| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. суурияасуд̇д̇ам̣
10. Sūriyasuttaṃ
91. саавад̇т̇инид̣̇аанам̣. д̇зна ко бана самаязна суурияо д̣̇звабуд̇д̇о раахунаа асуринд̣̇зна г̇ахид̇о ход̇и. ат̇а ко суурияо д̣̇звабуд̇д̇о бхаг̇аванд̇ам̣ ануссарамаано д̇ааяам̣ взлааяам̣ имам̣ г̇аат̇ам̣ абхааси –
91. Sāvatthinidānaṃ. Tena kho pana samayena sūriyo devaputto rāhunā asurindena gahito hoti. Atha kho sūriyo devaputto bhagavantaṃ anussaramāno tāyaṃ velāyaṃ imaṃ gāthaṃ abhāsi –
‘‘намо д̇з б̣уд̣̇д̇ха вийрад̇т̇у, виббамуд̇д̇оси саб̣б̣ад̇хи;
‘‘Namo te buddha vīratthu, vippamuttosi sabbadhi;
самб̣аад̇хабадибанносми, д̇асса мз саран̣ам̣ бхаваа’’д̇и.
Sambādhapaṭipannosmi, tassa me saraṇaṃ bhavā’’ti.
ат̇а ко бхаг̇аваа суурияам̣ д̣̇звабуд̇д̇ам̣ аараб̣бха раахум̣ асуринд̣̇ам̣ г̇аат̇аахи аж̇жхабхааси –
Atha kho bhagavā sūriyaṃ devaputtaṃ ārabbha rāhuṃ asurindaṃ gāthāhi ajjhabhāsi –
‘‘д̇ат̇ааг̇ад̇ам̣ араханд̇ам̣, суурияо саран̣ам̣ г̇ад̇о;
‘‘Tathāgataṃ arahantaṃ, sūriyo saraṇaṃ gato;
рааху суурияам̣ 1 бамун̃жассу, б̣уд̣̇д̇хаа логаанугамбагаа.
Rāhu sūriyaṃ 2 pamuñcassu, buddhā lokānukampakā.
‘‘яо анд̇хагаарз д̇амаси бабхан̇гаро,
‘‘Yo andhakāre tamasi pabhaṅkaro,
взрожано ман̣д̣алий уг̇г̇ад̇зж̇о;
Verocano maṇḍalī uggatejo;
маа рааху г̇илий жараманд̇алигкз,
Mā rāhu gilī caramantalikkhe,
баж̇ам̣ мамам̣ рааху бамун̃жа суурияа’’нд̇и.
Pajaṃ mamaṃ rāhu pamuñca sūriya’’nti.
ат̇а ко рааху асуринд̣̇о суурияам̣ д̣̇звабуд̇д̇ам̣ мун̃жид̇ваа д̇арамаанаруубо язна взбажид̇д̇и асуринд̣̇о д̇знубасан̇гами; убасан̇гамид̇ваа сам̣виг̇г̇о ломахадтаж̇аад̇о згаманд̇ам̣ адтааси. згаманд̇ам̣ тид̇ам̣ ко раахум̣ асуринд̣̇ам̣ взбажид̇д̇и асуринд̣̇о г̇аат̇ааяа аж̇жхабхааси –
Atha kho rāhu asurindo sūriyaṃ devaputtaṃ muñcitvā taramānarūpo yena vepacitti asurindo tenupasaṅkami; upasaṅkamitvā saṃviggo lomahaṭṭhajāto ekamantaṃ aṭṭhāsi. Ekamantaṃ ṭhitaṃ kho rāhuṃ asurindaṃ vepacitti asurindo gāthāya ajjhabhāsi –
‘‘гим̣ ну санд̇арамаанова, рааху суурияам̣ бамун̃жаси;
‘‘Kiṃ nu santaramānova, rāhu sūriyaṃ pamuñcasi;
сам̣виг̇г̇аруубо ааг̇амма, гим̣ ну бхийд̇ова д̇идтасий’’д̇и.
Saṃviggarūpo āgamma, kiṃ nu bhītova tiṭṭhasī’’ti.
‘‘сад̇д̇ад̇хаа мз палз муд̣̇д̇хаа, ж̇ийванд̇о на сукам̣ лабхз;
‘‘Sattadhā me phale muddhā, jīvanto na sukhaṃ labhe;
б̣уд̣̇д̇хаг̇аат̇аабхиг̇ийд̇омхи, но жз мун̃жзяяа суурияа’’нд̇и.
Buddhagāthābhigītomhi, no ce muñceyya sūriya’’nti.
батамо ваг̇г̇о.
Paṭhamo vaggo.
д̇ассуд̣̇д̣̇аанам̣ –
Tassuddānaṃ –
д̣̇вз гассабаа жа маагхо жа, мааг̇ад̇хо д̣̇аамали гаамад̣̇о;
Dve kassapā ca māgho ca, māgadho dāmali kāmado;
бан̃жаалажан̣д̣о д̇ааяано, жанд̣̇имасууриязна д̇з д̣̇асаад̇и.
Pañcālacaṇḍo tāyano, candimasūriyena te dasāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. суурияасуд̇д̇аван̣н̣анаа • 10. Sūriyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. суурияасуд̇д̇аван̣н̣анаа • 10. Sūriyasuttavaṇṇanā
