| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
6. சிதகபூஜகத்தே²ரஅபதா³னங்
6. Citakapūjakattheraapadānaṃ
49.
49.
‘‘வஸாமி ராஜாயதனே, ஸாமச்சோ ஸபரிஜ்ஜனோ;
‘‘Vasāmi rājāyatane, sāmacco saparijjano;
பரினிப்³பு³தே ப⁴க³வதி, ஸிகி²னோ லோகப³ந்து⁴னோ.
Parinibbute bhagavati, sikhino lokabandhuno.
50.
50.
‘‘பஸன்னசித்தோ ஸுமனோ, சிதகங் அக³மாஸஹங்;
‘‘Pasannacitto sumano, citakaṃ agamāsahaṃ;
தூரியங் தத்த² வாதெ³த்வா, க³ந்த⁴மாலங் ஸமோகிரிங்.
Tūriyaṃ tattha vādetvā, gandhamālaṃ samokiriṃ.
51.
51.
‘‘சிதம்ஹி பூஜங் கத்வான, வந்தி³த்வா சிதகங் அஹங்;
‘‘Citamhi pūjaṃ katvāna, vanditvā citakaṃ ahaṃ;
பஸன்னசித்தோ ஸுமனோ, ஸகங் ப⁴வனுபாக³மிங்.
Pasannacitto sumano, sakaṃ bhavanupāgamiṃ.
52.
52.
‘‘ப⁴வனே உபவிட்டோ²ஹங், சிதபூஜங் அனுஸ்ஸரிங்;
‘‘Bhavane upaviṭṭhohaṃ, citapūjaṃ anussariṃ;
தேன கம்மேன த்³விபதி³ந்த³, லோகஜெட்ட² நராஸப⁴.
Tena kammena dvipadinda, lokajeṭṭha narāsabha.
53.
53.
‘‘அனுபொ⁴த்வான ஸம்பத்திங், தே³வேஸு மானுஸேஸு ச;
‘‘Anubhotvāna sampattiṃ, devesu mānusesu ca;
பத்தொம்ஹி அசலங் டா²னங், ஹித்வா ஜயபராஜயங்.
Pattomhi acalaṃ ṭhānaṃ, hitvā jayaparājayaṃ.
54.
54.
‘‘ஏகத்திங்ஸே இதோ கப்பே, யங் புப்ப²மபி⁴ரோபயிங்;
‘‘Ekattiṃse ito kappe, yaṃ pupphamabhiropayiṃ;
து³க்³க³திங் நாபி⁴ஜானாமி, சிதபூஜாயித³ங் ப²லங்.
Duggatiṃ nābhijānāmi, citapūjāyidaṃ phalaṃ.
55.
55.
‘‘ஏகூனதிங்ஸகப்பம்ஹி, இதோ ஸோளஸ ராஜானோ;
‘‘Ekūnatiṃsakappamhi, ito soḷasa rājāno;
உக்³க³தா நாம நாமேன, சக்கவத்தீ மஹப்³ப³லா.
Uggatā nāma nāmena, cakkavattī mahabbalā.
56.
56.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா சிதகபூஜகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā citakapūjako thero imā gāthāyo abhāsitthāti.
சிதகபூஜகத்தே²ரஸ்ஸாபதா³னங் ச²ட்ட²ங்.
Citakapūjakattherassāpadānaṃ chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 6. சிதகபூஜகத்தே²ரஅபதா³னவண்ணனா • 6. Citakapūjakattheraapadānavaṇṇanā
