| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២៨. សុវណ្ណពិព្ពោហនវគ្គោ
28. Suvaṇṇabibbohanavaggo
១. សុវណ្ណពិព្ពោហនិយត្ថេរអបទានំ
1. Suvaṇṇabibbohaniyattheraapadānaṃ
១.
1.
‘‘ឯកាសនំ អហមទំ, បសន្នោ សេហិ បាណិភិ;
‘‘Ekāsanaṃ ahamadaṃ, pasanno sehi pāṇibhi;
២.
2.
‘‘ឯកនវុតិតោ កប្បេ, ពិព្ពោហនមទាសហំ;
‘‘Ekanavutito kappe, bibbohanamadāsahaṃ;
ទុគ្គតិំ នាភិជានាមិ, ពិព្ពោហនស្សិទំ ផលំ។
Duggatiṃ nābhijānāmi, bibbohanassidaṃ phalaṃ.
៣.
3.
‘‘ឥតោ តេសដ្ឋិមេ កប្បេ, អសមោ នាម ខត្តិយោ;
‘‘Ito tesaṭṭhime kappe, asamo nāma khattiyo;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៤.
4.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា សុវណ្ណពិព្ពោហនិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā suvaṇṇabibbohaniyo thero imā gāthāyo abhāsitthāti.
សុវណ្ណពិព្ពោហនិយត្ថេរស្សាបទានំ បឋមំ។
Suvaṇṇabibbohaniyattherassāpadānaṃ paṭhamaṃ.
Footnotes:
