| Library / Tipiṭaka / ತಿಪಿಟಕ • Tipiṭaka / ಥೇರಗಾಥಾಪಾಳಿ • Theragāthāpāḷi |
೧೧. ನ್ಹಾತಕಮುನಿತ್ಥೇರಗಾಥಾ
11. Nhātakamunittheragāthā
೪೩೫.
435.
‘‘ವಾತರೋಗಾಭಿನೀತೋ ತ್ವಂ, ವಿಹರಂ ಕಾನನೇ ವನೇ।
‘‘Vātarogābhinīto tvaṃ, viharaṃ kānane vane;
ಪವಿದ್ಧಗೋಚರೇ ಲೂಖೇ, ಕಥಂ ಭಿಕ್ಖು ಕರಿಸ್ಸಸಿ’’॥
Paviddhagocare lūkhe, kathaṃ bhikkhu karissasi’’.
೪೩೬.
436.
‘‘ಪೀತಿಸುಖೇನ ವಿಪುಲೇನ, ಫರಿತ್ವಾನ ಸಮುಸ್ಸಯಂ।
‘‘Pītisukhena vipulena, pharitvāna samussayaṃ;
ಲೂಖಮ್ಪಿ ಅಭಿಸಮ್ಭೋನ್ತೋ, ವಿಹರಿಸ್ಸಾಮಿ ಕಾನನೇ॥
Lūkhampi abhisambhonto, viharissāmi kānane.
೪೩೭.
437.
‘‘ಭಾವೇನ್ತೋ ಸತ್ತ ಬೋಜ್ಝಙ್ಗೇ, ಇನ್ದ್ರಿಯಾನಿ ಬಲಾನಿ ಚ।
‘‘Bhāvento satta bojjhaṅge, indriyāni balāni ca;
೪೩೮.
438.
‘‘ವಿಪ್ಪಮುತ್ತಂ ಕಿಲೇಸೇಹಿ, ಸುದ್ಧಚಿತ್ತಂ ಅನಾವಿಲಂ।
‘‘Vippamuttaṃ kilesehi, suddhacittaṃ anāvilaṃ;
ಅಭಿಣ್ಹಂ ಪಚ್ಚವೇಕ್ಖನ್ತೋ, ವಿಹರಿಸ್ಸಂ ಅನಾಸವೋ॥
Abhiṇhaṃ paccavekkhanto, viharissaṃ anāsavo.
೪೩೯.
439.
‘‘ಅಜ್ಝತ್ತಞ್ಚ ಬಹಿದ್ಧಾ ಚ, ಯೇ ಮೇ ವಿಜ್ಜಿಂಸು ಆಸವಾ।
‘‘Ajjhattañca bahiddhā ca, ye me vijjiṃsu āsavā;
ಸಬ್ಬೇ ಅಸೇಸಾ ಉಚ್ಛಿನ್ನಾ, ನ ಚ ಉಪ್ಪಜ್ಜರೇ ಪುನ॥
Sabbe asesā ucchinnā, na ca uppajjare puna.
೪೪೦.
440.
‘‘ಪಞ್ಚಕ್ಖನ್ಧಾ ಪರಿಞ್ಞಾತಾ, ತಿಟ್ಠನ್ತಿ ಛಿನ್ನಮೂಲಕಾ।
‘‘Pañcakkhandhā pariññātā, tiṭṭhanti chinnamūlakā;
ದುಕ್ಖಕ್ಖಯೋ ಅನುಪ್ಪತ್ತೋ, ನತ್ಥಿ ದಾನಿ ಪುನಬ್ಭವೋ’’ತಿ॥
Dukkhakkhayo anuppatto, natthi dāni punabbhavo’’ti.
… ನ್ಹಾತಕಮುನಿತ್ಥೇರೋ…।
… Nhātakamunitthero….
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರಗಾಥಾ-ಅಟ್ಠಕಥಾ • Theragāthā-aṭṭhakathā / ೧೧. ನ್ಹಾತಕಮುನಿತ್ಥೇರಗಾಥಾವಣ್ಣನಾ • 11. Nhātakamunittheragāthāvaṇṇanā
