| Library / Tipiṭaka / तिपिटक • Tipiṭaka / थेरीगाथापाळि • Therīgāthāpāḷi |
४. सुन्दरीनन्दाथेरीगाथा
4. Sundarīnandātherīgāthā
८२.
82.
‘‘आतुरं असुचिं पूतिं, पस्स नन्दे समुस्सयं।
‘‘Āturaṃ asuciṃ pūtiṃ, passa nande samussayaṃ;
असुभाय चित्तं भावेहि, एकग्गं सुसमाहितं॥
Asubhāya cittaṃ bhāvehi, ekaggaṃ susamāhitaṃ.
८३.
83.
‘‘यथा इदं तथा एतं, यथा एतं तथा इदं।
‘‘Yathā idaṃ tathā etaṃ, yathā etaṃ tathā idaṃ;
दुग्गन्धं पूतिकं वाति, बालानं अभिनन्दितं॥
Duggandhaṃ pūtikaṃ vāti, bālānaṃ abhinanditaṃ.
८४.
84.
‘‘एवमेतं अवेक्खन्ती, रत्तिन्दिवमतन्दिता।
‘‘Evametaṃ avekkhantī, rattindivamatanditā;
८५.
85.
‘‘तस्सा मे अप्पमत्ताय, विचिनन्तिया योनिसो।
‘‘Tassā me appamattāya, vicinantiyā yoniso;
यथाभूतं अयं कायो, दिट्ठो सन्तरबाहिरो॥
Yathābhūtaṃ ayaṃ kāyo, diṭṭho santarabāhiro.
८६.
86.
‘‘अथ निब्बिन्दहं काये, अज्झत्तञ्च विरज्जहं।
‘‘Atha nibbindahaṃ kāye, ajjhattañca virajjahaṃ;
अप्पमत्ता विसंयुत्ता, उपसन्ताम्हि निब्बुता’’ति॥
Appamattā visaṃyuttā, upasantāmhi nibbutā’’ti.
… सुन्दरीनन्दा थेरी…।
… Sundarīnandā therī….
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / थेरीगाथा-अट्ठकथा • Therīgāthā-aṭṭhakathā / ४. सुन्दरीनन्दाथेरीगाथावण्णना • 4. Sundarīnandātherīgāthāvaṇṇanā
