| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
399. மாதுபோஸககி³ஜ்ஜ²ஜாதகங் (7-1-4)
399. Mātuposakagijjhajātakaṃ (7-1-4)
22.
22.
தே கத²ங் நு கரிஸ்ஸந்தி, வுத்³தா⁴ கி³ரித³ரீஸயா;
Te kathaṃ nu karissanti, vuddhā giridarīsayā;
அஹங் ப³த்³தொ⁴ஸ்மி பாஸேன, நிலீயஸ்ஸ வஸங் க³தோ.
Ahaṃ baddhosmi pāsena, nilīyassa vasaṃ gato.
23.
23.
கிங் கி³ஜ்ஜ² பரிதே³வஸி, கா நு தே பரிதே³வனா;
Kiṃ gijjha paridevasi, kā nu te paridevanā;
ந மே ஸுதோ வா தி³ட்டோ² வா, பா⁴ஸந்தோ மானுஸிங் தி³ஜோ.
Na me suto vā diṭṭho vā, bhāsanto mānusiṃ dijo.
24.
24.
ப⁴ராமி மாதாபிதரோ, வுத்³தே⁴ கி³ரித³ரீஸயே;
Bharāmi mātāpitaro, vuddhe giridarīsaye;
தே கத²ங் நு கரிஸ்ஸந்தி, அஹங் வஸங் க³தோ தவ.
Te kathaṃ nu karissanti, ahaṃ vasaṃ gato tava.
25.
25.
யங் நு கி³ஜ்ஜோ² யோஜனஸதங், குணபானி அவெக்க²தி;
Yaṃ nu gijjho yojanasataṃ, kuṇapāni avekkhati;
கஸ்மா ஜாலஞ்ச பாஸஞ்ச, ஆஸஜ்ஜாபி ந பு³ஜ்ஜ²ஸி.
Kasmā jālañca pāsañca, āsajjāpi na bujjhasi.
26.
26.
யதா³ பராப⁴வோ ஹோதி, போஸோ ஜீவிதஸங்க²யே;
Yadā parābhavo hoti, poso jīvitasaṅkhaye;
அத² ஜாலஞ்ச பாஸஞ்ச, ஆஸஜ்ஜாபி ந பு³ஜ்ஜ²தி.
Atha jālañca pāsañca, āsajjāpi na bujjhati.
27.
27.
ப⁴ரஸ்ஸு மாதாபிதரோ, வுத்³தே⁴ கி³ரித³ரீஸயே;
Bharassu mātāpitaro, vuddhe giridarīsaye;
மயா த்வங் ஸமனுஞ்ஞாதோ, ஸொத்தி²ங் பஸ்ஸாஹி ஞாதகே.
Mayā tvaṃ samanuññāto, sotthiṃ passāhi ñātake.
28.
28.
ஏவங் லுத்³த³க நந்த³ஸ்ஸு, ஸஹ ஸப்³பே³ஹி ஞாதிபி⁴;
Evaṃ luddaka nandassu, saha sabbehi ñātibhi;
ப⁴ரிஸ்ஸங் மாதாபிதரோ, வுத்³தே⁴ கி³ரித³ரீஸயேதி.
Bharissaṃ mātāpitaro, vuddhe giridarīsayeti.
மாதுபோஸககி³ஜ்ஜ²ஜாதகங் சதுத்த²ங்.
Mātuposakagijjhajātakaṃ catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [399] 4. மாதுபோஸககி³ஜ்ஜ²ஜாதகவண்ணனா • [399] 4. Mātuposakagijjhajātakavaṇṇanā
