| Library / Tipiṭaka / તિપિટક • Tipiṭaka / થેરીગાથાપાળિ • Therīgāthāpāḷi |
૪. સુન્દરીનન્દાથેરીગાથા
4. Sundarīnandātherīgāthā
૮૨.
82.
‘‘આતુરં અસુચિં પૂતિં, પસ્સ નન્દે સમુસ્સયં;
‘‘Āturaṃ asuciṃ pūtiṃ, passa nande samussayaṃ;
અસુભાય ચિત્તં ભાવેહિ, એકગ્ગં સુસમાહિતં.
Asubhāya cittaṃ bhāvehi, ekaggaṃ susamāhitaṃ.
૮૩.
83.
‘‘યથા ઇદં તથા એતં, યથા એતં તથા ઇદં;
‘‘Yathā idaṃ tathā etaṃ, yathā etaṃ tathā idaṃ;
દુગ્ગન્ધં પૂતિકં વાતિ, બાલાનં અભિનન્દિતં.
Duggandhaṃ pūtikaṃ vāti, bālānaṃ abhinanditaṃ.
૮૪.
84.
‘‘એવમેતં અવેક્ખન્તી, રત્તિન્દિવમતન્દિતા;
‘‘Evametaṃ avekkhantī, rattindivamatanditā;
૮૫.
85.
‘‘તસ્સા મે અપ્પમત્તાય, વિચિનન્તિયા યોનિસો;
‘‘Tassā me appamattāya, vicinantiyā yoniso;
યથાભૂતં અયં કાયો, દિટ્ઠો સન્તરબાહિરો.
Yathābhūtaṃ ayaṃ kāyo, diṭṭho santarabāhiro.
૮૬.
86.
‘‘અથ નિબ્બિન્દહં કાયે, અજ્ઝત્તઞ્ચ વિરજ્જહં;
‘‘Atha nibbindahaṃ kāye, ajjhattañca virajjahaṃ;
અપ્પમત્તા વિસંયુત્તા, ઉપસન્તામ્હિ નિબ્બુતા’’તિ.
Appamattā visaṃyuttā, upasantāmhi nibbutā’’ti.
… સુન્દરીનન્દા થેરી….
… Sundarīnandā therī….
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / થેરીગાથા-અટ્ઠકથા • Therīgāthā-aṭṭhakathā / ૪. સુન્દરીનન્દાથેરીગાથાવણ્ણના • 4. Sundarīnandātherīgāthāvaṇṇanā
