| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
389. ஸுவண்ணகக்கடஜாதகங் (6-2-4)
389. Suvaṇṇakakkaṭajātakaṃ (6-2-4)
94.
94.
ஸிங்கீ³மிகோ³ ஆயதசக்கு²னெத்தோ, அட்டி²த்தசோ வாரிஸயோ அலோமோ;
Siṅgīmigo āyatacakkhunetto, aṭṭhittaco vārisayo alomo;
தேனாபி⁴பூ⁴தோ கபணங் ருதா³மி, ஹரே ஸகா² கிஸ்ஸ நு மங் ஜஹாஸி.
Tenābhibhūto kapaṇaṃ rudāmi, hare sakhā kissa nu maṃ jahāsi.
95.
95.
ஸோ பஸ்ஸஸந்தோ மஹதா ப²ணேன, பு⁴ஜங்க³மோ கக்கடமஜ்ஜ²பத்தோ;
So passasanto mahatā phaṇena, bhujaṅgamo kakkaṭamajjhapatto;
ஸகா² ஸகா²ரங் பரிதாயமானோ, பு⁴ஜங்க³மங் கக்கடகோ க³ஹேஸி.
Sakhā sakhāraṃ paritāyamāno, bhujaṅgamaṃ kakkaṭako gahesi.
96.
96.
ந வாயஸங் நோ பன கண்ஹஸப்பங், கா⁴ஸத்தி²கோ கக்கடகோ அதெ³ய்ய;
Na vāyasaṃ no pana kaṇhasappaṃ, ghāsatthiko kakkaṭako adeyya;
புச்சா²மி தங் ஆயதசக்கு²னெத்த, அத² கிஸ்ஸ ஹேதும்ஹ உபோ⁴ க³ஹீதா.
Pucchāmi taṃ āyatacakkhunetta, atha kissa hetumha ubho gahītā.
97.
97.
அயங் புரிஸோ மம அத்த²காமோ, யோ மங் க³ஹெத்வான த³காய நேதி;
Ayaṃ puriso mama atthakāmo, yo maṃ gahetvāna dakāya neti;
தஸ்மிங் மதே து³க்க²மனப்பகங் மே, அஹஞ்ச ஏஸோ ச உபோ⁴ ந ஹோம.
Tasmiṃ mate dukkhamanappakaṃ me, ahañca eso ca ubho na homa.
98.
98.
மமஞ்ச தி³ஸ்வான பவத்³த⁴காயங், ஸப்³போ³ ஜனோ ஹிங்ஸிதுமேவ மிச்சே²;
Mamañca disvāna pavaddhakāyaṃ, sabbo jano hiṃsitumeva micche;
ஸாது³ஞ்ச தூ²லஞ்ச முது³ஞ்ச மங்ஸங், காகாபி மங் தி³ஸ்வான 1 விஹேட²யெய்யுங்.
Sāduñca thūlañca muduñca maṃsaṃ, kākāpi maṃ disvāna 2 viheṭhayeyyuṃ.
99.
99.
ஸசேதஸ்ஸ ஹேதும்ஹ உபோ⁴ க³ஹீதா, உட்டா²து போஸோ விஸமாவமாமி 3;
Sacetassa hetumha ubho gahītā, uṭṭhātu poso visamāvamāmi 4;
மமஞ்ச காகஞ்ச பமுஞ்ச கி²ப்பங், புரே விஸங் கா³ள்ஹமுபேதி மச்சங்.
Mamañca kākañca pamuñca khippaṃ, pure visaṃ gāḷhamupeti maccaṃ.
100.
100.
புரிஸஞ்ச தி³ஸ்வான ஸுகி²ங் அரோக³ங், காகங் பமொக்கா²மி யதே²வ ஸப்பங்.
Purisañca disvāna sukhiṃ arogaṃ, kākaṃ pamokkhāmi yatheva sappaṃ.
101.
101.
காகோ ததா³ தே³வத³த்தோ அஹோஸி, மாரோ பன கண்ஹஸப்போ அஹோஸி;
Kāko tadā devadatto ahosi, māro pana kaṇhasappo ahosi;
ஆனந்த³ப⁴த்³தோ³ கக்கடகோ அஹோஸி, அஹங் ததா³ ப்³ராஹ்மணோ ஹோமி ஸத்தா²தி 9.
Ānandabhaddo kakkaṭako ahosi, ahaṃ tadā brāhmaṇo homi satthāti 10.
ஸுவண்ணகக்கடஜாதகங் சதுத்த²ங்.
Suvaṇṇakakkaṭajātakaṃ catutthaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [389] 4. ஸுவண்ணகக்கடகஜாதகவண்ணனா • [389] 4. Suvaṇṇakakkaṭakajātakavaṇṇanā
