| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೧೧. ಸುಸೀಮಜಾತಕಂ (೭-೨-೬)
411. Susīmajātakaṃ (7-2-6)
೧೧೪.
114.
ಕಾಳಾನಿ ಕೇಸಾನಿ ಪುರೇ ಅಹೇಸುಂ, ಜಾತಾನಿ ಸೀಸಮ್ಹಿ ಯಥಾಪದೇಸೇ।
Kāḷāni kesāni pure ahesuṃ, jātāni sīsamhi yathāpadese;
ತಾನಜ್ಜ ಸೇತಾನಿ ಸುಸೀಮ 1 ದಿಸ್ವಾ, ಧಮ್ಮಂ ಚರ ಬ್ರಹ್ಮಚರಿಯಸ್ಸ ಕಾಲೋ॥
Tānajja setāni susīma 2 disvā, dhammaṃ cara brahmacariyassa kālo.
೧೧೫.
115.
ಮಮೇವ ದೇವ ಪಲಿತಂ ನ ತುಯ್ಹಂ, ಮಮೇವ ಸೀಸಂ ಮಮ ಉತ್ತಮಙ್ಗಂ।
Mameva deva palitaṃ na tuyhaṃ, mameva sīsaṃ mama uttamaṅgaṃ;
‘‘ಅತ್ಥಂ ಕರಿಸ್ಸ’’ನ್ತಿ ಮುಸಾ ಅಭಾಣಿಂ 3, ಏಕಾಪರಾಧಂ ಖಮ ರಾಜಸೇಟ್ಠ॥
‘‘Atthaṃ karissa’’nti musā abhāṇiṃ 4, ekāparādhaṃ khama rājaseṭṭha.
೧೧೬.
116.
ದಹರೋ ತುವಂ ದಸ್ಸನಿಯೋಸಿ ರಾಜ, ಪಠಮುಗ್ಗತೋ ಹೋಸಿ 5 ಯಥಾ ಕಳೀರೋ।
Daharo tuvaṃ dassaniyosi rāja, paṭhamuggato hosi 6 yathā kaḷīro;
ರಜ್ಜಞ್ಚ ಕಾರೇಹಿ ಮಮಞ್ಚ ಪಸ್ಸ, ಮಾ ಕಾಲಿಕಂ ಅನುಧಾವೀ ಜನಿನ್ದ॥
Rajjañca kārehi mamañca passa, mā kālikaṃ anudhāvī janinda.
೧೧೭.
117.
ಪಸ್ಸಾಮಿ ವೋಹಂ ದಹರಿಂ ಕುಮಾರಿಂ, ಸಾಮಟ್ಠಪಸ್ಸಂ ಸುತನುಂ ಸುಮಜ್ಝಂ।
Passāmi vohaṃ dahariṃ kumāriṃ, sāmaṭṭhapassaṃ sutanuṃ sumajjhaṃ;
ಕಾಳಪ್ಪವಾಳಾವ ಪವೇಲ್ಲಮಾನಾ, ಪಲೋಭಯನ್ತೀವ 7 ನರೇಸು ಗಚ್ಛತಿ॥
Kāḷappavāḷāva pavellamānā, palobhayantīva 8 naresu gacchati.
೧೧೮.
118.
ತಮೇನ ಪಸ್ಸಾಮಿಪರೇನ ನಾರಿಂ, ಆಸೀತಿಕಂ ನಾವುತಿಕಂ ವ ಜಚ್ಚಾ।
Tamena passāmiparena nāriṃ, āsītikaṃ nāvutikaṃ va jaccā;
ದಣ್ಡಂ ಗಹೇತ್ವಾನ ಪವೇಧಮಾನಂ, ಗೋಪಾನಸೀಭೋಗ್ಗಸಮಂ ಚರನ್ತಿಂ॥
Daṇḍaṃ gahetvāna pavedhamānaṃ, gopānasībhoggasamaṃ carantiṃ.
೧೧೯.
119.
ಸೋಹಂ ತಮೇವಾನುವಿಚಿನ್ತಯನ್ತೋ, ಏಕೋ ಸಯಾಮಿ 9 ಸಯನಸ್ಸ ಮಜ್ಝೇ।
Sohaṃ tamevānuvicintayanto, eko sayāmi 10 sayanassa majjhe;
‘‘ಅಹಮ್ಪಿ ಏವಂ’’ ಇತಿ ಪೇಕ್ಖಮಾನೋ, ನ ಗಹೇ ರಮೇ 11 ಬ್ರಹ್ಮಚರಿಯಸ್ಸ ಕಾಲೋ॥
‘‘Ahampi evaṃ’’ iti pekkhamāno, na gahe rame 12 brahmacariyassa kālo.
೧೨೦.
120.
ರಜ್ಜುವಾಲಮ್ಬನೀ ಚೇಸಾ, ಯಾ ಗೇಹೇ ವಸತೋ ರತಿ।
Rajjuvālambanī cesā, yā gehe vasato rati;
ಏವಮ್ಪಿ ಛೇತ್ವಾನ ವಜನ್ತಿ ಧೀರಾ, ಅನಪೇಕ್ಖಿನೋ ಕಾಮಸುಖಂ ಪಹಾಯಾತಿ॥
Evampi chetvāna vajanti dhīrā, anapekkhino kāmasukhaṃ pahāyāti.
ಸುಸೀಮಜಾತಕಂ ಛಟ್ಠಂ।
Susīmajātakaṃ chaṭṭhaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೧೧] ೬. ಸುಸೀಮಜಾತಕವಣ್ಣನಾ • [411] 6. Susīmajātakavaṇṇanā
