ಧೇ ಪಲಾಯೇಯ್ಯ, ತಮ್ಪಿ ಪಚ್ಛಾ ಹನಾಮಸೇ॥
Yopi yuddhe palāyeyya, tampi pacchā hanāmase.
೧೬೮.
168.
ಪಾಣಾತಿಪಾತಾ ವಿರತೋ ನು ಅಜ್ಜ, ಅಭಯಂ ನು ತೇ ಸಬ್ಬಭೂತೇಸು ದಿನ್ನಂ।
Pāṇātipātā virato nu ajja, abhayaṃ nu te sabbabhūtesu dinnaṃ;
ದಾಠಾ ನು ತೇ ಮಿಗವಧಾಯ 13 ನ ಸನ್ತಿ, ಯೋ ಸಙ್ಘಪತ್ತೋ ಕಪಣೋವ ಝಾಯಸಿ॥
Dāṭhā nu te migavadhāya 14 na santi, yo saṅghapatto kapaṇova jhāyasi.
೧೬೯.
169.
ನ ಮೇ ದಾಠಾ ನ ವಿಜ್ಜನ್ತಿ, ಬಲಂ ಕಾಯೇ ಸಮೋಹಿತಂ।
Na me dāṭhā na vijjanti, balaṃ kāye samohitaṃ;
ಞಾತೀ ಚ ದಿಸ್ವಾನ ಸಾಮಗ್ಗೀ ಏಕತೋ, ತಸ್ಮಾ ಚ ಝಾಯಾಮಿ ವನಮ್ಹಿ ಏಕಕೋ॥
Ñātī ca disvāna sāmaggī ekato, tasmā ca jhāyāmi vanamhi ekako.
೧೭೦.
170.
ಇಮಸ್ಸುದಂ ಯನ್ತಿ ದಿಸೋದಿಸಂ ಪುರೇ, ಭಯಟ್ಟಿತಾ ಲೇಣಗವೇಸಿನೋ ಪುಥು।
Imassudaṃ yanti disodisaṃ pure, bhayaṭṭitā leṇagavesino puthu;
ತೇ ದಾನಿ ಸಙ್ಗಮ್ಮ ವಸನ್ತಿ ಏಕತೋ, ಯತ್ಥಟ್ಠಿತಾ ದುಪ್ಪಸಹಜ್ಜ ತೇ ಮಯಾ॥
Te dāni saṅgamma vasanti ekato, yatthaṭṭhitā duppasahajja te mayā.
೧೭೧.
171.
ಪರಿಣಾಯಕಸಮ್ಪನ್ನಾ, ಸಹಿತಾ ಏಕವಾದಿನೋ।
Pariṇāyakasampannā, sahitā ekavādino;
ತೇ ಮಂ ಸಮಗ್ಗಾ ಹಿಂಸೇಯ್ಯುಂ, ತಸ್ಮಾ ನೇಸಂ ನ ಪತ್ಥಯೇ 15॥
Te maṃ samaggā hiṃseyyuṃ, tasmā nesaṃ na patthaye 16.
೧೭೨.
172.
ಏಕೋವ ಇನ್ದೋ ಅಸುರೇ ಜಿನಾತಿ, ಏಕೋವ ಸೇನೋ ಹನ್ತಿ ದಿಜೇ ಪಸಯ್ಹ।
Ekova indo asure jināti, ekova seno hanti dije pasayha;
ಏಕೋವ ಬ್ಯಗ್ಘೋ ಮಿಗಸಙ್ಘಪತ್ತೋ, ವರಂ ವರಂ ಹನ್ತಿ ಬಲಞ್ಹಿ ತಾದಿಸಂ॥
Ekova byaggho migasaṅghapatto, varaṃ varaṃ hanti balañhi tādisaṃ.
೧೭೩.
173.
ನ ಹೇವ ಇನ್ದೋ ನ ಸೇನೋ, ನಪಿ ಬ್ಯಗ್ಘೋ ಮಿಗಾಧಿಪೋ।
Na heva indo na seno, napi byaggho migādhipo;
೧೭೪.
174.
ಕುಮ್ಭೀಲಕಾ ಸಕುಣಕಾ, ಸಙ್ಘಿನೋ ಗಣಚಾರಿನೋ।
Kumbhīlakā sakuṇakā, saṅghino gaṇacārino;
ಸಮ್ಮೋದಮಾನಾ ಏಕಜ್ಝಂ, ಉಪ್ಪತನ್ತಿ ಡಯನ್ತಿ ಚ॥
Sammodamānā ekajjhaṃ, uppatanti ḍayanti ca.
೧೭೫.
175.
ತಞ್ಚ ಸೇನೋ ನಿತಾಳೇತಿ, ವೇಯ್ಯಗ್ಘಿಯೇವ ಸಾ ಗತಿ॥
Tañca seno nitāḷeti, veyyagghiyeva sā gati.
೧೭೬.
176.
ಉಸ್ಸಾಹಿತೋ ಜಟಿಲೇನ, ಲುದ್ದೇನಾಮಿಸಚಕ್ಖುನಾ।
Ussāhito jaṭilena, luddenāmisacakkhunā;
ದಾಠೀ ದಾಠೀಸು ಪಕ್ಖನ್ದಿ, ಮಞ್ಞಮಾನೋ ಯಥಾ ಪುರೇ॥
Dāṭhī dāṭhīsu pakkhandi, maññamāno yathā pure.
೧೭೭.
177.
ಸಾಧು ಸಮ್ಬಹುಲಾ ಞಾತೀ, ಅಪಿ ರುಕ್ಖಾ ಅರಞ್ಞಜಾ।
Sādhu sambahulā ñātī, api rukkhā araññajā;
ಸೂಕರೇಹಿ ಸಮಗ್ಗೇಹಿ, ಬ್ಯಗ್ಘೋ ಏಕಾಯನೇ ಹತೋ॥
Sūkarehi samaggehi, byaggho ekāyane hato.
೧೭೮.
178.
ಬ್ರಾಹ್ಮಣಞ್ಚೇವ ಬ್ಯಗ್ಘಞ್ಚ, ಉಭೋ ಹನ್ತ್ವಾನ ಸೂಕರಾ॥
Brāhmaṇañceva byagghañca, ubho hantvāna sūkarā.
ಆನನ್ದಿನೋ ಪಮುದಿತಾ, ಮಹಾನಾದಂ ಪನಾದಿಸುಂ॥
Ānandino pamuditā, mahānādaṃ panādisuṃ.
೧೭೯.
179.
ತೇ ಸು ಉದುಮ್ಬರಮೂಲಸ್ಮಿಂ, ಸೂಕರಾ ಸುಸಮಾಗತಾ।
Te su udumbaramūlasmiṃ, sūkarā susamāgatā;
ತಚ್ಛಕಂ ಅಭಿಸಿಞ್ಚಿಂಸು, ‘‘ತ್ವಂ ನೋ ರಾಜಾಸಿ ಇಸ್ಸರೋ’’ತಿ॥
Tacchakaṃ abhisiñciṃsu, ‘‘tvaṃ no rājāsi issaro’’ti.
ತಚ್ಛಸೂಕರಜಾತಕಂ ನವಮಂ।
Tacchasūkarajātakaṃ navamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೯೨] ೯. ತಚ್ಛಸೂಕರಜಾತಕವಣ್ಣನಾ • [492] 9. Tacchasūkarajātakavaṇṇanā
