| Library / Tipiṭaka / ติปิฎก • Tipiṭaka / เถรคาถาปาฬิ • Theragāthāpāḷi |
๑๐. สุมนเตฺถรคาถา
10. Sumanattheragāthā
๔๒๙.
429.
‘‘ยทา นโว ปพฺพชิโต, ชาติยา สตฺตวสฺสิโก;
‘‘Yadā navo pabbajito, jātiyā sattavassiko;
อิทฺธิยา อภิโภตฺวาน, ปนฺนคินฺทํ มหิทฺธิกํฯ
Iddhiyā abhibhotvāna, pannagindaṃ mahiddhikaṃ.
๔๓๐.
430.
‘‘อุปชฺฌายสฺส อุทกํ, อโนตตฺตา มหาสรา;
‘‘Upajjhāyassa udakaṃ, anotattā mahāsarā;
อาหรามิ ตโต ทิสฺวา, มํ สตฺถา เอตทพฺรวิ’’ฯ
Āharāmi tato disvā, maṃ satthā etadabravi’’.
๔๓๑.
431.
‘‘สาริปุตฺต อิมํ ปสฺส, อาคจฺฉนฺตํ กุมารกํ;
‘‘Sāriputta imaṃ passa, āgacchantaṃ kumārakaṃ;
อุทกกุมฺภมาทาย, อชฺฌตฺตํ สุสมาหิตํฯ
Udakakumbhamādāya, ajjhattaṃ susamāhitaṃ.
๔๓๒.
432.
‘‘ปาสาทิเกน วเตฺตน, กลฺยาณอิริยาปโถ;
‘‘Pāsādikena vattena, kalyāṇairiyāpatho;
สามเณโรนุรุทฺธสฺส, อิทฺธิยา จ วิสารโทฯ
Sāmaṇeronuruddhassa, iddhiyā ca visārado.
๔๓๓.
433.
‘‘อาชานีเยน อาชโญฺญ, สาธุนา สาธุการิโต;
‘‘Ājānīyena ājañño, sādhunā sādhukārito;
วินีโต อนุรุเทฺธน, กตกิเจฺจน สิกฺขิโตฯ
Vinīto anuruddhena, katakiccena sikkhito.
๔๓๔.
434.
‘‘โส ปตฺวา ปรมํ สนฺติํ, สจฺฉิกตฺวา อกุปฺปตํ;
‘‘So patvā paramaṃ santiṃ, sacchikatvā akuppataṃ;
สามเณโร ส สุมโน, มา มํ ชญฺญาติ อิจฺฉตี’’ติฯ
Sāmaṇero sa sumano, mā maṃ jaññāti icchatī’’ti.
… สุมโน เถโร…ฯ
… Sumano thero….
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรคาถา-อฎฺฐกถา • Theragāthā-aṭṭhakathā / ๑๐. สุมนเตฺถรคาถาวณฺณนา • 10. Sumanattheragāthāvaṇṇanā
