| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
5. ஸுவண்ணபுப்பி²யத்தே²ரஅபதா³னங்
5. Suvaṇṇapupphiyattheraapadānaṃ
40.
40.
‘‘விபஸ்ஸீ நாம ப⁴க³வா, லோகஜெட்டோ² நராஸபோ⁴;
‘‘Vipassī nāma bhagavā, lokajeṭṭho narāsabho;
நிஸின்னோ ஜனகாயஸ்ஸ, தே³ஸேஸி அமதங் பத³ங்.
Nisinno janakāyassa, desesi amataṃ padaṃ.
41.
41.
‘‘தஸ்ஸாஹங் த⁴ம்மங் ஸுத்வான, த்³விபதி³ந்த³ஸ்ஸ தாதி³னோ;
‘‘Tassāhaṃ dhammaṃ sutvāna, dvipadindassa tādino;
ஸொண்ணபுப்பா²னி சத்தாரி, பு³த்³த⁴ஸ்ஸ அபி⁴ரோபயிங்.
Soṇṇapupphāni cattāri, buddhassa abhiropayiṃ.
42.
42.
‘‘ஸுவண்ணச்ச²த³னங் ஆஸி, யாவதா பரிஸா ததா³;
‘‘Suvaṇṇacchadanaṃ āsi, yāvatā parisā tadā;
பு³த்³தா⁴பா⁴ ச ஸுவண்ணாபா⁴, ஆலோகோ விபுலோ அஹு.
Buddhābhā ca suvaṇṇābhā, āloko vipulo ahu.
43.
43.
‘‘உத³க்³க³சித்தோ ஸுமனோ, வேத³ஜாதோ கதஞ்ஜலீ;
‘‘Udaggacitto sumano, vedajāto katañjalī;
வித்திஸஞ்ஜனநோ தேஸங், தி³ட்ட²த⁴ம்மஸுகா²வஹோ.
Vittisañjanano tesaṃ, diṭṭhadhammasukhāvaho.
44.
44.
‘‘ஆயாசித்வான ஸம்பு³த்³த⁴ங், வந்தி³த்வான ச ஸுப்³ப³தங்;
‘‘Āyācitvāna sambuddhaṃ, vanditvāna ca subbataṃ;
பாமோஜ்ஜங் ஜனயித்வான, ஸகங் ப⁴வனுபாக³மிங்.
Pāmojjaṃ janayitvāna, sakaṃ bhavanupāgamiṃ.
45.
45.
‘‘ப⁴வனே உபவிட்டோ²ஹங், பு³த்³த⁴ஸெட்ட²ங் அனுஸ்ஸரிங்;
‘‘Bhavane upaviṭṭhohaṃ, buddhaseṭṭhaṃ anussariṃ;
தேன சித்தப்பஸாதே³ன, துஸிதங் உபபஜ்ஜஹங்.
Tena cittappasādena, tusitaṃ upapajjahaṃ.
46.
46.
‘‘ஏகனவுதிதோ கப்பே, யங் புப்ப²மபி⁴ரோபயிங்;
‘‘Ekanavutito kappe, yaṃ pupphamabhiropayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
47.
47.
‘‘ஸோளஸாஸிங்ஸு ராஜானோ, நேமிஸம்மதனாமகா;
‘‘Soḷasāsiṃsu rājāno, nemisammatanāmakā;
தேதாலீஸே இதோ கப்பே, சக்கவத்தீ மஹப்³ப³லா.
Tetālīse ito kappe, cakkavattī mahabbalā.
48.
48.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஸுவண்ணபுப்பி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā suvaṇṇapupphiyo thero imā gāthāyo abhāsitthāti.
ஸுவண்ணபுப்பி²யத்தே²ரஸ்ஸாபதா³னங் பஞ்சமங்.
Suvaṇṇapupphiyattherassāpadānaṃ pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 5. ஸுவண்ணபுப்பி²யத்தே²ரஅபதா³னவண்ணனா • 5. Suvaṇṇapupphiyattheraapadānavaṇṇanā
