| Library / Tipiṭaka / ติปิฎก • Tipiṭaka / เถรคาถาปาฬิ • Theragāthāpāḷi |
๑๑. นฺหาตกมุนิเตฺถรคาถา
11. Nhātakamunittheragāthā
๔๓๕.
435.
‘‘วาตโรคาภินีโต ตฺวํ, วิหรํ กานเน วเน;
‘‘Vātarogābhinīto tvaṃ, viharaṃ kānane vane;
ปวิทฺธโคจเร ลูเข, กถํ ภิกฺขุ กริสฺสสิ’’ฯ
Paviddhagocare lūkhe, kathaṃ bhikkhu karissasi’’.
๔๓๖.
436.
‘‘ปีติสุเขน วิปุเลน, ผริตฺวาน สมุสฺสยํ;
‘‘Pītisukhena vipulena, pharitvāna samussayaṃ;
ลูขมฺปิ อภิสโมฺภโนฺต, วิหริสฺสามิ กานเนฯ
Lūkhampi abhisambhonto, viharissāmi kānane.
๔๓๗.
437.
‘‘ภาเวโนฺต สตฺต โพชฺฌเงฺค, อินฺทฺริยานิ พลานิ จ;
‘‘Bhāvento satta bojjhaṅge, indriyāni balāni ca;
๔๓๘.
438.
‘‘วิปฺปมุตฺตํ กิเลเสหิ, สุทฺธจิตฺตํ อนาวิลํ;
‘‘Vippamuttaṃ kilesehi, suddhacittaṃ anāvilaṃ;
อภิณฺหํ ปจฺจเวกฺขโนฺต, วิหริสฺสํ อนาสโวฯ
Abhiṇhaṃ paccavekkhanto, viharissaṃ anāsavo.
๔๓๙.
439.
‘‘อชฺฌตฺตญฺจ พหิทฺธา จ, เย เม วิชฺชิํสุ อาสวา;
‘‘Ajjhattañca bahiddhā ca, ye me vijjiṃsu āsavā;
สเพฺพ อเสสา อุจฺฉินฺนา, น จ อุปฺปชฺชเร ปุนฯ
Sabbe asesā ucchinnā, na ca uppajjare puna.
๔๔๐.
440.
‘‘ปญฺจกฺขนฺธา ปริญฺญาตา, ติฎฺฐนฺติ ฉินฺนมูลกา;
‘‘Pañcakkhandhā pariññātā, tiṭṭhanti chinnamūlakā;
ทุกฺขกฺขโย อนุปฺปโตฺต, นตฺถิ ทานิ ปุนพฺภโว’’ติฯ
Dukkhakkhayo anuppatto, natthi dāni punabbhavo’’ti.
… นฺหาตกมุนิเตฺถโร…ฯ
… Nhātakamunitthero….
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรคาถา-อฎฺฐกถา • Theragāthā-aṭṭhakathā / ๑๑. นฺหาตกมุนิเตฺถรคาถาวณฺณนา • 11. Nhātakamunittheragāthāvaṇṇanā
