| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
398. ஸுதனுஜாதகங் (7-1-3)
398. Sutanujātakaṃ (7-1-3)
15.
15.
ராஜா தே ப⁴த்தங் பாஹேஸி, ஸுசிங் மங்ஸூபஸேசனங்;
Rājā te bhattaṃ pāhesi, suciṃ maṃsūpasecanaṃ;
மக⁴தே³வஸ்மிங் 1 அதி⁴வத்தே², ஏஹி நிக்க²ம்ம பு⁴ஞ்ஜஸ்ஸு.
Maghadevasmiṃ 2 adhivatthe, ehi nikkhamma bhuñjassu.
16.
16.
ஏஹி மாணவ ஓரேன, பி⁴க்க²மாதா³ய ஸூபிதங்;
Ehi māṇava orena, bhikkhamādāya sūpitaṃ;
த்வஞ்ச மாணவ பி⁴க்கா² ச 3, உபோ⁴ ப⁴க்கா² ப⁴விஸ்ஸத².
Tvañca māṇava bhikkhā ca 4, ubho bhakkhā bhavissatha.
17.
17.
அப்பகேன துவங் யக்க², து²ல்லமத்த²ங் ஜஹிஸ்ஸஸி;
Appakena tuvaṃ yakkha, thullamatthaṃ jahissasi;
பி⁴க்க²ங் தே நாஹரிஸ்ஸந்தி, ஜனா மரணஸஞ்ஞினோ.
Bhikkhaṃ te nāharissanti, janā maraṇasaññino.
18.
18.
லத்³தா⁴ய யக்கா² 5 தவ நிச்சபி⁴க்க²ங், ஸுசிங் பணீதங் ரஸஸா உபேதங்;
Laddhāya yakkhā 6 tava niccabhikkhaṃ, suciṃ paṇītaṃ rasasā upetaṃ;
பி⁴க்க²ஞ்ச தே ஆஹரியோ நரோ இத⁴, ஸுது³ல்லபோ⁴ ஹேஹிதி ப⁴க்கி²தே 7 மயி.
Bhikkhañca te āhariyo naro idha, sudullabho hehiti bhakkhite 8 mayi.
19.
19.
மயா த்வங் ஸமனுஞ்ஞாதோ, ஸொத்தி²ங் பஸ்ஸாஹி மாதரங்.
Mayā tvaṃ samanuññāto, sotthiṃ passāhi mātaraṃ.
20.
20.
க²க்³க³ங் ச²த்தஞ்ச பாதிஞ்ச, க³ச்ச²மாதா³ய 11 மாணவ;
Khaggaṃ chattañca pātiñca, gacchamādāya 12 māṇava;
ஸொத்தி²ங் பஸ்ஸது தே மாதா, த்வஞ்ச பஸ்ஸாஹி மாதரங்.
Sotthiṃ passatu te mātā, tvañca passāhi mātaraṃ.
21.
21.
ஏவங் யக்க² ஸுகீ² ஹோஹி, ஸஹ ஸப்³பே³ஹி ஞாதிபி⁴;
Evaṃ yakkha sukhī hohi, saha sabbehi ñātibhi;
த⁴னஞ்ச மே அதி⁴க³தங், ரஞ்ஞோ ச வசனங் கதந்தி.
Dhanañca me adhigataṃ, rañño ca vacanaṃ katanti.
ஸுதனுஜாதகங் ததியங்.
Sutanujātakaṃ tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [398] 3. ஸுதனுஜாதகவண்ணனா • [398] 3. Sutanujātakavaṇṇanā
