| Library / Tipiṭaka / તિપિટક • Tipiṭaka / થેરીગાથાપાળિ • Therīgāthāpāḷi |
૫. નન્દુત્તરાથેરીગાથા
5. Nanduttarātherīgāthā
૮૭.
87.
‘‘અગ્ગિં ચન્દઞ્ચ સૂરિયઞ્ચ, દેવતા ચ નમસ્સિહં;
‘‘Aggiṃ candañca sūriyañca, devatā ca namassihaṃ;
નદીતિત્થાનિ ગન્ત્વાન, ઉદકં ઓરુહામિહં.
Nadītitthāni gantvāna, udakaṃ oruhāmihaṃ.
૮૮.
88.
‘‘બહૂવતસમાદાના , અડ્ઢં સીસસ્સ ઓલિખિં;
‘‘Bahūvatasamādānā , aḍḍhaṃ sīsassa olikhiṃ;
છમાય સેય્યં કપ્પેમિ, રત્તિં ભત્તં ન ભુઞ્જહં.
Chamāya seyyaṃ kappemi, rattiṃ bhattaṃ na bhuñjahaṃ.
૮૯.
89.
‘‘વિભૂસામણ્ડનરતા, ન્હાપનુચ્છાદનેહિ ચ;
‘‘Vibhūsāmaṇḍanaratā, nhāpanucchādanehi ca;
ઉપકાસિં ઇમં કાયં, કામરાગેન અટ્ટિતા.
Upakāsiṃ imaṃ kāyaṃ, kāmarāgena aṭṭitā.
૯૦.
90.
‘‘તતો સદ્ધં લભિત્વાન, પબ્બજિં અનગારિયં;
‘‘Tato saddhaṃ labhitvāna, pabbajiṃ anagāriyaṃ;
દિસ્વા કાયં યથાભૂતં, કામરાગો સમૂહતો.
Disvā kāyaṃ yathābhūtaṃ, kāmarāgo samūhato.
૯૧.
91.
‘‘સબ્બે ભવા સમુચ્છિન્ના, ઇચ્છા ચ પત્થનાપિ ચ;
‘‘Sabbe bhavā samucchinnā, icchā ca patthanāpi ca;
સબ્બયોગવિસંયુત્તા, સન્તિં પાપુણિ ચેતસો’’તિ.
Sabbayogavisaṃyuttā, santiṃ pāpuṇi cetaso’’ti.
… નન્દુત્તરા થેરી….
… Nanduttarā therī….
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / થેરીગાથા-અટ્ઠકથા • Therīgāthā-aṭṭhakathā / ૫. નન્દુત્તરાથેરીગાથાવણ્ણના • 5. Nanduttarātherīgāthāvaṇṇanā
