| Library / Tipiṭaka / ತಿಪಿಟಕ • Tipiṭaka / ಥೇರಗಾಥಾಪಾಳಿ • Theragāthāpāḷi |
೧೦. ಸುಮನತ್ಥೇರಗಾಥಾ
10. Sumanattheragāthā
೪೨೯.
429.
‘‘ಯದಾ ನವೋ ಪಬ್ಬಜಿತೋ, ಜಾತಿಯಾ ಸತ್ತವಸ್ಸಿಕೋ।
‘‘Yadā navo pabbajito, jātiyā sattavassiko;
ಇದ್ಧಿಯಾ ಅಭಿಭೋತ್ವಾನ, ಪನ್ನಗಿನ್ದಂ ಮಹಿದ್ಧಿಕಂ॥
Iddhiyā abhibhotvāna, pannagindaṃ mahiddhikaṃ.
೪೩೦.
430.
‘‘ಉಪಜ್ಝಾಯಸ್ಸ ಉದಕಂ, ಅನೋತತ್ತಾ ಮಹಾಸರಾ।
‘‘Upajjhāyassa udakaṃ, anotattā mahāsarā;
ಆಹರಾಮಿ ತತೋ ದಿಸ್ವಾ, ಮಂ ಸತ್ಥಾ ಏತದಬ್ರವಿ’’॥
Āharāmi tato disvā, maṃ satthā etadabravi’’.
೪೩೧.
431.
‘‘ಸಾರಿಪುತ್ತ ಇಮಂ ಪಸ್ಸ, ಆಗಚ್ಛನ್ತಂ ಕುಮಾರಕಂ।
‘‘Sāriputta imaṃ passa, āgacchantaṃ kumārakaṃ;
ಉದಕಕುಮ್ಭಮಾದಾಯ, ಅಜ್ಝತ್ತಂ ಸುಸಮಾಹಿತಂ॥
Udakakumbhamādāya, ajjhattaṃ susamāhitaṃ.
೪೩೨.
432.
‘‘ಪಾಸಾದಿಕೇನ ವತ್ತೇನ, ಕಲ್ಯಾಣಇರಿಯಾಪಥೋ।
‘‘Pāsādikena vattena, kalyāṇairiyāpatho;
ಸಾಮಣೇರೋನುರುದ್ಧಸ್ಸ, ಇದ್ಧಿಯಾ ಚ ವಿಸಾರದೋ॥
Sāmaṇeronuruddhassa, iddhiyā ca visārado.
೪೩೩.
433.
‘‘ಆಜಾನೀಯೇನ ಆಜಞ್ಞೋ, ಸಾಧುನಾ ಸಾಧುಕಾರಿತೋ।
‘‘Ājānīyena ājañño, sādhunā sādhukārito;
ವಿನೀತೋ ಅನುರುದ್ಧೇನ, ಕತಕಿಚ್ಚೇನ ಸಿಕ್ಖಿತೋ॥
Vinīto anuruddhena, katakiccena sikkhito.
೪೩೪.
434.
‘‘ಸೋ ಪತ್ವಾ ಪರಮಂ ಸನ್ತಿಂ, ಸಚ್ಛಿಕತ್ವಾ ಅಕುಪ್ಪತಂ।
‘‘So patvā paramaṃ santiṃ, sacchikatvā akuppataṃ;
ಸಾಮಣೇರೋ ಸ ಸುಮನೋ, ಮಾ ಮಂ ಜಞ್ಞಾತಿ ಇಚ್ಛತೀ’’ತಿ॥
Sāmaṇero sa sumano, mā maṃ jaññāti icchatī’’ti.
… ಸುಮನೋ ಥೇರೋ…।
… Sumano thero….
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರಗಾಥಾ-ಅಟ್ಠಕಥಾ • Theragāthā-aṭṭhakathā / ೧೦. ಸುಮನತ್ಥೇರಗಾಥಾವಣ್ಣನಾ • 10. Sumanattheragāthāvaṇṇanā
